YONA 2:7 - Lacid Common Language Bible

⁷ Nga" kangso' ci: phyug lo" nyid ti" kham zo: uri O" Aseing we" nang ri ngoo mho' yoid nyid. Nga" akyu" mho' da" dang: thui: ri re" gyeung" shang: Noku Yhoem: Moo" mo nang ngoo ri tam" gyoo: byid: bye:.

YONA 2:7 Referans Kwoze

COUNG" NGHEI 18:6

Ngoo gi nga" kyi" khyeug khoug: mo Aseing ri yoid bye:. Ngoo ri pang" yu wa shid re" nga" Mangsoo ri ngoo yoid bye:. Mangsoo gi noku yhoem: moo" khoug: mo nga" thui: ri shoug" gyoo: bye:. Pang" thug wa shid re" ngoo ngau: yoid thui: ri nyang: tam" gyoo: byid: bye:.

2 KHOKHAM MHOOMYID: 30:27

Khainjung yi yo' Levi byu yigi Mung" byu yiri mainkaid jeju" mho' byid: da:. Mangsoo gi mougkhung: moo jo, da" nya: yhoem: mo nyangnu" akyu" mho' dang: ri shoug" gyoo: byid: wigi hau: joem ri khab yu byid: bye:.

COUNG" NGHEI 143:5

Ngoo gi: lid: loo" bye: da" bidnyid joem ri daboin: so" nyid. nang koid shoug loo bye: da" moo" zoo' joem dangain" ri myid soin: yu" nyid ngoo gi re" da" lo, moo" joem dangain" ri damyid yu" nyid.

COUNG" NGHEI 11:4

Aseing gi nya: gyeung" shang: da" Noku Yhoem: Moo" khoug: moo nyid nyid. Nya: zhungtang gi mougkhung: moug: di tho' moo: dajo, jo. Nyang: gi joyoo khang" moo" mo byu yiri yu" nyid lho: nyangnu" cikoid nyid ziri se.

1 SAMUELA 30:6

David da" nya: byu yigi nyangnu" da" zoo: yi byug wigi gye" nheig no ziyo' nyang: ri lugzeing yo' du" said wa ga: kyug nyid boem yoomo David gi yau: khi" zeing shoug" nyid da:. Nghoid loug we' nya: Aseing Mangsoo gi nyang: ri yoem: byid: nyid da:.

COUNG" NGHEI 27:13

Aseing da" ge lho khyoo: joem ri ngoo dei nyid shi" da" he: pyaid moo: nyang:- shau" myang kham' zoo: wa nghoid ziri ngoo se' nyid.

COUNG" NGHEI 20:7

Byu dayham" gi nyang: nya: da" gyi rheing" joem ri we' myang: joem ri nghoid loug we' loem nyid boem ago". Nghoid loug we ngoonu" gi ngoonu" da" Aseing Mangso yoem: so' ri daloem khau: nyid.

COUNG" NGHEI 65:4

Nang khyen: yu lho:- re" da" gyeung" shang: joyoo mo: nyid wa shid re" nang shu" loo mo, gi ngilho' nyid. Re" da" gyeung" shang: Noku Yhoem: Moo" mainkaid jeju" joem- re" da" yhoem: mo ge lho, khyoo: joem yo' ngoonu" gi nheugshid: nheugdeug nyid boem wam: bye:.

HEBRE 12:3

Yooboo yoo" mo, wigi atho' tid loo: sho' koid da" anoug angei khyoo: ri hau: Aseing: gi khayhi' gyeing" kham' zoo: bye: da" khyoo: ri nanu" bo myid yu" ge'. Houg: su" nghoid yoomo nanu" moo nheigloem: byo, yoin" gyoeb, gyo" khyoo: aboo goo" baja".

HABAKU 2:20

Aseing gi nya: da" gyeung" shang: Noku Yhoem: Moo" moo danyid nyid. Mougmyid tho' mo yugkhang" moo" gi nya: shidkhoin" moo sam" zoo: tam" too" we'.

MIKHA 1:2

Byumyu" bain sho' mo, we"- he: dang: ri gyo: yu" ge'. Mougmyid tho' moo nyid bang: dangain" mo, we"- he: ziri tam" gyoo: we'. Yoem: moo" bo thang da" Aseing gi nanu" ri thougtheung sagse: kham loo wa tam" gyoo: ge'- nyang: gi mougkhung: yhoem: moo" mo tid kaid.

YONA 2:4

Ngoo koem' gi re" shidkhoin" mo khaid thu pyam zi shoug" bye:. Re" da" gyeung" shang: Noku Yhoem: Moo" ri doem shau" myang loo: wa zi anghoid ein: myid pyam bye:.

ESAIA 50:10

Aseing ri ngi: shab byid: boem da" bang: dangain" yo' nya: dei zoo: da" dang: ri tam" gyoo: mo, we" nanu" so" lo" da" khyoo: gi no ri no jo, wa. Nghoid loug we' Aseing ri loem khau wigi nanu" Mangsoo ri nghi: ge'.

COUNG" NGHEI 43:5

Ngoo gi ci yoomo hid: yhi' kougshu: nyid lha". Ngoo gi ci: yoomo hid: yhi' kyi" khyeug nyid lha". Ngoo gi Mangsoo moo: myid byu nyid lho: nga" khyoid yu Aseing yo' nga" Mangsoo ri ngoo dalheung: doem coung" nghei wa.

COUNG" NGHEI 42:11

Ngoo gi ciyoomo- hid: yhi' gyeing" kougshu: nyid lha". Ngoo gi ciyoomo- hid: yhi' kyi" khyeug zi shoug" nyid lha". Ngoo gi Mangsoo moo: nheug byu nyid lho: nga" da" khyoid yu Aseing yo' nga" Mangsoo ri ngoo dalheung: dam coung" nghei wa.

COUNG" NGHEI 42:5

Ci: yoomo ngoo gi hid: yhi' gyeing" kougshu: nyid lha". Ngoo gi ciyoomo hid: yhi' gyeing" kyi" khyeug zi shoug" nyid lha". Ngoo gi Mangsoo moo: nheug byu nyid lho: nga" da" khyoid yu Aseing yo' nga" Mangsoo ri dalheung: doem coung" nghei wa nghoid.

COUNG" NGHEI 22:14

Nga" da" yoem: vhoo"- myidjang moo: leung shoin: pyam da" gyid yhang: ti" kyoug kain" loo" khari" bye:. Nga" da" shooyoug: dangain" gi youg: xeig byed, jo, bye:. Nga" da" nheigloem: gi byoo shung" yhang: ti" yau, yu: lo" byug bye:.

COUNG" NGHEI 142:3

Ngoo yoem: neung: lo" ri khasu" koid wa ziri nyang: se' nyid. Ngoo so" lo" da" khyoo: moo nga" gyivoo joem ngoo ri: myhi' yu wa shid re" gyoin: gau" du: to" boem bye:.

ESAIA 38:17

Nga" da" pyaid khoo" gi ngei pyo: yug yo zi bue" loo" wa. Nya" apyaid ri gyoug ca" ja: dangain" mo nang khyoid yu lho: Nga" yooboo joem dangain" ri nang khyoid byid: bye:.