YOHAN 7:42 - Lacid Common Language Bible

⁴² Meshia gi David da" nya: myid nya: zoo: nghoid ca" ga: wigi we' David nyid khare" da" Bedlehem mo po" thu' loo wa ga: wigi we' Jhoem: dang: moo bo ga: wigi we' tid go" nyid boem da.

YOHAN 7:42 Referans Kwoze

MIKHA 5:2

Aseing tid zigi «Bedlehem Ephrad we"- nang gi Yuda voogung joem mo nge thang voogung daloem: nghoid loug we' goonham' gooco' byuyoug gyung: gyo" loo su: Israela khokham dayug ri nang mo khu: thu loo nhang: wa nghoid.

MATHE 2:5

Nyangnu" nyang: tid da" zigi «Yuda mung" mo Bedlehem voogung moo khu: loo wa nghoid» ga: tid kyo" boem. Khasu" wim gari «lapi: yi da" lo, yo' hid: su" ga: lhid" to".

LUKA 2:4

Yoseb we nyang: loxo' wa ga: dang: myed: to" da" Mari yo" dage" Galile mung" Nazared voogung mo wigi Yuda mung" Bedlehem ga: da" David khokham" da" voogung khyoo: yhe: lo" ago". Mari gi zoo: khu: wa jen" jen" nghoid bye. Yoseb gi David khokham" da" nya: myid: nya: zoo: nghoid yoomo Bedlehem voogung khyoo: yhe: lo" zi nghoid.

YEREMIA 23:5

Aseing tid zigi «David da" amyed ashen mo deingmain" da" byu dayug ri khokham khyo" khyen: yu wa ayo, ju" lo nyid bye:. Hau: khokham gi phajhi" boo boo za: vhoeb wigi mungdain: goin" moo jo ziyo' tarha" deing byeung" zi koid loo wa.

LUKA 2:11

David da" voogung moo Aseing: Khristu ga: da" khyoid yu Aseing: gi Nanu" shid' re akhid" nyid" khu: loo bye.

MATHE 1:1

He: da" khyoo: gi Abraham da" nya: zoo: yo' David da" nya: zoo: Yesu Khristu da" byuxeig shab Jhoem: mungdang: nghoid.

ESAIA 11:1

David da" khokham kung: gi thug lheing: pyam bye: da" seiggam yhang: ti" nghoid da:. Nghoid loug we' seig ngoid mo seig bu: aseig to re" ziyo' dakhyo" David da" amyed ashen yi mo khokham aseig dayug doem thu loo wa.

COUNG" NGHEI 132:11

nang gi David ri geung: teung dangsoo" khoin" byid: too" bye:- dangsoo khoin" ri: nang doem yoeb yu wa zi anghoid- hau: dangsoo" khoin" gi ngoo gi re" zoo: yi mo dayug ri khokham bui" nhang: lho: nyang: gi re" thang: moo: khoo" zhung: wa zi nghoid.

1 SAMUELA 16:1

Aseing gi Samuela ri «Sholu shid re" nang khamyhang ju" sho' nang nheig kug nyid shi" wa la". Nyang: ri ngoo Israela khokham aya: mo khyo' pyam bye: zi nghoid. Nghoid loug we' zhainloin: xu: dajhi' ri ci: wigi Yese ga: su: nyid da" Bedlehem voogung khyoo: yhe: yu" we' ciwim gari nya: yuggi zoo: yi mo dayug ri khokham koid wa shid re" ngoo khyen: too" bye: zi nghoid» ga: tid bye:.

COUNG" NGHEI 89:4

Re" da" amyed ashen" mo khanham we' khokham bui" nhang: wa nghoid. Re" da" khokham byumyu" ri pyaid moo: too: moo dageung: teung jo, nhang: wa, ga: wigi tid bye:.

1 SAMUELA 16:18

Nya: byu phung: mo dei zoo: dayug gi Bedlehem voogung moo nyid da" Yese jang" moo music gye" se' da" zooshang: dayug nyid. Nyang: gi seing" yang" ziyo' avoid asam" yung" su: nghoid. Gyi moo loem ge" da" gyizoo: we' nghoid wigi dang: tid bui" su: dayug we' nghoid nyid. Aseing we' nyang: yo' dage" nghoid nyid da» ga: tid kyo" da:.

YOHAN 7:27

Nghoidloug we' Meshia gyoo" lo nghoid ri koem gi nya: ayang: ri hang" we' si' zi anghoid.

1 SAMUELA 17:58

Sholu gi nyang: ri «zooyam zoo: we" nang gi hang" nya: zoo: nghoid la"» ga: myid: bye:. David gi ngoo gi Bedlehem voogung mo re" dei zoo: Yese da" nya: zoo: nghoid ga: doem phug tid.

1 SAMUELA 16:4

Samuela we' Aseing nyang: ri tid ziyo' dakhyoo" ti" koid wigi Bedlehem voogung khyoo: yhe: loo" bye:. Hau: joyoo moo voogung vhujhung: yigi gyoug dain ziyo' nyang: ri yhe: shoug" lho: myo, gyeing: su: we" he: zigi yug yoo tung" lam" lo da" gyung: khyoo: anghoid la"» ga: lhoem: myid: boem ago".

MATHE 2:6

‹Yuda mung" mo nang Bedlehem we"- Yuda voogung yi tho' moo Nang je nge nyid zi anghoid. Nga" da" amyu" Israela ri shu" vhu" khu: wa da" zoug: gi nang mo thu' loo wa ga: wigi nyang: ri tid kyo" boem.›»

1 KHOKHAM MHOOMYID: 2:51

nya: yuggi zoo: eig yug ein: yug nghoid da" Salma gi Bedlehem voogung ri de: da:. Houg: lho: nya: yuggi zoo: soem" yug ein: yug nghoid da" Harepha gi Betgadera voogung ri de: da:.