YOHAN 8:33 - Lacid Common Language Bible

³³ Hau: da" byu yi gi Ngoonu" gi Abraham da" nya: myid nya: zoo: yi nghoid. Khanham we' sube" join, abue" yu" boem- Nanu" ri lhoid pyoin kaid wa ein: nang ci: koid; tid ga: myid boem.

YOHAN 8:33 Referans Kwoze

MATHE 3:9

Abraham gi ngoonu" da" nya: phoo nghoid ga: wigi ajho: nyid goo. Nanu" ri ngoo tid kyoo" ba:- Mangsoo gi he: da" lug loem: mo Abraham nya: zoo: yo" phain" thu' byid: wa.

YOHAN 8:39

Nyang: nu" phougtu zigi ngoonu" dangain" mo, nya: phoo gi Abraham nghoid ga: tid boem. Aseing Yesu gi Nanu" gi Abraham da" nya: myid nya: zoo: yi nghoid boem rigi Abraham yhangti" koid; boem zi nghoid.

YOHAN 8:37

Nanu" gi Abraham nya: myid: nya: zoo: nghoid zi ngoo se'- Houg: su" nghoid loug we' nanu" gi nga" da" jhoug" myeing" ri akham: yu noug: yoomo ngoori said wa ga: yoem: kaid nyid boem.

APOEM AYANG: 15:13

Aseing nyang: ri «Re" da" amyed ashen yigi tungbau moug: moo being" voo yhe: bue" boem wa. Nyangnu" gi houg: moo join bue" lho: dayam dayoo: shen" yhen zi zain loem: myid: shoo: shoug" wa.

YOHAN 19:25

Hau: da" uri Yesu da" nya: myhi' yo"- nya: myhi' da" nya: no gi Klopha da" yhoem: seing: myhi' Mari yo"- Magadala voo mo Mari we' Aseing Yesu da" pyang" zeing: yang moo yab jo, ago".

EZRA 9:9

Ngoonu" join yi nghoid loug we' nang ngoonu" ri join moo" zoo" khyoo: anhang: kaid nghoid da:. Nang gi ngoonu" ri Persi khosen shidkhoin" mo myonhoo: ngilang: yoo" wa shid re" we' byo, yoin" lo" da" Mangso Noku Yhoem: Moo" ri doem koid wa shid re" we' Yuda mung" yo' Yerusalem voogung moo laloem lanyu: nyid wa shid re" we' amyeing" byid: bye:›

TARHA" AGYI 4:3

Yabin gi joto' gyi myang: rheing" gau: shoo: yo" da:. Nyang: gi Israela byumyu" yiri zain loem: eig xi: nyang: gye" thain: da" khyo" athoug" akhyoug: vhoeb da:. Hau: thang: Israela byumyu" yigi Aseing ri pang" thoug yu wa shid re" yoid mho' ago".

TARHA" AGYI 3:8

Houg: yoomo Aseing gi Israela byumyu" yiri nheig yo: wigi Mesopotamia khokham Kushan- Rishathim ri nyangnu" adang moo oung: pyam nhang: da:. Nyangnu" gi nyang: vhoebkhang" da" akhoug: moo shed zain nyid ago".

TARHA" AGYI 2:18

Aseing gi Israela byumyu" yiri vhujhung: byid: khang" moo" Aseing gi nyang: ri pang" thoug wigi hau: vhujhung: dei nyid da" ayo, cang gyivoo yi lo, mo byumyu" yiri khyoid yu da:. Nyangnu" kyi" khyeug shoug" ziyo' doin: zeig zo: akhoug: moo nyangnu" kyi" khyeug ngau boem yoomo Aseing gi nyangnu" ri nheig khyeug yu da:.

XOIN" NGEI" 25:42

Israela byumyu" yigi Aseing da" join nghoid boem ziyo' nyang: gi nyangnu" ri Egutu mung" mo shu" thu lo da:. Nyangnu" gi join koid wa khyo" age oung" wa.

LUKA 3:8

Nheugloem: thid bye: ziyo' moin: yi" da" asam" aved ri toin" shid ge' Abraham gi ngoonu" da" nya: phoo nghoid ein: atid goo. Mangsoo gi he: da" lugloem: joem ri Abraham da" nya: zoo: yi bui" wa shid' re" yo" phain" byid: ein: wigi nanu" ri ngoo tid.

YOHAN 8:43

Ngoo tid ziri nanu" ci: wim ase' gyoo: go. Nanu" moo nga" da" mungdang: ri gyo: yu wa nheigloem: nyang: aboo yoomo nghoid boem ago".

Roma 9:7

Hau tho' moo Abraham: mo ko' gyoo" loo mo dangain" mo gi Abraham: nya: myid: nya: zoo: gyeing" yi anghoid. Mangsoo: gi nang gi Isag mo za amyed ashen yi yo" loo wa ga wigi Abraham: ri tid to".