YOHAN 8:37 - Lacid Common Language Bible

³⁷ Nanu" gi Abraham nya: myid: nya: zoo: nghoid zi ngoo se'- Houg: su" nghoid loug we' nanu" gi nga" da" jhoug" myeing" ri akham: yu noug: yoomo ngoori said wa ga: yoem: kaid nyid boem.

YOHAN 8:37 Referans Kwoze

1Korinthians 2:14

Hau: Venyi khyo" kangso adei mo, hang" nghoid loug we'- Mangso Venyi wigi: byid: da" jhung: shug ri ashau" kham: yu boem. Hau: gu: gi nya: shid re" akoo" apyoid da" khyoo: za: nghoid wigi- Venyi nheigloem: wigi: za:- hau: khyoo: ri yo" tid pang byid: nyid yoomo- nyang: gi hau: gu: ri se' gyoo: su: anghoid.

Roma 9:7

Hau tho' moo Abraham: mo ko' gyoo" loo mo dangain" mo gi Abraham: nya: myid: nya: zoo: gyeing" yi anghoid. Mangsoo: gi nang gi Isag mo za amyed ashen yi yo" loo wa ga wigi Abraham: ri tid to".

YOHAN 7:1

Hau: thang: ri Aseing Yesu gi Galile mung" moo daso' so" koem" lheing: yen. Yuda zoug: myeing" ci: mo, gi Yesu ri said pyam wa ga: soin' go" nyid yoomo Yesu gi Yuda mung" moo aso" koem" yen" noug.

YOHAN 8:59

Houg: lang" nyangnu" gi Yesu ri du" wa ga: luggo, joem: ri koid: zei: ci: boem. Nghoidloug we' Yesu gi no ku" yhoem moo" khoug: mo gau" lheing thu' lo" byug.

ACTS 13:26

Abraham da" myed: zoo: yi nghoid da- nga" byen, cang" Israela byumyu" yi we" - he: da" khyoid yu mungdang: ri Mangsoo gi ngoonu" jhang khyoo: foin byid: kaid' abye:.

YOHAN 8:43

Ngoo tid ziri nanu" ci: wim ase' gyoo: go. Nanu" moo nga" da" mungdang: ri gyo: yu wa nheigloem: nyang: aboo yoomo nghoid boem ago".

YOHAN 11:53

Hau: da" bidnyid mo wigi Yuda zoug: myeing" ci: mo gi Yesu ri said pyam wa shid' re" nyheung lo" boem bye.

YOHAN 7:19

Moshe gi nanu" ri tarha" byid: to" anghoid goo" la". Nghoidloug nanu" dayug we' hau: tarha" ri acang boem. Nanu" gi ngoori said pyam wa shid' re" cikoid; sho: nyid go"- ga: myid.

YOHAN 10:31

Houg: lang" mung" byu yi gi Asing: ri du" wa da" luggo, doem koid: ci: boem bye.

YOHAN 8:6

Nyangnu" gi Yesu ri yooboo zhug lho: myheig wa shid' re. Pyi: sho: nyid boem. Nghoidloug we' Aseing Yesu gi goeb' ci: lho: myidjang: moo lo, nyhau" wigi thau" lhid" nyid.

YOHAN 7:25

Yerusalem mo, voo byu yi dayham" gi He: yug gi zoug: myeing" ci: mo, said pyam wa sho: nyid su: anghoid la".

YOHAN 5:44

Nanu" gi nyang: cang" nyang:- coung" ngei phau" myang: goo" wa ziri vho: ngei nyid ago". Nghoidloug we' dayug kyeing" da" Phoo Mangsoo mo coung" nghei myonhoo: byid: zi shau" yu wa shid' re" gi yoem: akaid boem. Houg: su" nghoid yoomo nanu" gi ngoori khasu" koid; se' loem" jeing" wa go"

MATHE 13:15

Khasu" wim gari He: byumyu" gi nheigloem: deig lid: nyid. nyangnu" da" nukhyab' we jid: jo, myojid" we' coem" ci: bang: nghoid. Houg: su" anghoid rigi nyangnu" da" myojid" gi myang boem wa. Nukhyab' we' shau" gyo: boem wa. Nheugloem: soo zoo: we' lheing: boem wa zi nghoid. Hau: lho: nyangnu" nga" jhang phoug lo wigi nyangnu" nya: dam noo ri ngoo ze: gi byid: wa zi nghoid› ga: Mangsoo tid nyid.

YOHAN 8:33

Hau: da" byu yi gi Ngoonu" gi Abraham da" nya: myid nya: zoo: yi nghoid. Khanham we' sube" join, abue" yu" boem- Nanu" ri lhoid pyoin kaid wa ein: nang ci: koid; tid ga: myid boem.

MATHE 3:9

Abraham gi ngoonu" da" nya: phoo nghoid ga: wigi ajho: nyid goo. Nanu" ri ngoo tid kyoo" ba:- Mangsoo gi he: da" lug loem: mo Abraham nya: zoo: yo" phain" thu' byid: wa.

YOHAN 8:56

Nanu" da" nya: phoo Abraham gi ngoo ju" ri" wa da" ayo, ri shau" myang wa ziri myed nyid. Hau: ziri nyang: shau" myang yoomo tid loo a ung: gau yi nyid bye.

1YOHAN 2:14

Nga" zoo: yi we"- hau: nya: phoo ri nanu" zheung: se' nyid boem bye: yoomo ngoo nanu" jhang khyoo: mougsoug" lhid" kaid. Pho, phi" yi we"- xang: shed" mo nyid nyid su: ri nanu" se' nyid bye: yoomo ngoo nanu" jhang khyoo: lhid" kaid. Zoolu: yi we" nanu" yoem: bo nyid boem yoomo Mangso mungdang: gi nanu" moo bo jo, ziyo' hau: akhyeung" da" yu satan ri oung: pyam' boem bye: yoomo ngoo nanu" jhang khyoo: lhid" kaid zi nghoid.