YONA 4:8 - Lacid Common Language Bible

⁸ Hau: lho: Mangsoo gi bid thu ri" lang" bidthu shoid mo lid lung ri houg nhang: kaid wigi bid gi Yona vhuloem moo nge" nyid yoomo coid lo" nyid bye:. Houg: yoomo nya: gung nyang: shid: nau da:. Shid lo" zigi dei nyid tho' mo nga" shid re" je ge ga: wigi tid nyid.

YONA 4:8 Referans Kwoze

YONA 4:3

Aseing we"- akhid" ngoo ri shid: nhang: la- dei nyid wa tho' moo shid: wa zigi je" ge nyid bye:» ga: mho' nyid.

EZEKIEL 19:12

Nghoid loug we' nheig yo: da" lo, joem wigi hau: ziri agyi: mo lang: phoin' pyam lho: Myid gung khyoo: she: pyam khyo' pyam ago". Bid thu shoid mo lid gi hau: ziri hau' kyug pyam da:. Hau: da" akung: joem gi gyau: gyoo" lo" ago". Hau: joem gi kyug lo" wigi nghe' pyam zi shoug" ago".

COUNG" NGHEI 121:6

Nyid" khyoug mo bid- myen" mo lhammoo"- nang ri noo, nhang: wa zi anghoid.

Pang Shug 7:16

Nyangnu" gi thang: phyang" khanham we' zooyoid gyid shed ziyo' bid lhab, nge" loung zi we' shau" loo: goo" wa zi anghoid loo.

Pang Shug 3:19

Ngoo gi ngoo nyang: jheddab mo, dangain" ri jhau" mho' lho: yoobo dam kaid' nyid houg: yoo mo nang gi yhoug: gyen: khyo" koid nyid lho: re" yooboo mo nheigloem: thed' loo re.

ESAIA 49:10

Nyangnu" gi khanham we' zooyoid wa gyidshed wa zi anghoid. Bid yo' dain" pyoid yoo loung zigi nyangnu" ri dam tab wa zi anghoid. Ciwim gari nyangnu" gi nyangnu" ri jheddab su: wigi shu" vhu" she: yhe: zi shoug" loo goo" wa. Nyang: gi nyangnu" ri gyid boug joem khyoo: shu" vhu" she: yhe: loo" wa.

YONA 1:17

Mangsoo amyeing" byid: yoomo wimdo, zeing gi: Yona ri myhau: pyam bye:. Yona we' wimdo, moo" zeing voem: doug: khoug: moo soem" nyid" soem" myen loung" jo da:.

YONA 1:4

Nghoid loug we' Aseing gi panglai: tho' moo uglid zeing ri nhang: kaid. Houg: yoomo hau: sangphoo gi alug lug gyoeb moin" loo" sho' panglai: gyid thoem" tho' moo gye" gyoug pho" da" uglid moo" hau' vang loo bye:.

SHOLUMON JIKHOIN" 1:6

Ngoo ri bid zang" wigi shoo" no, yoomo ngoo ri ayu" ngi goo". Nga" mang: bang: ngoo ri nheig yo: wigi zabyid khyam: moo ngoo ri moo" koid nhang: bye:. Ngoo gi nga" gung shid re" shoung: wa ayo, ayo" byid: nghoid da:.

COUNG" NGHEI 39:9

Nang gi ngoo ri hid: yhang: te" da- phu" zo: khyoo: shoug" nhang: su: gi nang nghoid nyid yoomo ngoo dang: dakhoin" we' atid- sam" zoo: tam" too" wa.

YOBA 2:10

Yoba gi «Nang ci: dang: kang: abo da" dang: ri tid nyid da:. Mangso wigi ngoonu" ri ge zi daja: ja: byid: uri ngoonu" lhoem: khab yu da:. Nyang: wigi yau: khi" bui" nhang: kaid ri ngoonu" khasu" yo" myeing" myoo: wa la"» ga:. Yoba gi nyang: yau: khi" shoug" kham zoo: nghoid loug we' Mangsoo ri thougtheung khyoo: daja: we' atid nghoid da:.

1 SAMUELA 3:18

Hougsu" nghoid yoomo Samuela gi ce: noem ri we' azau" too" loo: za: dangain" ziri nyang: ri tid kyoo" bye:. Eli gi «Nyang: gi Aseing nghoid nyid da" nyang: moo je gi boin: da" khyoo: ri nyang: koid wa zi nghoid» ga: tid.

XOIN" NGEI" 10:3

Hau: thang: Moshe gi Arun ri «He: zigi Aseing nyang: dang: tid uri ‹ngoo ri shugbyid: bang: dangain" nga" da" gyeung" shang: ziri phau" myang: ca"- ngoo gi nga" byumyu" yiri nga" phung" yoeb ri pang shug wa nghoid› ga: tid da" dang: nghoid» ga: tid. Nghoid loug we' Arun gi sam zoo: tam" to" da:.

MATHE 20:12

Moo" vang shid" mo, hid: bang: gi ‹Nang gi danayi: za: te: kung: da" thang: ri dari" mo ri ngoonu" nyid" goin" bid lhab' kham: mo yo' dakhyoo" ti" nyangnu" ri vhoo" kung: phoug" byid: da› ga: khyam: seing: ri tid ago".

1 KHOKHAM 19:4

Elia gi siyoo gyoem" khyoo: danyid" goin" so" yhe: loo" bye:. Nyang: theing: wigi seiggam yoeb moo zhung: lho: nyang: gi shid: nau nyid da:. Nyang: gi «Aseing we" he: zigi sung nyang: xoo: bye:. Nga" kangso' ri yu pyam byid: we' o". Ngoo gi shid: nau kyi bye:» ga: mho' nyid da:.

HOSEA 13:15

Israela byumyu" yigi myo, gam yo' dakhyoo" ti" yug mung" ri" nghoid loug we' ngoo gi bidthu shoid dain" pyoid yoo mo lid lung ri nhang: kaid lho: hau: lid lung gi nyangnu" da" gyid bug yo' gyid thung" joem ri kyug hei' pyam nhang: wa. Hau: zigi phoug" dab da" ja: khang" moo" ri yu pyam byid: loo wa.

YONA 4:9

Houg: lang" Mangsoo gi Yona ri «Agam ri nang ce: nheig yoo cang bo lha"» ga: myid: Yona gi «Ngoo nheig yo: zi gye" jo da:. Shid: wa yhi' nheig yoo: nau» ga: phoug tid da:.

APOEM AYANG: 41:6

Hau: thang: dain" pyoid mo lo da" uglid wigi moid hau' soem: pyam da" gug soem: gug pyang nyhed nham: gi zung" zung" yab jo, wigi

1 KHOKHAM 21:4

Ahab gi Nabod nyang: ri tid bye: da" dangkhoin" yoomo yoem: shoin: ziyo' nheigloem: yoin ziyo' yhoem: khyoo: lo" da:. Nyang: gi nya: yhoeb yoo moo lheing jhang" jo,- pyiyam khyoo: myonhoo: shu: lho: ci: we' azoo: loo: nyid nyid da:.

YOBA 7:15

Houg: zigi he: yau: khi" ashoo" ajhen" byu gung moo dei nyid wa tho' Ju: lang" shid: ri she' daje gi wa ein: myid ju" sho' nghoid da:.

PHAJHI" DANG: 7:9

Re" nheig yo: ziri hang" we' nheig ashid: yooboo xoem" zigi nheig agyeing: da" moo" zoo" nghoid da:.