YOHAN 8:44 - Lacid Common Language Bible

⁴⁴ Nanu" gi nya: phoo yu satan da" nya: zoo: nghoid yoomo nanu" nya: phoo vho: da" khyoo: moo cang koid; nyid boem. satan gi xang: shid" mo nyang: byu said da" sarhi' nyang: nghoid. Nyang: moo deingmain" zi ci" we' aboo nghoid yoomo deung main" ziri asi- se' mhau' fain" su: nghoid. Nyang: gi mhoug mo, dangain" da" nya: phoo nghoid yoomo nya: void voo: yo' dakhyoo" ti" mhoug nyid.

YOHAN 8:44 Referans Kwoze

ACTS 13:10

Satan yu da" nya: zoo: we" - nang gi deingmain" ziyo' ge, da" khyoo: dangain" da" gyivoo- akhyeing" ashoeb, mhau' fain" vo, khyoo: yo' to' za: byeung" jo, da" byu nghoid da- nang gi khanham we" Aseung: da" deingmain" khyoo: ri mhau' fain" vo, dang: bui" sho' koid su: nghoid.

1YOHAN 3:12

Ngoonu" gi Ka-in yhang: ti" age koid- nyang: gi satan yu shoid mo byu bue" lo" lho: nya: nhung" Abela ri said' pyam bye Ka-in gi Abela ri ce: noem, koid said pyam lha". Nyang: zei: da" moozoo" gi shoid khyoo: nghoid nyid nya: nhung" zei: da" moozoo" gi jo nyid yoomo nghoid nyid.

2~KORINTHU 11:3

Eva gi lhang: myu: da" phajhi" juyhi: yo' mhau' mhid" phyo' shau: yhang: ti"- nanu" we' nanu" myid to" khyoo: ri lhu: phyo' pyam zi shau" lho: nanu" da" joeb byeung" gyeung: shang: emyid yo' Khristu moo nheigloem: zug- loem" jeung" zei: so' khyoo:- she: pyam goo" wa ziri gung youg yau nyid.

Pang Shug 12:9

Moug: myid gyab, goin" zirishu" mhau' fain" vo, nyid su- main: yu- anghoid lang" satan: ga: myeing yoo" su- goonham, mo main, jung: ni, zeing ri nya: moug: lagyoo: yi dangain" yo" dage" myid jang: tho' khyoo: du" khyo' kaid' zi shau" abye:.

YOHAN 8:38

Ngoo gi nga" pho, jang" mo, yo" se' yu gu: dangain"- nanu" ri tid kyoo" bye: houg: nghoid loug we' nanu" gi nanu" da" nya: phoo tid ziri za: da cang nyid ago".

YOHAN 8:41

Nanu" gi nanu" da" nya: phoo nyang: yhangti" koid; nyid boem ga: Yesu tid. nyangnu" doem phoug tid zigi ngoonu" moo Mangsoo ga: da" phoo dayug kyeing" date: nyid lho. Ngoonu" we' nya: zoo: gyeing" yi nyang: nghoid bye: ga: tid.

1YOHAN 3:15

Nya mang nyanhung" ri anoug angei su: hang" nghoid loug we' byu ri said pyam nyid su nghoid. Byu ri said pyam nyid su gi nyang: moo apyaid ato: kang so' ayo" yu ziri nanu" se nyid.

MATHE 13:38

Yoo thung" gi he: da" mougmyid nghoid ge da" myoug: shi" gi Mungdain: da" nya: zoo: yi ri tid nau zi nghoid. Myo, gam gi akhyeing" su: da" nya: zoo: yi ri tid nau zi nghoid.

YUDA 1:6

Nyang: nyang: yo" jo, da" amyeing" akhang" ri ci: lid' lo" lho: wigi nyang: nya: da" joyoo ri she: pyam' kho' da" moug: lagyoo: yi da" khyoo: ri we' myid' boin: yu" ge'. Mangsoo gi nya: tarha" dang: phyed' wa da" bidnyid zeing moo houg: bang: ri yoobo dam kaid' wa shid re" moug: coid' thung: khoug: moo apyaid' ato: da" joto' jangcoo" yo' datei" to.

1YOHAN 2:4

Ngoo gi nyang: ri si' bye: ga: byu dayug yug tid nyid nghoid ' loug we' nyang: tid to" da" amyeing" dang: ri atam" gyoo: acang lo" nghoid rigi hau" yug gi mhoug su: nghoid ziyo' hau: deingmain" khyoo: gi nyang: moo ci: we' aboo.

Pang Shug 21:8

Nghoid loug we' gyoug da" nheigloem: boo mo, aloem" ajeung" mo, anyhoin: athoung" bang:- aved, avhu: youg: shoo: goo: bang:- goem, phain" maintain: khyoug" bang:- soolhoo: ri noku mo, yo' no" zo mhau' fain" da" dang: ri tid mo, dangain" gi houg: bang: da" joyoo gi myi: yo' fang nge" nyid da" myimi: thoem" moo nghoid. Hau" zigieig lheing: ein: da" shid: lo" khyoo: nghoid- ga: tid nyid.

APOEM AYANG: 3:15

Ngoo gi nang yo' myiyi: myhi' ri dayug yo' dayug ri ngheing" goo" nhang: too" wa. Nya: amyed ashen yo' re" amyed ashen gi khanham we' gyivoo jha" bue" nyid wa bye:. Myiyi: myhi' nya: amyed ashen gi re" vhuloem ri nang mhoin' wigi nang we' nya: amyed ashen yi da" khanheig thung" thang: ri thei" wa nghoid» ga: tid.

1PETERU 5:8

Gyeung: boin: da" byugyeing" koid nyi ge'. zed" lhid' lho: nyid ge'. nanu" da" gyivoo nghoid yu satan gi kha: yug ri myhau: pyam' wa la"» ga: myeung dang: yen" da" khang khyi yo' du nyid.

Pang Shug 9:11

Nyangnu" ri vhoeb, khang" nyid da" Khokham" gi no, athang da" duang: khuang" mo lagyoo: nghoid. Nya: da" myeing gi Hebre myeing" khyo" Abadon ga: Heleni myeing" gi Apolion nghoid. (Hau: da" dangkang: gi (Lhu: phyo' su) ga: zi nghoid.

ACTS 5:3

Petru tid zigi Anani we" nang gi yoo moug: myed ri oung" pyam' da" ngei- dayham" ri myho, yhoem" to" lho: gyeungshang: da" Venyi ri mhau' pyam bye: da- Re" gung du: ce: noem koid wigi zha: dain ri vhoeb, khang" nhang: lha".

1 KHOKHAM MHOOMYID: 21:1

Satan gi Israela byu yi dang moo yau: khe" kyi" khyeug bui" nhang: nau wigi nyang: gi byu zhayhen" koid: yu wa David ri myid phyed nhang: da:.

YOHAN 6:70

Yesu doem phougtu" zigi Ngoo gi cangzoo: daxe: eig yug ri khyen: yu lho: nyheing nhang: kaid to" anghoid la". nghoid loug we' nanu" moo yu satan vang ci: su: dayug bo nyid ga: tid.

Pang Shug 2:10

Nang shau" kham, zoo: wa da" sho" jhen: jamjau shid re" agyug nyid. yu satan gi nanu" mo dayham" bang: ri thung: moo lhoung to" lho: jham" ca: yu da" sho" jhen: shen" yhen zi shau" goo" wa nghoid loug we' nheigloem: geung: zug jo, we' houg: lang" ngoo nang ri oung: lo" da" kangso' bidmug byid: wa nghoid.

2PETRU 2:4

Mangsoo gi yooboo koid da" moug: lagyoo: yi ri lang" gi khyam" sa: abyid: loo: za: ngarai khyoo: khyo' pyam lho: wigi hau: joyoo mo moug: coid khoug: moo myeug" tei" to" wigi tarha" dang: phyed' wa da" bidnyid ri dalang" nyid nhang.

Pang Shug 13:14

Nyang: gi xang: shed" mo da" akhyeung" gougnyhoug shid khoin" moo mau" pho" alhoo: again joem rikoid shug lho: wigi mougmyid byu yi dangain" ri mhoid" fain" nyid lho: sham: dam tab' nghoid loug we' ashid: loo" loo: dei nyid da" hau" gougnyhoug riphoug" tab ngi shab, khyo" wigi nya: da" soolhoo: daloem: rikoid wa shid re" mougmyid byu yi ri tid kaid.

Pang Shug 22:15

Nghoid loug we' voogung da" nghe: shoid moo nyid mo, gi loem" jeung" khyoo: moo khyoo: vhang: vhang: mo, goem, phain" maintain: khyoug" mo, yo' aved, avhu: koid mo, byu said mo, soolhoo: ri noku mo, yo' ung: khoug: mo we' zei: da" moozoo" khyo" we' no" zo mhau' fain" voo mo, nghoid nyid boem ago".

YOBA 1:11

Nyang: yo" zi dangain" ri nang to' shoem" yu pyam nghoid rigi nyang: gi nang ri re" myo, shid ti: moo nheing" loo wa» ga: tid da:.

1 KHOKHAM 22:22

Aseing gi ‹Khasu" mhoid" jhoem" wa› ga: myid: bye:. Venyi: gi ‹Ngoo yhe: wigi Ahab da" lapi: yi dangain" ri yhe: mhoug wa› ga: tid. Aseing gi ‹Nyang: ri yhe: mhoid" jhoem" we'. Nang oung: doid wa›» ga: tid.

MATHE 12:34

Myu no, byumyu" yi we"- nanu" akhyeing" ashoeb da" mo, khasu" wigi dang: gi yo" tid goo" wa lha". nheigloem: moo byeung" jo, ja: she, nhoid tho moo da tid thu' lo.

MATHE 13:15

Khasu" wim gari He: byumyu" gi nheigloem: deig lid: nyid. nyangnu" da" nukhyab' we jid: jo, myojid" we' coem" ci: bang: nghoid. Houg: su" anghoid rigi nyangnu" da" myojid" gi myang boem wa. Nukhyab' we' shau" gyo: boem wa. Nheugloem: soo zoo: we' lheing: boem wa zi nghoid. Hau: lho: nyangnu" nga" jhang phoug lo wigi nyangnu" nya: dam noo ri ngoo ze: gi byid: wa zi nghoid› ga: Mangsoo tid nyid.

YOHAN 7:17

Hau: Mangsoo: vho: da" khyoo: moo cang loo" noug: su: gi Ngoo kho" kyo" da" tarha" gi Mangso da" tarha" nghoid la". Ngoo nya: vho: da" nga" tarha" nghoid la"» ga: zigi se' soin: myed yu" boem wa.

YOHAN 8:55

Hau: da" Mangsoo ri nanu" ase' boem. Nghoid loug ngoo koem gi se- gyeing" nyang: ngoo asi ein: tid nghoid rigi ngoo gi nanu" yo' dakhyoo" ti"-- mhoug su: bue" loo" wa. Ngoo gi phoo ri gyeing" gyeing" si' yoomo nya: da" dang: ri tam" gyo: nyid.

1YOHAN 1:8

Ngoonu" moo yooboo ayoo" ein: tid nyid boem nghoid rigi ngoonu" nyang: nya: da" gung ri ngoonu" mhau' pyam mo, nghoid wigi deingmain" khyoo: aboo mo, ngoonu" nghoid nyid boem.

1YOHAN 2:21

Nanu" jhang khyoo: ngoo mougsoug" lhid" kaid da" khyoo: gi hau: deingmain" da" dang: ri nanu" asi yoomo anghoid- hau: deingmain" da" dang: ri we' mhau' da" dang: gi deingmain" da" dang: yo' ci: asen: nyid ziri we' nanu" se' nyid bye: yoomo lhid" kaid zi nghoid.

ACTS 24:9

Yuda byu yi gi he: dang: gi dangain" deung zi nghoid ga: coem, tid boem ago".