YONA 3:7 - Lacid Common Language Bible

⁷ Nyang: gi Nineve voomoo" khyoo: lu dang: fu" nhang: kaid zigi «He: zigi khokham yo' nya: zoug: ludaid yi da" amyeing" dang: nghoid. Hang" dayug we' ci: we' azoo: goo". Meing: byu yi nu: kyung joem yo' yang joem dangain" ri ci: we' azhoo" ajhug goo"» ga: toem' to".

YONA 3:7 Referans Kwoze

2 KHOKHAM MHOOMYID: 20:3

Yehoshaphad gi gyoug wigi khyoo: shid byid: wa shid re" Aseing ri akyu" mho' da:. Hau: thang: nyang: gi Yuda mung" goin" khyoo: zoo: noem jang" goo" wa shid re" amyeing" khyo' kaid da:.

YONA 3:5

Nineve voobyu yigi Mangso mungdang: ri loem" jeung" boem bye:. Houg: yoomo nyangnu" yugkhang" moo" gi zoo: noem zeing: wa myid phyed to" boem ziyo' gyi: zoo: nge zoo: dangain" nheigloem: thid da" aved toin" shed wa shid re" jid: moo" byimi ri void ci: boem.

YOELA 1:18

Nu: kyung gi seing" kho" myeung nyid boem- khasu" wim gari nyangnu" shid mo coung" yoo ajo, loo- yang phung: joem we' yau: khe" zi shoug" nyid abye: go".

EZRA 8:21

Nyha" da" Mangso shidkhoin" moo nyhang" nya: nheigloem: ri khyo' nyhoem: ci: wigi nyha" gyung: khyoo: shid re" we' nyhang" ri lhoug zung" wa shid re" we' nyha" zooshang: yi shid re" we' nyha" jonu" ziyoo dangain" we' nya: jhang akyu" mho' wa shid re" Ahava toeb khyoo" yam moo nyhang" dangain" mo, zoo: noem jang" wa shid re" ngoo amyeing" byid: bye:.