YONA 2:6 - Lacid Common Language Bible

⁶ Boem joem da" apoem: moo ju" sho' ngoo gyoo" loo" bye:. Mougmyid khoem" kyang joem gi ngoo ri pyaid goin" kyang lhoung to". Nghoid loug we' o" Aseing Mangsoo we"- nang gi ngoo ri dei noem ung: mo doem xue: yu byid: la.

YONA 2:6 Referans Kwoze

COUNG" NGHEI 30:3

nang ngoo ri loeb duang: khoug: mo nyang: khyoid yu bye:. Ngoo gi loeb duang: khoug: khyoo: l vang loo" bye:- nghoid loug we' Aseing gi ngoo ri ashid: nhang: loo: za: kangso' doem xo' byid.

COUNG" NGHEI 16:10

Khasu" wim gari nang gi ngoo ri moo: vo, moug: yoem: so' mo goem loem yu byid: bye:. Hau: lho: nang jheddab su: ri- moo: vo, moug: moo: she: pyam, too" wa zi anghoid.

ESAIA 38:17

Nga" da" pyaid khoo" gi ngei pyo: yug yo zi bue" loo" wa. Nya" apyaid ri gyoug ca" ja: dangain" mo nang khyoid yu lho: Nga" yooboo joem dangain" ri nang khyoid byid: bye:.

HABAKU 3:10

Boem joem gi nang ri myang lang" gyoug nain" nyid boem bye:. Gyid we' mougkhung: mo foid khyo' kaid bye:. Hau: gyid gi mougmyid moo moug: bug loo" sho' myeung lho: nyangnu" da" being lung" joem gi myhang: sho' to' lo boem bye:.

HABAKU 3:6

Nyang: yab lang" mougmyid gi nain" lo wigi nyang: lheung: yu" kaid lang" byumyu" yi gyoug nain" nyid boem ago". Apyaid atoo: mo boem joem gi gyam: sain" lo" lho: goonham' nyang: lhung so" lid: lo" da" apyaid atoo: mo bau gung joem we' noeb vang loo" bye:.

ESAIA 40:12

Nammugdara ri lo, zhoeb wigi hang" yo" leug la". Nya: lo, wigi mougkhung: ri yo" ke' la". Myid gung mo myidzhoo" ri koem: moo hang" yo" kaid ci: la". Boem yo' bouggung joem ri jang mo hang" yo" leug la".

COUNG" NGHEI 143:7

Aseing we"- ngoo ri akhid" nyang: tu" byid: we' nga" nheig byu jang: dangain" thang byug bye:. re" myonhoo: nga" jang mo goo" khyoo: alheung: loo. hougsu" anghoid rigi moovo moug khyo: vang lo" byug bye: bang: da" khoug: khyoo: ngoo bo vang lo' wa nghoid.

COUNG" NGHEI 104:8

Gyid yigi boem joem da" atho' mo wigi koolhang lang: khoug: khyoo: houg: bang: shid re" nang nyheung too" bye: da" joyoo khyoo: yau, gyo" lo" nyid boem bye:.

COUNG" NGHEI 104:6

Hau: da" mougmyid tho' moo nammugdara ri nang void ci: yhang: ti foid, to" lho: gyid we' boem joem ri nghoeb to" da:.

COUNG" NGHEI 65:6

Re" da" yoem: moo" yo' boem joem ri nya: da" joyoo moo: zhoug to" wigi re" da" athang agoin myonhoo: phung" yoeb zeing ri toin" shed nyid da:.

COUNG" NGHEI 55:23

Nghoid loug we' Mangsoo we"- nang gi byu said mo, yo mhau, fain" da" byu yi rigi nyangnu" da" pyaid agung lang" ayo" kho' shi" ri nyangnu" da" loeb duang: khuang" khyoo: khyo' pyam wa zi nghoid. Ngoo koem gi nang ri loem khau nyid wa zi nghoid.

COUNG" NGHEI 30:9

«Ngoo shid: lo" jang" mo nang ce: noem yoo" wa lha". loeb duang: khoug: moo ngoo vang loo" yoomo ce noem akyu" boo wa lha". Sushid: joem gi nang ri yo" coung" nghei goo" wa la". Nyangnu" gi re" da" yoem: bo- ge khyoo: ri yo" tid fu" byid: goo" wa la".

YOBA 33:28

Nyang: gi ngoo ri moovo moug: khyoo: aloo" sho' khoem ci: da:. Houg: lho: ngoo akhid" dei nyid shi"» ga: tid.

YOBA 33:24

Moug: lagyoo: gi nheig yu" khyeug wigi nyangnu" ri «Nhang: kaid we'. Nyangnu" gi moovo moug: khyoo: gyoo" loo" ca" wa zi anghoid. Nyangnu" ri nhang: kaid wa shid re" aphoug" hid: moo: nghoid» ga: tid abe.

TARHA" TID POIN" 32:22

Nga" nheig yo: zigi myiyham: yo' dakhyo" dab re" wigi Myid jang dang mo ja: khang" moo" ri nghe" pyam boem wa. Hau: zigi mougmyid khoug: khyoo: ju" vang lo" lho: boem joem da" apoem: agyi: joem ri nge" pyam loo wa.

MATHE 16:18

Petru we"- ngoo nang ri tid ba"- nang gi lung: moo" boem nghoid. He: da" lug moo" boem moo apoem ayang: koid: lho: Nga" da" phung: ri zhug too" wa. shid zoug: lang" hau: da" phung: ri ung: wa zi anghoid.

COUNG" NGHEI 18:5

Gyoug pho shid: gyoin gi- ngoo ri lheung khoem too" bye:. Loeb duang: gi nga" shid re" gyoin: kham: to" abye:.

COUNG" NGHEI 116:3

Shid: su: da" gyoug ci' khyoo: gi ngoo ri: lheung khoem to" wigi moo: vo, moug: mo byoodain byoo sho" khyo: joem gi nga" nam, moo: tain" loo bye:- ngoo gi gyoug ziyo' amyen akhyoid phu" zo: zi shau" nyid bye:.

ESAIA 38:10

Hau: zigi Nga" apyaid kung" kung" moo nga" kangso khanham we' ayo" dei nyid loo wa. Moovo moug: yhe: loo" wa bye: ein: jho: pyam bye:.

EZEKIEL 26:20

Ngoo gi nang ri goonham' gooco' pyaid mo nyid lid: loo bang: yo' lo" bo nyid wa shid re" shid: moug: khyoo: nhang: khyo' kaid wa. Nang ri ngoo gi myidgung khoug: mo apyaid atoo: moo byo, yoin" jo, da" mougmyid moo shid: mo, yo' lo" zoem" khoug: nyid nhang: wa. Hau: da" akyu" gi nang gi khanham we' byu adoem nyid da" joyoo bue" lho: dei nyid bang: da" mougmyid moo re" joyoo ayo" yu loo: wa.

EZEKIEL 31:14

Houg: lho: akhid" mo gi kha: seiggam nghoid loug we' khayhi' gyid nyeing" za: yoo" nghoid loug we' hau: seiggam yhi' adoem youg gyi: loo wa. Hau: seig phyoo" we' jhoemmoug" khyoo: ju" tain" loo" sho' adoem yo" myhang: loo wa. Hau: joem dangain" gi shid: se' da" byu yi yhang: ti" shid: joem: loo" wa. Moovo moug: khyoo: gyoo" loo" bang: yo' dage" shid: joem: loo" goo" wa» ga: tid.

COUNG" NGHEI 69:2

Ngoo gi no, da" thoem" boeb, moo: noeb lo" nyid wigi hau: joyoo moo nang: theing wa thain: da" myidzhoo" ajo. No, da" gyid khoug: khyoo: ngoo noeb vang lo" nyid wigi beung: mhoid joem gi ngoo ri se" shid: nhang: wa soin, lo nyid.