YOHAN 3:19 - Lacid Common Language Bible

¹⁹ Tarha" dang: phyed byid: da" akhyoo" dangkang: gi hid: su" nghoid bidbang zeing gi he: mougmyid moo juri" bye: nghoid loug we' Byu xangsu: yi gi akhyeing" ashoeb mo, nghoid nyid yoomo bidbang tho' moo moug: coid ri daje vho: boem.

YOHAN 3:19 Referans Kwoze

YOHAN 8:12

Dalheing: ri Yesu gi hparishe yi ri ngoo gi mougmyid: bidbang nghoid. Nga" thang: moo cang loo su: gi apyaid' ato: kangso' bidbang ri yo" yu lho: moug: coid' khoug: moo khanham we' asoo" loo: wa zi nghoid. ga: tid.

2 THESALONI 2:12

Hau: da" moo" thang: gi hau: deingmain" khyoo; ri aloem" jeing" wigi yoobo da" pyo: khyoo: moo cang loo" mo, dangain" gi tarha" dang: phyed, zi shau" boem wa nghoid.

Roma 2:8

Nyang: nya: akyu" ri te: sho: lho: - jo, da" khyoo: ri she: pyam' wigi - shoid' da khyoo: moo cang loo" da" byu yi gi - Mangsoo: nheig khoo" yo: zi shau" boem wa.

YOHAN 12:43

Nyangnu" gi byu yi coung" byid: wa ziri Mangso coung" byid: wa tho' moo je vho: ngei nyid ago".

Roma 1:32

Hid: yhang: te" mo gi shid: moin: nyid ga: - Mangso: mungdang: moo tid to" khyoo: ri - nyanu" nyang: si gu nghoid loug we' - nyanu" gungdu: nyang: he: moo" ri zei: tho' moo agoo" hid: su" cang zei: nyid mo ri we' yoem: byid: tu: to' gau yi nyid boem nhung: lha".

YOHAN 5:44

Nanu" gi nyang: cang" nyang:- coung" ngei phau" myang: goo" wa ziri vho: ngei nyid ago". Nghoidloug we' dayug kyeing" da" Phoo Mangsoo mo coung" nghei myonhoo: byid: zi shau" yu wa shid' re" gi yoem: akaid boem. Houg: su" nghoid yoomo nanu" gi ngoori khasu" koid; se' loem" jeing" wa go"

2PETRU 3:3

Hau: da" lo" thang bidnyid joem moo gi nyang: tu: nya: gungshoo" aco' ajhoid da" nheugloem: vho: khyo" cang wigi kangso' dei bang: thu' loo wa ziri dangain" da" shid moo se' too" ge'. Nyangnu" gi nanu" ri juang" yi zoore"- Hau: Aseing: doem ju" ri" wa ga: dangsoo" khoin" byid: to" anghoid goo" la". akhid" nyang: khayoo: lo" lha".

YOHAN 1:4

Hau: mungdang: gi kangso' ajhung nghoid- hau: da" kangso' gi Byu yi da" bidbang nghoid.

LUKA 12:47

Aseing: vho: da" khyoo: ri si si- jen" jen" asoin too"- Aseing: vho: khyo" acang loo: nyid da" dei zoo: yi gi gyoem, thoung" wigi gyi" sho' lo mho' zi shau" zoo: wa nghoid.

1PETERU 2:8

Gootu: da" jhoem: mungdang: daloem: moo gi hau: lug loem: gi byu yi ri khyid: vhu" thoung" leung nhang: da" lug loem: yo' nyangnu" ri leung loo" nhang: da" lug zeing ga: lhid" to". Houg: bang: gi Yesu da" lu dang: gi, ri atam" gyo: boem yoomo thoung" thue: leung lo" boem bye- Hau: khyoo: koem gi Mangsoo nyheung to" da" khyoo: nghoid.

YOHAN 7:7

Mougmyid xangsu: byu yi gi nanu" ri ayo" ngheing". Ngoori gi ngheing" boem. Khasu" wim gari Ngoo gi nyangnu" da" akhyeing" ashoeb da" nheigloem: ri toin" shid' nyid yoomo nghoid.

YOHAN 7:17

Hau: Mangsoo: vho: da" khyoo: moo cang loo" noug: su: gi Ngoo kho" kyo" da" tarha" gi Mangso da" tarha" nghoid la". Ngoo nya: vho: da" nga" tarha" nghoid la"» ga: zigi se' soin: myed yu" boem wa.

LUKA 16:14

Pharishe yi gi hau: khyoo: dangain" ri shaug" gyoo: yoomo nyang: bang: gi Yesu ri juang" yi byid: ago.Khasu" wim gari nyangnu" gi ngei ri jheddab mo, nghoid.

DANG: ZHOEM 2:13

Deingmain" da" kangso' khyoo: rigi she: pyam, kho' lho: wigi yooboo moug: coid khoug: moo: nyid da" byu yigi

YOHAN 1:5

Hau: bidbang gi moug coid moo thoin" pang byid: nyid. Hau: moug coid gi bidbang ri khanham we ayo" nghoeb too.

YOHAN 9:5

Ngoo gi he: mougmyid moo nyid shi" uri mougmyid shid' mo bidbang nghoid ga: tid.

YOHAN 12:31

He: moug myid gi akhid" lang" Tarha" dang: phyed' zi thoung" shau" nyid abye:. Mougmyid ri vhoeb khang" nyid da" su: we' akhid" nyang: keing" pyam zi shau" wam: bye.

YOHAN 12:46

Ngoori loem" mo dangain" gi moug: coid khoug: moo anyid loo: wa shid re" ngoo gi bidbang khyo" nyang: mougmyid moo ri" bye.

XOIN" NGEI" 13:10

Khainjung phoo gi nyang: ri joeb ca: yu" byid: wa zi nghoid. Nya: shooyid mo dam joid phyu: jang" mo zi shoomoug" joem we' phyu: lo" byug wigi foid we' byeung" sho' bo nghoid rigi

ZEKHARIA 14:19

He: zigi Egutu yo' seig kyang: zoem" pui" akoid da" gootu: byumyu" yi dangain" mo, shoug" kham zoo: wa da" yooboo dam nghoid.