YOHAN 19:17 - Lacid Common Language Bible

¹⁷ Yesu gi vhu" gyab' boug ga: da" joyoo khyoo:- nya: pyang" zeing: ri vu, lho: yhe: lo. (Hau: da" joyoo ri Hebre myeing" khyo" Golagotha ga: zi nghoid.)

YOHAN 19:17 Referans Kwoze

LUKA 23:33

Vhu" gyab' boug ga: da" joyoo moo ju" lang" Yesu yo" said moin: da" byu eig yug ri pyang" zeing: moo baid jen" to" boem. Said moin: da" eig yug ri dayug gi lo, yo shoid khyoo:- dayug rigi lo, koung" shoid khyoo:- bo baid jen" lhang" to" boem.

LUKA 14:27

Nyang: nya: da" pyang" zeing ri vu, lho: nga" thang: acang su: gi nga" cangzoo: ayo" bui.

LUKA 23:26

Gyizoo: yi gi Yesu ri shu" thu lo" uri siyoo voogung mo zi voomoo" khyoo: gyoo" re" nyid da" Kureni byu Simun ga: su: yo' nyangnu" shoug" go" da. Nyangnu" gi nyang: ri myheig yu lho: pyang" zeing yu nhang: wigi Yesu da" thang: moo cang soo" nhang: da.

ACTS 7:58

Hau: lho: nyang: ri vooyam, shoid khyoo: zheung: doin: goin' thu' lo" wigi lug go' yo' du" ago". Sagsi: yi gi nyangnu" da" adang byisheing: joem ri sholu ga: da" zoolu: pho, khyid: yang: moo khyoid' boem, to" lho: zung" nhang: ago".

MARKU 15:32

Ngoonu" shau" myang lho: loem" jeung" wa shid re" Israela khokham" Meshia gi hau" pyang" zeing mo gyoo" loo baja" ga: nyang: cang" nyang" tid go" nyid boem. Nyang: yo' dage" pyang" zeing moo bo jen" tab to" khyangtoug: eig yu we nyang: ri bo juang" nyid ago".

LUKA 23:38

Nya: da" vhuloem phyoo" moo He: Yug Gi: Yuda khokham" Nghoidga: lhid" tab to" boem.

LUKA 9:23

Houg: su" wi, nyang: gi-nyangnu" dangain" mo, ri nga" thang: moo cang noug su: hang" nghoid loug we' nyang: nya: gung ri ngeug pyam ca:. Hau: lho: nya: pyang" zeing ri nyid" khang" moo' vu, ci: lho: nga" thang: moo cang ca.

MARKU 15:26

Pyang" zeing tho' moo-Yuda yi da" Khokham" ga: nyang: ri yooboo foin: da" dang: ri lhid" tab to" ago".

MARKU 10:21

Yesu gi nyang: ri jheddab myid yo, tu: yu" lho: nang daja: ca" shi"- nang loo" shi" we-re" soid' gain jo, nu" joem ri lo" oung" pyam' lho: myoung shoo" mo, ri gam byid: we' houg: lang" nang mougkhoung: mungdain: moo soid' gain yoo" wa nghoid. Hau: lho: nga" thang: moo cang we' ga: tid da.

MARKU 8:34

Hau: thang: ri Yesu gi cangzoo: yi yo' mung" byu yi ri nya: jhang khe: yu nyangnu" ri nga" thang: moo cang noug su: gi nyang nya: gungri he: pyam lho: nya: pyang" zeing tu: vu, wigi nga" thang: cang goo" baja" ga: nyang: nyangnu" ri tid..

MATHE 27:37

Yesu ri tarha" soi da" dang: khoin" Yesu da" vhuloem dang moo (He: yug gi Yuda khokham" nghoid.) Ga: da" lhid" cab ri baid tab to' boem.

MATHE 16:24

Hau: thang: ri Yesu gi «Nga" cangzoo: bui" noug su: hang" nghoid loug nyang: nya: da" gung ri ngeig pyam lho: nyang: nya: da" pyang" zeing ri vu, ci: lho: nga" thang: moo cang ca"» ga: nya: cangzoo: yi ri tid.

MATHE 10:38

Hang" nghoid loug- nyang: nya: da" pyang" zeing ri vu, lho: nga" thang: acang rigi hau: yug gi ngoo yo" amoin: yi.

1 KHOKHAM 21:13

Jau join" su: eig yug we' shava byu yi shidkhoin" moo: nyang: ri Mangsoo yo' khokham phoo ri yooboo foin: dang: tid khyo" wigi yooboo foin: lho: nyang: ri voomoo" mo shu" thu lo" ziyo' lug boem yo' du" said bye:.

XOIN" NGEI" 24:14

«Hau: yug ri dab tunggung khyoo: she: thu pyam ge'. Nyang: nheing" ziri shoug" gyoo: bang: yugkhang" moo" gi nyang: yooboo yo" da" khyoo: ri sagse: kham wa shid mo hau: yug da" vhuloem tho' moo: nya: lo, ri ki" wa zi nghoid ago". Hau: thang: shava byu yigi nyang: ri lug boem yo' du" said pyam wa zi nghoid.

APOEM AYANG: 22:6

Abraham gi Isag ri xoin" ngei" wa da" thang" ri vu, nhang: lho: nyang: gi shamcoin" yo' myi: ri ci: nya: phatang: dage" do, lo" nyid da" uri.

YOHAN 5:2

Yerusalem mo yang khoem" duang: vang wa khyoo: wim: loem: jo, da" nam, moo gyid thoem" daloem: jo. Hau: gyid thoem" ri Hebre myeing" khyo" Bedsaida ga: tid.

YOHAN 19:13

He: da" dang: ri shaug" gyoo: lang" gi Pilaid khokham" gi Yesu ri nghe: shoid khyoo: shu" thu' lo" lho: Lug pyi" myhu" to" da" tarha" gabyam: tho' mo, zhungtang tho' moo zhoung: jo, nhang. (Hau: lug pyi" myhu" to" da" gabyam: ri Hebre myeing" khyo" gi Gabatha ga: da" joyoo nghoid.)