YONA 2:2 - Lacid Common Language Bible

² «O" Aseing we" ngoo yau: khi" shoug" nyid jang" mo nang ri ngoo nyho: yoid nyid ri nang ngoo ri tam" gyoo: byid:. Moovo moug: thi" mo pang" thoug wa shid re" ngoo yoid nyid uri nang gi nga" thui: ri tam" gyoo: byid: bye:.

YONA 2:2 Referans Kwoze

COUNG" NGHEI 120:1

Ngoo yau: khe" kyi" khyeug zi shau" nyid uri Aseing ri ngoo yoid khe" wigi ngoo ri nyang: tu" byid: bye:.

COUNG" NGHEI 34:6

Pang" thoug khyoo: ayoo" mo, gi nyang: ri yoid lang" nyang: tu" byid: nyang: ri Nyangnu" da" yau: khe" khyoo: dangain" jang" mo khoid yu bye:.

COUNG" NGHEI 86:13

Re" da" geung: teung jhed khyeing: kang: khyeing: gi nga" shid re" khayhi' gyi: sheung: geung: teung jo, lha". Nang gi ngoo ri loeb duang: khoug: mo nyang: khyoid khyi: yu abye:.

HEBRE 5:7

Yesu gi mougmyid tho' moo kang: so' dei nyid shi" ayo, - Nyang: ri shid: jang" mo yo" khyoid yu da" Mangso jhang thui: zeing yo' ngoug byid' ngoug nhab, thu' wigi akyu" mho' toung" pain zi koid yu" bye. Mangsoo we' Yesu da" mho' toung" pain: da" thui: ri tam" gyo: yu bye- Khasu" wim gari Aseing Yesu gi nyhoem: khyo, goeb, vang ziyo' ab, noung" xoin" to' zi nghoid yoomo lhoem: kham: yu bye.

1 SAMUELA 30:6

David da" nya: byu yigi nyangnu" da" zoo: yi byug wigi gye" nheig no ziyo' nyang: ri lugzeing yo' du" said wa ga: kyug nyid boem yoomo David gi yau: khi" zeing shoug" nyid da:. Nghoid loug we' nya: Aseing Mangsoo gi nyang: ri yoem: byid: nyid da:.

MATHE 12:40

Yona gi ngoo: zeing da" voem: doug khoug: moo soem" nyid soem" myen, loung" jo, yhangti"- Byu da" nya: zoo: gi myidjang: khoug: moo soem" nyid" soem" myen, loung" jo, wa zi nghoid.

COUNG" NGHEI 116:3

Shid: su: da" gyoug ci' khyoo: gi ngoo ri: lheung khoem to" wigi moo: vo, moug: mo byoodain byoo sho" khyo: joem gi nga" nam, moo: tain" loo bye:- ngoo gi gyoug ziyo' amyen akhyoid phu" zo: zi shau" nyid bye:.

COUNG" NGHEI 22:24

Nyang: gi sho" jhen mo, ri ashe: pyam too"- nyangnu" da" sho" jhen kyi" khyeug khyoo: ri ayu" goin coung: loo: nyid wa zi anghoid. Nyang: gi nyangnu" jang" mo myonhoo: goo" shoid shu: loo" wa zi anghoid. Nyangnu" yoid mho' da" uri tu" byid: nyid.»

COUNG" NGHEI 4:1

Ngoo ri goem loem byid: nyid da" Mangsoo we"- nga" akyu" mho' dang: ri tam" gyoo: byid: we'. Ngoo yau: khi" zi shoug" nyid uri nang ngoo ri pang" thoug byid: bye:. Ngoo ri akhid" nyang: nheugkhyeug ziyo' nga" akyu" mho' dang: ri shoug" gyoo: byid: we' o".

LUKA 22:44

nyang: gi atho' tid loo: sho' nheigloem: moo kyi" khyeug nyid wigi soo" soo" akyu" mho' nyid. Houg: yoomo nya: da" bidkyu" khyi, gi suid" zo, yhangti" myidjang: moo gyo" nyid.

ESAIA 14:9

«Moovo moug: gi Babelon khokham ri lhoem: tau yu wa jen" jen" nghoid abye:. Mougmyid dang mo yoem: so' bo da" soobyoo joem gi loeb re" ago". Soobyoo khokham joem gi nyangnu" zhungtang mo to re" nyid ago".

COUNG" NGHEI 65:2

Khasu" wim gari nang gi ngoonu" da" mho' yoid khyoo: ri tu" byid: bye:. Ngoonu" zei: shoid pyam bye: da" yooboo joem ri joyoo khyi, khang" moo" mo byumyu" acang: joeb bang: gi re" jang" moo: ju" re" boem wa zi nghoid.

COUNG" NGHEI 61:2

Yhoem: yo' ve: gang: jo, wigi nheigloem: thang nyid uri ngoo nang ri yoid nyid. Ngoo ri: gau: nyu: phang: khoug: jang: khyoo: shu" loo" we'.

COUNG" NGHEI 16:10

Khasu" wim gari nang gi ngoo ri moo: vo, moug: yoem: so' mo goem loem yu byid: bye:. Hau: lho: nang jheddab su: ri- moo: vo, moug: moo: she: pyam, too" wa zi anghoid.

ACTS 2:27

Khasu" wim gari Nang gi ngoori - shid: lo" da moovo, moug: moo she: pyam too" wa zi anghoid. Nang gi loemlug da re" deizoo: ri loeb duang: khoug: moo boeb, pyam nhang: wa zi anghoid ga: tid nyid.

1 SAMUELA 1:16

Ngoo ri phoug" adab da" myhi' zeing ein: asoin: yu. Ngoo gi gye" nheig koug nyid yoomo ngoo hid: su" akyu" mho' nyid zi nghoid» ga: phug tid.

NGOUG JI: 3:55

O" Aseing we"- duang: khuang" thi" mo ngoo nang ri yoid khe: kaid bye:.

EZEKIEL 26:20

Ngoo gi nang ri goonham' gooco' pyaid mo nyid lid: loo bang: yo' lo" bo nyid wa shid re" shid: moug: khyoo: nhang: khyo' kaid wa. Nang ri ngoo gi myidgung khoug: mo apyaid atoo: moo byo, yoin" jo, da" mougmyid moo shid: mo, yo' lo" zoem" khoug: nyid nhang: wa. Hau: da" akyu" gi nang gi khanham we' byu adoem nyid da" joyoo bue" lho: dei nyid bang: da" mougmyid moo re" joyoo ayo" yu loo: wa.

EZEKIEL 31:14

Houg: lho: akhid" mo gi kha: seiggam nghoid loug we' khayhi' gyid nyeing" za: yoo" nghoid loug we' hau: seiggam yhi' adoem youg gyi: loo wa. Hau: seig phyoo" we' jhoemmoug" khyoo: ju" tain" loo" sho' adoem yo" myhang: loo wa. Hau: joem dangain" gi shid: se' da" byu yi yhang: ti" shid: joem: loo" wa. Moovo moug: khyoo: gyoo" loo" bang: yo' dage" shid: joem: loo" goo" wa» ga: tid.

2 KHOKHAM MHOOMYID: 33:12

Nyang: kyi" khyeug shoug" jang" mo nya: nheigloem: nyhoem: khyo' lho: nya: Aseing Mangso jhang phug lo wigi pang" thoug byid: wa shid re" nyang: ri mho' da:.

LUKA 11:10

Khasu" wim gari Mho' su: hang" nghoid loug yoo" zi nghoid. Shoo: su: gi shau" myang wa. khoem" moo ko' su: ri we' phang byid: wa zi nghoid.