YONA 3:8 - Lacid Common Language Bible

⁸ Byu yi yo' gougnyhoug joem dangain" jid: moo" byimi void ci: ge'. yugkhang" moo" nyang: nya: akhyeing" ashoeb da" aved asam" yo' yooboo moo" zoo" ri to" pyam lho: ayoo" atho' Mangso jhang mho' nyid we'.

YONA 3:8 Referans Kwoze

YONA 1:6

Sangphoo khang" su: gi nyang: ri houg: moo yhe: myang lho: tid zigi «Nang khasu" wigi yhoeb pyo: nyid lha". Too' we' pang" thoug yu zi shoug" wa shid re" re" yu phara" ri mho' we' nyang: gi nyhang" ri nheig khyeug lho: yha" kangso' ri to' lhoid pyoin kaid shi" abe» ga: tid.

ACTS 3:19

Hougsu" nghoid yoomo nanu" nheugloem: ri thid' ge-Mangso jhang doem tau" loo ge'. Houg: lang" Nyang: gi nanu" da" yooboo joem ri khyoid pyam byid: wa zi nghoid.

YONA 1:14

Houg: yoomo nyangnu" gi Aseing ri «O" Aseing we" he: yug kangso' yoomo ngoonu" ri shid: wa yooboo dam ajen" byid:-Aseing we" nang koem' gi nanyang: Koid eung: ziyo' dakhyoo" ti" koid abye:» ga: mho' yoid boem.

ACTS 26:20

Ngoo gi xang: shed" ri Damasku voogung moo Yerusalem voomoo" moo hau: thang: ri yuda mung" goin" jang" moo we' tungbau byumyu" yi ri we' nyangnu" da" yooboo mo nheigloem:" thed' lo boem wigi Mangso shoid khyoo: lheung: loo ca"- houg: su" nyangnu" nheigloem: thid' bye"- ga: ziri lo, moo" khyo" - aved, asam" yo' zei: shug khyo" toin" shid' ca- ein: ngoo cang kho" kyoo" bye.

MATHE 3:8

Houg: yoomo nheigloem: thid da" ashi" zei: ge'

DANIELA 4:27

Houg: yoomo aseing: khokham we"- nga" phajhi" byid: dang: ri cang we' yooboo koid ziri theing: pyam we'. Jo ziri koid wigi sho" jhen: bang: ri nheig khyeug we' houg: lang" nang xo' lho: yoo" zoo: shug loo wa» ga: tid.

EZEKIEL 33:11

Ngoo yoem: moo" bo Aseing gi deing deing dei nyid ziyo' dayhang: ti"- yooboo yoo" bang: shid: lo" ziri ayu" gau ein: ziri nyangnu" ri tid kyoo" we'. Nyangnu" gi yooboo shoid ziri theing: pyam lho: kangso' dei nyid ziri ngoo je myid vho: da:. Israela we"- nang koid nyid da" akhyeing" moo" ri theing: pyam we'. Nang ciwim yoomo shid: nau la"

YEREMIA 18:11

Houg: lho: Akhid" ngoo gi nyangnu" ri gyi koid wa soin' to" lho: nyangnu" ri yooboo dam byid: wa jen" jen" nghoid bye: da" khyoo: ri Yuda byu yi yo' Yerusalem byu yiri tid kyoo" byid: we'. Yooboo koid da" kangso' dei khyoo: ri theing: pyam wa nyangnu" khyoo: joem ri thid pyam wa nyangnu" koid da" lo, moo" ri theing: pyam goo" wa shid re" tid wa.

ESAIA 58:6

«Ngoo vho: da" zoo: shug jang" khyoo: gi hid: su" nghoid. Doin: zeig too" shau" bang: da" jangcoo" joem ri yo' tarha" adeingmain" da" kyoug: ri khyoid pyam' byid: wigi doin: zeig too" shau" bang: ri pyoin' kaid khyoo:.

Pang Shug 11:3

Jid: moo" byimi void ci: da" nga" sagsi: eig yug ri ngoo nhang: kaid' wa Nya: eig yug gi bidnyid 1260 nyid agyoo: moo Mangso mungdang: ri lapi: dang: khyo" kho" kyoo" wa,, ga: tid.

YOBA 16:17

Nghoid loug we' ngoo gi athoug" akhyoug: yooboo moo" ci: akoid. Houg: lho: Mangsoo ri ngoo akyu" mho' da" dang: gi gyeung" shang: da:.

YOBA 36:10

Nyang: gi nyangnu" ri akhyeing" jang" moo lheing: loo wa shid re" nya: da" tid poin" dang: ri tam" gyoo: nhang: da:.

YEREMIA 25:5

Apyaid atoo: jonu" khyo" nanu" ri yo' nanu" phoug" phyid" yiri Aseing wigi byid: to" da" mungdain: moo nanu" xo' wigi yo" nyid boem goo" wa shid re" nyangnu" gi nanu" ri nanu" da" akhyeing" kangso' dei khyoo: mo yo' nanu" koid da" akhyeing" da" lo, mo" joem mo tau" loo wa nanu" ri tid abye: go".

YEREMIA 26:3

Byumyu" yigi tam" gyo: wigi nyangnu" da" akhyeing" da" khyoo: joem ri to" ri to" pyam boem abe. Nyangnu" to" pyam boem nghoid rigi nyangnu" da" akhyeing" lo, moo" dangain" shid re" nyangnu" jang" moo bui" nhang: wa ein: ngoo soin' to" da" phyo' shoin' khyoo: yo' sen: wigi nga" myid moo kaid to" ziri ngoo to" pyam wa» ga: tid da:.

YEREMIA 36:3

Ngoo nyangnu" adang moo bui" nhang: wa soin' to" da" byo, yoin" khyoo: dangain" yo' sen: wigi Yuda byu yi shoug" gyoo: lang" nyangnu" da" akhyeing" lo, moo" joem mo to' phug lheing: loo goo" abe. Houg: lang" nyangnu" akhyeing" ziri yo' nyangnu" yooboo joem ri ngoo khyoid byid: wa» ga: tid.

YOELA 1:14

Zoo: shug jang" pyam wa shid re" amyeing" khyoo' byid: ge'. phung: foem: wa shid mo khe: zheing" we'. Nanu" da" Aseing Mangso da" Noku Yhoem: Moo" khoug: khyoo:- Yuda byumyu" yi dangain" bang: yo' vhu" shi: bang: ri khe: zheung" kaid lho: nyang: ri mho' yoid we'.