YONA 3:5 - Lacid Common Language Bible

⁵ Nineve voobyu yigi Mangso mungdang: ri loem" jeung" boem bye:. Houg: yoomo nyangnu" yugkhang" moo" gi zoo: noem zeing: wa myid phyed to" boem ziyo' gyi: zoo: nge zoo: dangain" nheigloem: thid da" aved toin" shed wa shid re" jid: moo" byimi ri void ci: boem.

YONA 3:5 Referans Kwoze

LUKA 11:32

Nineve voo byu yi gi Yona kho" kyo" mungdang: joem yoomo nyangnu" yooboo joem mo nheigloem: thid' boem da. Akhid" hid: moo Yona tho' je gyi: zi ju" nyid bye. Tarha" dang: kho" da" bidnyid moo Nineve voo byu yi gi to' lo lho: He: da" byu yi ri yooboo foin: dang: kho" wa zi nghoid ga: tid.

MATHE 12:41

Nineve" voo byu yi gi Yona kho" kyo" da" mungdang: yoomo:- nyangnu" da" yooboo mo nheigloem: thid lo ago". Houg: su" nghoid yoomo nyangnu" gi Tarha" dang: kho' da" bidnyid moo He: pyaid mo byu yi yo" to lo wigi nanu" ri yooboo foin: boem wa zi nghoid. Ngoo nanu" ri tid ba- akhid" he: khyi moo Yona tho' moo je gyi: su: dayug ju" nyid bye.

DANIELA 9:3

Houg: lho: ngoo gi zoo: noem jang"- jid: moo" byimi void pyam lho: myiyab boem" moo zhung: jo zoo" re Aseing Mangso jhang nheigloem: nyhoem: khyo' lho: myid boo tung" akyu" mho' nyid.

YOELA 1:14

Zoo: shug jang" pyam wa shid re" amyeing" khyoo' byid: ge'. phung: foem: wa shid mo khe: zheing" we'. Nanu" da" Aseing Mangso da" Noku Yhoem: Moo" khoug: khyoo:- Yuda byumyu" yi dangain" bang: yo' vhu" shi: bang: ri khe: zheung" kaid lho: nyang: ri mho' yoid we'.

2 KHOKHAM MHOOMYID: 20:3

Yehoshaphad gi gyoug wigi khyoo: shid byid: wa shid re" Aseing ri akyu" mho' da:. Hau: thang: nyang: gi Yuda mung" goin" khyoo: zoo: noem jang" goo" wa shid re" amyeing" khyo' kaid da:.

HEBRE 11:1

Loem" jeung" khyoo: ein: zigi ngoonu" nheig byu to" da" zi joem ri gyeing" nyang: bue" loo wa" ein: da" khyoo: ri nheig shid: nheig deug nyid ziyo' amyang yu" shi" da" zi joem ri gyeing" nyang: jo, bye" ein: se' gyo: loem" yu khyoo: ri loem" jeung" khyoo: ga: zi nghoid.

HEBRE 11:7

Ju" loo wa da" ayo, moo bue" loo wa da" amyang yu" shi" da" zi joem yo' sen: lho: wigi Mangsoo tid poin" nyid ziri No- a shau" gyo: zigi nyang: loem" jeung" nyid yoomo nghoid. Nyang: gi Mangso dang: ri tam" gyo: wigi Sang phoo lhid' daloem: ri zhug lho: nya: yhoem: ikoin deungkhu: ri yo" khyoid yu abye:. Hougsu" nghoid yoomo mougmyid ri nyang: dang: phyed' wigi No-a gi loem" jeung" khyoo: yo' sen: da" deingmain" da" agyid asoo: riyo" kham: yu abye:.

ACTS 27:25

Houg: yoomo Ludaid' sooyen" yi we" - nheig angi, goo"- Khasu" wim gari ngoori re" tid to" ziyo' dakhyoo" ti"- bue" loo wa zi nghoid ein:- ngoo gi Mangsoo ri loem, khau: nyid.

ACTS 8:10

Simun gi nya: gung ri gye" bui" su: nghoid ga- phau: fu" nyid yoomo houg: moo nyid da" byu yi ngi, mo, gyi: mo, dangain" gi nya: dang: ri zhug zhug za: tam" gyo: nyid ago". Nyang: gi" gyi: da" yoem: moo" ga: da- Mangso yoem: moo" boo su: nghoid ga- nyangnu" tid nyid boem.

YEREMIA 42:8

Houg: yoomo ngoo gi Yohanan- nyang: yo' dage" nghoid da" gyidab vhujhung: yi byumyu" gooji yi dangain" ri khe: zheing" yu bye:.

YEREMIA 42:1

Hau: thang: Karea da" yuggi zoo: Yohanan- Hoshaia da" yuggi zoo: Azaria bo bo wigi gyidab vhujhung: yi dangain" yo' mung" byu yi azhang cang: joeb ju" re" wigi

YEREMIA 36:9

Yehoiakim Yuda khokham bue" zi wim: zain ein: zain lhammoo" goug: khyab ein: khyab moo Aseing wigi myonhoo: byid: zi yo" yu wa shid re" byumyu" yi zoo: noem dalheing: doem jang" boem. Hau: zoonoem jang" ziri Yerusalem mo bang: dangain"- Yuda voogung joem mo houg khyoo: ju" re" boem bang: dangain" jang" ago".

YEREMIA 31:34

Nyangnu" mo hang" dayug we' nyangnu" da" yhoem: kyoo" cang" yiri Aseing ri si' wa shid re" jhau" shid byid: aca" loo wa. Ciwim gari: nge thang yug mo gyi: thang yug ju" sho' dangain" bang: ngoo ri se' loo goo" wa. Nyangnu" yooboo joem ri ngoo khyoid pyam byid: wigi nyangnu" shoid da" lo, moo" joem ri khanham ngoo amyid boin: loo wa. Ngoo Aseing tid too" bye:.

EZRA 8:21

Nyha" da" Mangso shidkhoin" moo nyhang" nya: nheigloem: ri khyo' nyhoem: ci: wigi nyha" gyung: khyoo: shid re" we' nyhang" ri lhoug zung" wa shid re" we' nyha" zooshang: yi shid re" we' nyha" jonu" ziyoo dangain" we' nya: jhang akyu" mho' wa shid re" Ahava toeb khyoo" yam moo nyhang" dangain" mo, zoo: noem jang" wa shid re" ngoo amyeing" byid: bye:.

Pang Shug 11:3

Jid: moo" byimi void ci: da" nga" sagsi: eig yug ri ngoo nhang: kaid' wa Nya: eig yug gi bidnyid 1260 nyid agyoo: moo Mangso mungdang: ri lapi: dang: khyo" kho" kyoo" wa,, ga: tid.

ESTHA 4:1

Bue" loo bye: da" khyoo: dangain" ri Modekhai si' lang" nyang: gi myid myo: seing" kho" ziyo' nya: byimi ri lang: ceig pyam da:. Hau: thang: nyang: gi jid: moo" byimi void- vhuloem moo myiyab geig gyoin: ci: lho: khokham kho" vang" khoem" duang: ju" sho' voomoo" khoug: moo ngau yang" yang" yen" da:.

YONA 3:7

Nyang: gi Nineve voomoo" khyoo: lu dang: fu" nhang: kaid zigi «He: zigi khokham yo' nya: zoug: ludaid yi da" amyeing" dang: nghoid. Hang" dayug we' ci: we' azoo: goo". Meing: byu yi nu: kyung joem yo' yang joem dangain" ri ci: we' azhoo" ajhug goo"» ga: toem' to".

THU' LO" MOUGSOUG" 33:6

Houg: yoomo Israela byumyu" yi Sina boem mo thu' lo" thang: ri nyangnu" sheing: zi ri avoid loo: goo" nghoid da:.

2 KHOKHAM 19:1

Hezekia khokham gi nyangnu" tid da" lu dang: ri shoug" gyoo: yo' koug wigi nya: byimi ri lang: ceig pyam lho: jid: moo" byimi koid: void ci: wigi Aseing da" Noku Yhoem: Moo" khyoo: yhe: da:.