YOHAN 4:23 - Lacid Common Language Bible

²³ Noku loem: khoug: mo, gi Phoo Mangsoo ri Venyi: yoem: vhoo" yo"- deingmain" khyo" noku wa ayo, gi ju" loo wa. Akhid" lang" hid: moo ju" nyid bye. Houg: su" loem" jeing" noku mo, ri Mangsoo vho: ngei nyid.

YOHAN 4:23 Referans Kwoze

PHILIPI 3:3

Athang: yham" da" khyoo: agyeing" ri kham: yu mo, gi nyang: nu" anghoid- nyhang: nu" she' danghoid nyid boem- khasu" wim gari nyhang" gi Mangsoo ri nya: venyi yo' noku coung" nghei wigi Khristu Yesu moo dayug za: yo" bue" da" kangso' dei khyoo: moo gau yi phau: khuang mo, nghoid boem- ngoonu" gi noku thung" mo nghe: shoid' khyo" alhoo: aved, ri aloem" jeing".

YOHAN 5:25

Deing" deing Nanu" ri ngoo tid ba"- shid: jo, mo, gi Mangso nya: zoo: da" thui: ri shaug" gyoo: lang" Kangso' doem dei loo wa. Hau: ayo, gi akhid" nyang: ju" jo, bye.

GALATI 4:6

Yuda byu yi da" toung: da" tarha" khoug: moo nyid loo bye. Akhid" nanu" gi Mangso nya: zoo: yi nghoid nyid boem ziri sagsi: toin" shid' wa shid re" phoo we" nga" phoo we",, ga: wigi se' yoid, da" nya: zo: venyi ri ngoonu" da" ung: khoug: nheigloem: moo nyid nyid nhang: bye.

Roma 8:26

Dalheing: dam nyang: young" gyeing" venyi gi yoem: neing: nyid da ngoonu" ri pang" thoug wa shid' re" gyoo" lo zi nghoid. ngoonu" gi akyu" khasu" mho' wa zi ase' boem yoomo nghoid: wigi ayo" tid kyo" da" kyiyang myeing: da" khyoo: ri venyi nya: gung du nyang: Ngoonu" da" shid' re" Mangso: jhang bo pang" mho' byid: nyid.

YOHAN 12:23

Yesu phougtu" da" zigi byu nya: zoo: da" myonhoo: phung" yoeb' bang: thu' loo wa da" ayo, ju" bye.

Ephesu 6:18

Mangso jang" mo pang" thoug khyoo: yo" yu baja"- goeb khyo' akyu" mho' ziyo' he: khyoo: dangain" gu: ri zei: so' nyid ge'- gyeungshang: da" venyi vhu" she: ziyo' dakhyoo" ti"- ayo, khang" moo" moo akyu" mho' nyid ge'- he: gang mo nheigloem: soozoo: lheung: nyid ziyo' khanham we' asoem" akham' goo" Mangso byu yi shid re" khanham we' akyu" mho' nyid ge'.

YOHAN 4:21

Yesu gi myiyi: zoo: nang we"- nga" dang: ri loem" jeing" we' he: boem tho' moo we' Yerusalem voo moo we' phoo Mangsoo ri anoku lo: da" ayo, gi ju" loo wam bye.

YOHAN 1:17

Mangsoo gi tarha" ri Moshe khyoo" wigi byid: kaid. Nghoidloug we' Jeju" yo" deingmain" zigi Yesu Hkristu khyo" wi ju" loo bye.

ESAIA 29:13

Aseing tid zigi «He: byu yigi ngoo ri noku ga: tid ago". Nghoid loug we' nyangnu" da" dang: joem gi dang: kang: aboo nghoid ago". Nyangnu" nheigloem: gi gootu: moo nghoid nyid ago". Nyangnu" da" noku thung" gi akoem: nghoid da:. Nghoid loug we' nyangnu" yu" yu" za: myid boin: da" xangsu: byu tarha" yo' thung" ri: joem za: nghoid da:.

ESAIA 58:2

Nyangnu" gi ngoo ri nyid" khang" moo" noku wigi nyangnu" nga" khyoo: ri si' nau ziyo' nga" tarha" joem ri cang nyid ga: tid nyid boem. Nyangnu" gi nyangnu" ri deungmain" tarha" joem ri za: ngoo ri byid: nhang: nau wigi nyangnu" ngoo ri noku jang" moo pyo: khyoo: sho: zi nghoid» ga: tid nyid ago".

ESAIA 43:21

Nyang: gi ngoonya: shid re" phain" so: to" da" nga" byu yi nghoid ago". Nyangnu" gi ngoo ri coung" nghei jikhoin" khoin" lo goo" wa» ga: tid.

Roma 8:15

Mangso: jang" mo nanu" yo" kham yu da" young" gyeing" da" venyi nanu" ri join, doid loo" nhang: zi anghoid. Gyoug da" nheigloem: ri kaid' bye: zi we' anghoid. Young" gyeing" venyi gi ngoonu" ri Mangso: da nya: zoo: yi yo" bui" nhang: yoomo ngoonu" gi Mangsoo: ri - Phoo we" - nga" phoo we" ein: yo" yoid da" akhang" yo" yu boem bye.

YOSHU 24:14

Yoshu gi xo' lho: «Akhid Aseing ri ngi: shab wigi nyang: ri deing: deing: main: main: jhug zug tung" dei byid: nyid ge'. Nanu" phoug" phyid" yi Mesopotamia mung" yo' Egutu mung" moo lhung no' da" yu phara" ri yu pyam wigi Aseing ri kyeing" dei byid: ge'.

1PETERU 2:9

Nghoid loug we' nyangnu" koem gi moug: coid' khoug: mo wigi nya: da" mau" pho" bidbang khyoo:- nanu' ri khe: yu su: Mangso da" mau" pho moozoo" ri tid fu" loo" wa shid re" khyen: yu to" da" byumyu"- Khokham" da" khain: jung yi gyeungshang: da" byumyu" yo'

COUNG" NGHEI 51:6

Nang gi nheigloem: dain: ziyo' deingmain" khyoo: ri damho' nyid yoomo nga" ung: khoug: nheigloem: moo re" da" ung: yeug phajhi" yo' byeung" jo, nhang: we'.

COUNG" NGHEI 17:1

O" Aseing we" nyeung veung" tarha" shid re nga" mho' yoid thui: ri tam" gyoo: byid: we'. Pang" yu byid: wa shid re" nga" mho' yoid thui: ri goolho: goem loem byid: we'. Ngoo phau" myang: tung" mho' yoid thui: ri tam" gyoo: byid: we'.

1 SAMUELA 12:24

Aseing gi nanu" da" Emyed dangain" yo' loem: lug tung" moo" voin tam" gyo: nyid mo, nanu" shid re" nyang: koid shug da" moo" zoo" zeing ri boin: so" nyid boem ge'.

YOHAN 16:32

Nanu" gi nyang: nya: yhoem: khyoo: nyang: phang: gang: go" lho:. Ngoo we' ngoo nyang: kyeing" ri nyhed: pyam' khoo' shau" wa da" ayo, gi akhid" lang" ju" loo bye. Nghoidloug we' phoo Mangsoo gi ngoo yo" dage" nyid yoomo ngoo gi ngoo nyang: kyeing" nyid zi anghoid.

YEREMIA 4:2

Nanu" gi nga" da" myeing lang: wigi jham' tang: zigi jo boem wa. Houg: lang" byumyu" dangain" bang: gi nyangnu" ri mainkaid byid: wa shid re" ngoo ri tid loo goo" wa. Houg: lho: nyangnu" gi ngoo ri coung" loo goo" wa» ga: tid da:.

YEREMIA 3:10

He: gu: dangain" bain thang: ri Israela da" jhug azug da" bi: nhung" Yuda gi nga" jhang doem lheing: tau" loo goin koid mhoug wigi gyeing" ga: ri hougsu" anghoid. Ngoo Aseing tid bye:.

DANG: ZHOEM 15:8

Aseing gi byu gi yi akyu" mho' dang: ri vho: ngei nyid. Nghoid loug we' tarha" aci: bang: ci: re" da" xoin" du: joem ri nyang: gi ngheung" nyid.

1 KHOKHAM MHOOMYID: 29:17

Nang gi yugkhang" moo" da" nheigloem: ri jham" yu" wigi nheigloem: phyu: bang ri nang vho: ngei ziri ngoo se'. Ngoo gi deingmain" da" myid- nheigloem: phyu: myid yo' he: gu: dangain" ri oung: lung bu tung" nang ri byid: too" bye:. Hid moo: zeing: foem: nyid boem da" re" byumyu" yigi nang ri shugbyid: wa khayhi' ngei bu: oung: loug boem ziri ngoo myang bye:.

Roma 1:9

Nya: zoo: da" khyoo: ngei bu lu dang: gi ri tid fu" lo" khyo" wigi - ngoo gi Mangso: moozoo" voin vu nyid. Ngoo gi akyu" mho' khang" moo" moo nanu" ri ajang" myed boin nyid da" khyoo: ri Mangsoo: nyang si gu nghoid bye.

COUNG" NGHEI 147:11

Nghoid loug we' nyang: ri gyoug phau" nyid mo, yo' Nya: da" jhed khyeing: kang: khyeing: ri loem khau: nyid mo, ri nyang: vho: ngei nyid.

EZEKIEL 22:30

Ngoo gi vang khyam: ri nga" nheig yo: ziyo' phyo' shoin' pyam uri doem yo" zhug too" wa byu dayug yug yo' vang khyam: gyoeb gyo" jo, da" joyoo moo yu" yab jo, lho: hau: mougmyid ri yu" goin coung: byid: wa byu dayug yug ri sho: nghoid loug we' ngoo gi dayug ri we' ashau" myang.

SHOLUMON JIKHOIN" 2:14

Nang gi lug pyo' gyoo: moo nyid da" pheing" kyoug" yo' du da:. Re" da" yu" jheddab tung" myonhoo: ri ngoo ri yu" nhang: we'. Re" gyoo: noug tung" da" thui: ri ngoo ri gyoo: nhang: we'.

COUNG" NGHEI 32:2

Age da" moo" ri: zei: nyid su: ga: Aseing wigi yooboo foin: zi ashoug" loo: za: mhau, fain" khyoo: ci" we' aboo su: gi ngilho' nyid.

ESAIA 10:20

Kangso' dei nyid deing da" Israela byu yigi alug said toem" pyam da" byumyu" yiri akhau: nghe: nyid wa da" ayo, ju" loo wa. Houg: lang" nyangnu" gi Israela da" gyeung" shang: da" Aseing Mangsoo ri goolhoo: za: khau: nghe: loo goo" wa.

YOHAN 5:28

He: da" khyoo: ri nanu" amoug" goo"- Loeb' khoug: mo shid' mang yi gi nya: zoo: da" thui: ri shau" gyoo: lang" thu' lo boem da" ayo, ju" loo wa.

YOHAN 16:2

Nanu" gi Tarha" jung joem mo khaid thu' pyam zi shau" boem lho: Nanu" ri said loo wa hougsu" koid' mo nyangnu" gi Mangso moozoo" voin, vu, khyoo: nyang: nghoid ga: soin: yu wa da" ayo gi ju" loo wa,