YONA 4:6 - Lacid Common Language Bible

⁶ Houg: lang" Aseing Mangsoo gi Yona ri bid shoem: byid: wa shid re" nya: tho' moo agam youg loo nhang: da:. Houg: lang" nyang: myenjham" tung" shoug" nyid da:. Yona we' hau: agam yug loo yoomo gye" gau yi nyid.

YONA 4:6 Referans Kwoze

1Korinthians 7:30

Ngoug byid ngoug nhab, shau" nyid bang: gi akug ashu: mo, yhang: ti" gauyi ngei pyo: nyid bang: gi agoug ayi loo: nyid bang: yhang: ti" ziyoo soid gain jo, nu" qei, yu ci: bye: bang: gi nyangnu" qei yu ci: bye: da" zi, seing: anghoid mo, yhang: ti" nyid goo" baja".

LUKA 10:20

Nghoidloug we' nanu" moo yu join: joem ri yo" khaid thu' pyam yoomo agoug yi goo. Mougkhung: mungdain: moo nanu" da" myeing lhid" too" bye: yoomo za: dagoug ge" ga: wigi tid.

YONA 1:17

Mangsoo amyeing" byid: yoomo wimdo, zeing gi: Yona ri myhau: pyam bye:. Yona we' wimdo, moo" zeing voem: doug: khoug: moo soem" nyid" soem" myen loung" jo da:.

ESAIA 39:2

Hezekia gi lagyoo: yiri lhoem: tau yu lho: nya: da" jonu"- ngei- sheing:- nya: zooxoin" yo' shoem:- nam pyo: ja:- nya: da" gyizi gyikhoo: dangain" houg bang: ri ci: shug da:. Nya: jhi: joem moo yo' mungdain: khoug: gootu: joyoo mo we' houg bang: ri aci: shug zi dakhyi' we' adeing nghoid da:.

ESTHA 5:9

Haman gi zoo: shug pui" mo thu lo" ri nyang: gi myid pyo: nheugdeug nyid da:. Nghoid loug we' hau: thang: nyang: gi khokham vang" khoem" duang: moo Modekhai ri shau" myang da:. Modekhai gi nyang: so" lid: lo" ri phau" myang: zi ci: shug da" khyo" ato' yab lang" Haman gi nyang: ri nheig joem: yo: da:.

AMO 6:13

Nanu" gi Lodeba voogung ri yo" lhoid yu bye: ga: tid ago". Nanu" tid zigi «Karnaim voomoo" ri yo" lhoid yu wa yhi' yoem: bo» ga: tid phau: nyid ago".

DANG: ZHOEM 23:5

Re" da: ngei sheing: gi dung dab, lo wigi dang: phang: lo" da" zoin, bung: yo' dakhyoo" ti" myo, damyeug moo: za: thang byug se' nyid.

YONA 4:5

Yona gi hau: voomoo" mo thu lo" wigi bidthu shoid moo yhe: zhung: jo. Houg: moo nyang: gi nya: shid re" bid shoem: daloem: baid lho:-Nineve voomoo" moo cibue" lo ziri myang sho' ga: hau: bid shoem: khoug: moo zhung: jo.

YONA 4:7

Nghoid loug we' Mangsoo gi thang: nab kyoo' myo, myang zoo" ri tung: sang" dadu: ri nhang: kaid lho: agam kyug shid: loo" sho' khe" phyed pyam byid:.

YOBA 7:2

Jham" da" bid yoeb ri myid vho: nyid da" join yo' we' du. Vhoo" kung: phoug" lang" nyid da" moo" zei: su: yo' we' du.