YONA 2:4 - Lacid Common Language Bible

⁴ Ngoo koem' gi re" shidkhoin" mo khaid thu pyam zi shoug" bye:. Re" da" gyeung" shang: Noku Yhoem: Moo" ri doem shau" myang loo: wa zi anghoid ein: myid pyam bye:.

YONA 2:4 Referans Kwoze

COUNG" NGHEI 31:22

Nyang: gi ngoo ri nya: shidkhoin" mo khaid thu too" bye: ein: wigi ngoo gyoug dain' myid myoo: ung: loug nyid bye:. Nghoid loug we' pang" thoug wa shid re" ngoo nang ri yoid nyid uri nga" ngoug thui: ri nang tam" gyoo: byid: bye:.

COUNG" NGHEI 5:7

Nghoid loug we' re" da" geung: teung jhedkhyeing: kang: khyeing: yoomo ngoo gi re" yhoem: moo" khyoo: yo" ju" re". Re" da" gyeung" shang: Noku Yhoem: Moo" moo: ngoo noku lho: nang ri gyoug phau" zoore goeb pid nyid.

ESAIA 38:17

Nga" da" pyaid khoo" gi ngei pyo: yug yo zi bue" loo" wa. Nya" apyaid ri gyoug ca" ja: dangain" mo nang khyoid yu lho: Nga" yooboo joem dangain" ri nang khyoid byid: bye:.

2 KHOKHAM MHOOMYID: 6:38

Hau: mung" moo nyangnu" deingmain" ziyo' nheigloem: dain: dain: za: nheigloem: thid pyam wigi ngoonu" phoug" phyid" yiri nang wigi byid: to" da" he: mung"- nang khyen: to" da" he: voomoo"- re" shid re" ngoo koid to" da" he: Noku Yhoem: Moo" khyoo: nyangnu" myonhoo: shu: boem lho:

DANIELA 6:10

Hau: amyeing" ri lo, xoem" lhid" bye: ga: ziri Daniela shau" gyo: yu lang" yhoem: khyoo: lo da:. Nya: yhoem: tho' pyam: mo yab dayab moo Yerusalem shoid khyoo: shu: to" da" bangzoo: khoem" joem dab da:. Hau: joyoo moo nyang: khanham we' lhung koid nyid ziyo' dakhyo"- bang" jo, da" bangzoo: khoem" moo poid thug thug lho: danyid" ri soem" lheing: lheing: Mangso jhang akyu" mho' da:.

YEREMIA 7:15

Ngoo gi nanu" da" bidnoem seing" cang" Israela ri khaid thu pyam yhang: ti" nanu" ri we' nga" shidkhoin" mo khaid thu pyam wa. Ngoo Aseing tid too" bye:.

EZEKIEL 37:11

Mangsoo ngoo ri tid zigi «Shid: se' da" byu we"- Israela byu yigi he: shooyoug: joem yo' du ago". Nyangnu" gi kyug byug wigi myid byu jang ayo" ziyo' ju" lo wa ayo, ga: zi ajo, loo ga: tid ago".

YEREMIA 15:1

Hau: thang: Aseing gi ngoo ri «Moshe yo' Samuela eig tang: nyang: he: joyoo moo: yab jo, wigi ngoo ri mho' nyid boem nghoid loug we'. Ngoo gi he: byumyu" ri nheig khyeug myid aci: shug byid: wa. Nyangnu" ri phang: loo" nhang: ge'. Nyangnu" ri nga" shidkhoin" mo khaid pyam we'.

ESAIA 49:14

Nghoid loug we' Yerusalem byu yi tid zigi «Aseing gi ngoonu" ri she: pyam pyam bye:. Nyang: gi ngoonu" ri to" myhed pyam abye:» ga:.

1 KHOKHAM 9:7

Ngoo nyangnu" ri byid: too" bye: da" he: mungdain: mo nga" byumyu" Israela bang: ri pyoung" shu" pyam wa zi nghoid. Ngoo ri noku wa da" joyoo ngoo khab yu too" bye: da" he: Noku Yhoem: Moo" ri we' ngoo she: pyam pyam wa zi nghoid. Khyi' khang" moo" moo nyid da" byumyu" yigi Israela byumyu" yiri aphoug" akhyoid koid ziyo' anoug ashoo" koid goo" wa zi nghoid.

1 KHOKHAM 8:48

Hau: mung" moo nyangnu" gyeing" nyang: nheigloem: phyu: ziyo' nung myid yo" wigi ngoonu" da" phoug" phyid" ri byid: too" bye: da" he: mung" khyoo: myonhoo: shu: lho: nang khyen: too" bye: da" he: voomoo" yo' re" shid re" ngoo koid too" bye: da" he: Noku Yhoem: Moo" khyoo: nang ri akyu" mho' uri

YONA 2:7

Nga" kangso' ci: phyug lo" nyid ti" kham zo: uri O" Aseing we" nang ri ngoo mho' yoid nyid. Nga" akyu" mho' da" dang: thui: ri re" gyeung" shang: Noku Yhoem: Moo" mo nang ngoo ri tam" gyoo: byid: bye:.

COUNG" NGHEI 42:8

Aseing gi nyid" ayo, moo nya: da" geung: teung jhed khyeing: kang: khyeing: ri toin" shed nyid baja". Houg: yoomo myen" ayo, moo ngoo gi jikhoin" yo' coung" nghei nyid wigi nga" kang so, Aseing Mangsoo ri akyu" mho' baja".

COUNG" NGHEI 88:6

Nang gi ngoo ri moug: coid thu: thang ziyo' no, thang duang: khuang" ein: da- no thang loeb duang: khoug: khyoo: du" zei, kaid bye:.

COUNG" NGHEI 88:7

Nang nheigloem: nge" loung nyid da" khyoo: gi nga" atho' moo: gye" lid sho' nhe, zeug to" wigi hau: nheigloem: nge" loung da" beung: mhoid khoug: moo ngoo gi abyi asain" nyang: nghoid bye:.

NGOUG JI: 3:54

Ngoo ri gyid je: nhe' byeung" lo wigi ngoo gi shid: wa zi jhang loo bye: ein: myid pyam bye:.