YOHAN 8:55 - Lacid Common Language Bible

⁵⁵ Hau: da" Mangsoo ri nanu" ase' boem. Nghoid loug ngoo koem gi se- gyeing" nyang: ngoo asi ein: tid nghoid rigi ngoo gi nanu" yo' dakhyoo" ti"-- mhoug su: bue" loo" wa. Ngoo gi phoo ri gyeing" gyeing" si' yoomo nya: da" dang: ri tam" gyo: nyid.

YOHAN 8:55 Referans Kwoze

YOHAN 8:19

Houg: bang: gi Re" Phoo khayoo: nyid ga: myid: boem. ‹‹Nanu" gi ngoori we' nga" Phoo ri we' ase' boem. gyeing" nyang: nanu" ngoori se' nghoid rigi nga" phoo ri we' si' goo" zi nghoid ga: doem sho' kyoo.»

YOHAN 8:44

Nanu" gi nya: phoo yu satan da" nya: zoo: nghoid yoomo nanu" nya: phoo vho: da" khyoo: moo cang koid; nyid boem. satan gi xang: shid" mo nyang: byu said da" sarhi' nyang: nghoid. Nyang: moo deingmain" zi ci" we' aboo nghoid yoomo deung main" ziri asi- se' mhau' fain" su: nghoid. Nyang: gi mhoug mo, dangain" da" nya: phoo nghoid yoomo nya: void voo: yo' dakhyoo" ti" mhoug nyid.

Pang Shug 3:9

Yu" ge'. nyang: nya: da" gung du: ri yuda byu nghoid ga: mhau' tid yen" mo, satan da" phung: moo boo mo, ri re" da" khyid: yang: moo lo goeb pid' nhang: wa houg: lang" nang ri ngoo jheddab khyoo: nyangnu" se' lo boem wa.

YOHAN 8:51

Deing" deing nanu" ri ngoo tid ba- Nga" da" jhoug" myeing" dang: ri tam" gyo: yu su: gi khanham we' shid: wa zi anghoid ga: tid.

MATHE 11:27

«Nga" phoo gi zi yoo jo, moo jo, ngoori ab, byid: pyam bye. Pho, tho' moo gootu: hau: nya: zoo: ri hang" we asi. Hau: nya: zoo: tho' moo gootu: Hau: nya: phoo ri hang" asi.

1YOHAN 5:10

Houg: su" nghoid yoomo Mangso nya: zoo: ri loem" jeing" bang: hang" Nghoid loug we' he: da" sagsi: kham, dang: ri nya: nheugloem: ung: khoug: moo xoem" to. Nghoid loug mangsoo ri aloem" ajeung" bang: hang" nghoid loug we' nya: zo: khyoo: mangsoo nyang: sag si: kham, byid: ziri aloem" jeing" yoomo Mangsoo gi mhoug su nghoid ga: jho: boem ago".

YOHAN 15:21

Nghoidloug we' nyangnu" gi ngoori nhang: kaid da" Aseing: ri ase' boem yoomo nga" myeing yoomo nanu" ri shen" yhen boem wa zi nghoid.

1YOHAN 2:22

Yesu gi Meshia anghoid ga: wigi ngeug pyam' su: za: anghoid rigi mhoug su: ga: zigi hang" nghoid wa lha". Hau: nya: phoo yo' nya: zoo: ringeug pyam su: nyang:- Khristu da" gyivoo nghoid nyid.

1YOHAN 2:4

Ngoo gi nyang: ri si' bye: ga: byu dayug yug tid nyid nghoid ' loug we' nyang: tid to" da" amyeing" dang: ri atam" gyoo: acang lo" nghoid rigi hau" yug gi mhoug su: nghoid ziyo' hau: deingmain" khyoo: gi nyang: moo ci: we' aboo.

2~KORINTHU 4:6

Yesu khrsitu da" myonhoo: mo bang lo da" - Myo nhoo: phung" yoeb khyoo: nanu" se' loo baja"- yha" da" nheig loem: moo bidbang zhoo: byid: da" Mangsoo: gi Moug coid mo bidbang bang loo wa ga: wigi tid da" Mangsoo nyang: nghoid bye.

ACTS 17:23

Khasu" wim gari ngoo nanu" da" voogung khoug: moo so" yen" ri nanu" da" coung" pid' joyoo joem ri cang yu" yen" ri" Ngoonu" ase' da" Mangso shid mo, , ga: lhid" tab to" da" phoin: daloem: ri ngoo myang. Hau: nanu" asi looza: noku nyid da" Mangso khyoo: ri akhid" ngoo tid khyo" nyid zi nghoid.

YOHAN 17:25

Deing: byeung" nyid da" nga" phoo Mangsoo we"- moug myid gi nang ri ase' boem nghoid loug we' ngoo gi nang ri se' nyid. Hid: bang: gi ngoori nang wiginhang: kaid zi se' nyid boem.

YOHAN 16:3

Nyangnu" gi phoo ri ase' boem ngoori we' azheing: se' boem. Houg: yoomo hid: su" nanu" ri we' koid; lo boem wa.

YOHAN 15:10

Ngoo gi nga" pho, amyein g" ri tam gyo: wigi nya jheddab jang moo nyid nyid yhang ti"- nanu nga amyeing" tam gyo rigi nanu" we' nga" jheddab jang" moo nyid nyid.

YOHAN 8:29

Hau: tho' moo gootu: Ngoori nhang: kaid su" gi ngoo yo" dage" nyid. Hau: yug vho: da" moozoo" ri ngoo gi ayo, bain sho' moo zei: nyid wigi hau: Aseing: gi ngoo nyang: kyeing" ri ashe: lhei" too ga: tid kyo.

YOHAN 6:46

Hid: su" ein: ngoo tid ri Phoo Mangsoo ri myang yu" su: dayug yug bo ein: ngoo atid noug. Mangso jang" mo, gyoo" loo su: dayug kyeing" za: Phoo Mangsoo ri damyang yu.

YOHAN 1:18

Byu hang" we' Mangsoo ri amyang yu" nghoid loug we' nya: pho da" shid khoin moo nyid da" Mangsoo: yo' dakhyoo" ti" da" zooti" zoo: gi Mangsoo ri thoin" pang shug nyid bye.

LUKA 10:22

Nga" phoo gi ziyoo bain sho' ngoori ab byid: too" bye. Zooshang: kha: yug nghoid zigi Nya: phoo mo led: lho: gootu: hang" we' asi. Nya: phoo gi kha: yug nghoid zi we' nya: zoo: yo' nya: zoo:- khyen: yu lho: toin" shid noug su: mo lid: wigi hang" we' asi ga: tid.

HOSEA 5:4

Hau: byumyu" yi koid da" akhyeing" ashoeb da" moo" gi nyangnu" ri Mangso jhang khyoo: ayo" lheing: loo wa khyo" toem' pyam byid: ago". Soolhoo: no' da" thung" gi nyangnu" ri yoem: so' yo' teing zei: ci: da:. Houg: yoomo nyangnu" gi Aseing ri ayhen: yu nghoid ago".

YEREMIA 9:3

Nyangnu" gi mhau' tid wa shid re" khanham we' jen" jen" nghoid ago". Adeingmain" zigi deingmain" da" gungthid hau: mougmyid ri vhoeb da:. Aseing tid zigi «Nga" byumyu" yigi akhyeing" da" moo" daja: bain thang: daja: koid ago". Houg: lho: ngoo ri nyangnu" Mangsoo khyo" asoin: yu nghoid ago"» ga: tid da:.

YEREMIA 4:22

Aseing tid zigi «Nga" byumyu" yigi nheig agyeing: nghoid ago". Nyangnu" ngoo ri asi' nghoid da:. Nyangnu" gi ko" da" zooshang: yi yhang: ti" nghoid boem. Nyangnu" moo Lasi Lajhang: se' gyo: myid aboo nghoid da:. Nyangnu" gi akhyeing" da" moo" koid wa gye" jhang: ago". Nghoid loug we' nyangnu" gi ge zi koid wa abui" adoid nghoid da» ga: tid.

YOHAN 8:52

Nyangnu" gi nang gi yu vang ci: su: dayug nghoid da" khyoo: ri akhid" ngoonu" yo" si' bye. Abraham gi shid: led: loo" bye:- Lapi: yi we' shid: led: loo" bye. Houg: su" danghoid ri nang gi nga" dang: tam" gyo: yu su: gi khanham we ashid: wa ga: tid.

1YOHAN 1:6

Ngoonu" gi nyang: yo' shau" zoem" khau: nyid bye- ga: lho: wigi moug: coid khoug: moo kangso' dadei so" yen" shi" nghoid boem rigi ngoonu" tid da" dang: moo we' ngoonu" zei nyid da" moozoo" moo we' mhoug mo, ngoonu" danghoid nyid boem shi.