YOHAN 17:8 - Lacid Common Language Bible

⁸ Ngoori nang ab byid: da" mungdang: ri ngoo gi nyangnu" ri doem ab byid: da" uri nyangnu" kham: yu boem bye. Nang jang" mo ngoo gyoo" lo da" khyoo: yo"- gyeing" nyang: nang ngoori nhang: kaid da" khyoo loem" jeing" boem bye.

YOHAN 17:8 Referans Kwoze

YOHAN 17:14

Re" da" mungdang: khoin" nyangnu" ri ngoo byid: bye. Moug: myid byu yi gi nyangnu" ri avho: angei boem. Khasu" wim gari ngoo gi mougmyid yo" asen: ziyo' dakhyoo" ti"-- nyangnu" we' mougmyid yo" asen: nyid.

YOHAN 15:15

Akhid" mo wigi nanu" ri ngoo join atid loo wa. Khasu" wim gari-join gi Yhoem: seing: koid da" moozoo" ri asi. Nanu" ri bidnoem da ein: loo wa khasu" wim gari pho jang" mo ngoo shau" gyo: khyoo: dangain" nanu" ri yo tid kyoo" bye.

YOHAN 16:30

Aseing Yesu gi khyoo: acang: joeb ri si' su: nghoid zigi akhid" ngoonu" se' boem bye. Aseing: ri hang" ci: myid: nyid cang aboo loo. Houg: yoomo Aseing: gi apyaid' ato: da" Mangso jang" mo gyoo" lo da" Aseing: nyang: nghoid ziri ngoonu" loem" jeing" boem bye"- ga: doem tid boem.

YOHAN 16:27

Phoo nyang: lhang"- nanu" ri jheddab nyid yoomo nghoid. Nanu" gi ngoori jheddab wigi ngoo gi Mangso jhang khyo" re" da" ziri loem" jeing" yoomo Phoo gi nanu" ri gye jheddab nyid.

1THESALONI 2:13

Hau: lho: wigi Mangso jeju" ri anoo: atheing: loo- coung" nghei byid: nyid wa da" khyoo:- gootu: dakhaid bo jo, shi"- nanu" jang" moo ngoonu" hau: Mangso da" mungdang: ri re" kho" kyo" da" uri byu yi da" mungdang: ri yhang: ti" anghoid- Mangso mungdang: nghoid deung nyid ziyo' dakhyoo" ti"- nanu" shau" gyo: wigi loem" jeung" ziyo' lhoem: kham: yu boem bye- hau: mungdang ri loem" jeung" bang: nanu" da" nheigloem: ung: khoug: moo moo" zei: nyid.

YOHAN 17:21

Moug: myid byu yi gi nang ngoori nhang kaid bye khyoo: ri loem" wa shid re nang gi ngoo moo nyid nyid lho: ngoo we' nang moo nyid nyid yhang: ti" hid: bang: we' yha" eig yug moo nyid baja".

YOHAN 8:42

Yesu nyangnu" ri doem tid zigi Mangsoo gi nanu" da" nya: phoo gyeing" nghoid rigi nanu" ngoori jheddab goo" wa. Khasu" wimgari ngoo gi Mangso jang" mo gyoo" lo lho: akhid" hid: moo re" ju" nyid. Ngoo nyang: vho: khyo" re" zi anghoid. Phoo Mangsoo gi ngoori nhang: kaid.

YOHAN 14:10

Ngoo gi phoo moo nyid phoo we' ngoo moo nyid. Phoo nyid zi nang aloem" rhe. Ngoo tid da" dang: dangain" gi nga" da" dang: anghoid. Ngoo koid; da" moozoo" we' Ngoo yo" dage" nyid da" phoo Mangsoo: nyang: koid; da" moozoo" nghoid bye.

YOHAN 12:49

Khasu" wim gari Ngoo gi ngoo nya: amyeing" khyo" kho" kyo" da" khyoo: anghoid. Ngoori nhang: kaid da" phoo Mangso da" amyeing" yo' dakhyoo" ti"-- kho" kyo" khyoo: danghoid.

YOHAN 6:68

Simun Petru gi Aseing: we" ngoonu" gi hang" jhang khyoo: se' loo" wa Aseing: dayug kyeing" za: apyaid' ato: kangso' yo" sen: da" khyoo: ri dakho" kyo.

DANG: ZHOEM 1:3

Hau: khyoo: gi nang ri nheig gyeung: nhang: ziyo' khasu" koid lho: kang: so' dei nyid wa khyoo: khasu" koid deingmain" nyid wa da" khyoo: nheigloem: dain: ziyo' jo da" nyeung veung" khyoo: ri jhau" byid: nyid.

1THESALONI 4:1

Lo" thang jang" moo gi-mang nhung yi we"- mangsoo vho: ngei wa shid re" nanu" gi kha: khyo" kangso' dei nyid ca" da" khyoo: ngoonu" jang" mo nanu" jhau" yu abye: go- nanu" gi hau: khyoo: khyo" nyang: kangso dei nyid boem bye- hau: tho' moo je" yo" zei: soo, wa shid re" Yesu Khristu da" myeing khyang" khoug: moo nau" ri ngoonu" mho' tung" pain: joug jhoin" kaid' boem.

1Korinthians 15:1

Mang: nhung" yi we"- ngoo nanu" ri kho" kyo" lho: wigi- nanu" we' lhoem: kham: yu bye: ziyo'- hau: jang" moo: nanu" da" loem" jeung myid' geung: geung: teing teing nghoid jo, bye: ziyo'- hau: ngei bu: lu dang: gi ri ngoo nanu" ri doem tid poin" nau.

YOHAN 17:23

Nyangnu" gi joeb byeung" khyo" daloem: za: bui" baja"- ngoo gi nyangnu" moo nyid nyid wigi nang gi ngoo moo nyid nyid. Houg: yoo mo nang ngoori nhang: kaid ziyo' - ngoori jheddab ziyo' dakhyoo" ti" nyangnu" ri jheddab khyoo: mougmyid byu yi se lo boem wa zi nghoid.

YOHAN 17:18

Nang gi ngoori he: mougmyid khyoo: nhang: kaid ziyo' dakhyoo" ti"-- ngoo we' nyangnu" ri he: mougmyid khyoo: nhang: kaid.

MATHE 13:11

Yesu gi «Nanu" gi mougkhoung: mungdain: da" no, thang khyoo: ri se' gyo: da" akhang" yo" ago". Goo" ji koem gi hau: akhang" ri ayoo" nghoid ago".

DANG: ZHOEM 8:10

Ngei, sheung: da" gungthid- nga" khyoo: shed dang: ri khyen: yu we' Sheing: gyeung" tho' moo: je phau" da" lasi phajhi" ri khyen: yu we'.

1Korinthians 11:23

Khasu" wimgari- akhid" ngoo nanu" ri- byid: kaid da" jhoug" myeing" jhoug" thui: gi hau: Aseing jang" moo ngoo yo" kham: yu khyoo: nghoid. Hau: zigi: gyivoo joem da" lo, moo: ab byid: pyam zi shoug" wa da" myen" ri- Aseing Yesu gi zooyho, ri yu lho: wigi-

YOHAN 3:33

Nghoid loug we' nya: da" mungdang: ri kham: yu su: koem gi Mangsoo gideing main" su: nghoid khyoo: ri lhoem: kham: yu khyo" geing: teing nhang: su nghoid.

YOHAN 3:17

Khasu" wim gari Mangsoo gi nya: zoo: ri nhang: kaid da" khyoo: gi Mougmyid byu yi ri tarha" dang: phyed wa shid' re" anghoid. Mougmyid byu yi da: khyoid yu Aseing bui" wa shid re nghoid.

DANG: ZHOEM 1:23

Nang ri ngoo gyi koid jhau" mho' da" uri tam" gyo: yu we gyo yu ge'. Ngoo nanu" ri phajhi" byid: lho: lasi laleug gam, byid: wa.

DANG: ZHOEM 4:10

Nga" zoo: we" nga" dang: ri tam" gyo: nyid we' nang ri ngoo tid shed da" khyoo: dangain" ri goolhoo: tam" gyoo: we' hougsu" nghoid lang" gi: nang kang sheing wa zi nghoid.

DANG: ZHOEM 2:1

Nga" zoo: we" ngoo nang ri jhau" byid: da" dang: khoin" yo' nang ri ngoo tid da" khyoo: ri khanham we' ato" myhed pyam.

TARHA" TID POIN" 18:18

Ngoo gi nang yhang: te" da" lapi: dayug ri nyangnu" nya: byumyu" yi khoug: mo nyangnu" jhang nhang: kaid byid: wa. Ngoo gi nyang: ri citid wa ein: ziri tid kyo" wigi nyang: gi ngoo amyeing" byid: zi ja: khang" moo" byumyu" yiri xo tid kyo" loo wa.

YOHAN 17:3

Apyaid ato: kangso' ga: zigi dayug kyeing" da" Mangsoo ri we' nang nhang: kaid da" Yesu Khristu ri we' se' da" khyoo nghoid.

Pang Shug 1:1

He: da" jhoem: mungdang: gi Yesu Khristu da" pang shug byid: khyoo: ri lhid" xoem" to" da" khyoo: nghoid. Mangsoo hid: su" pang shug da" khyoo: gi Ade: myang" loo: ri bue" thu' loo wa da" khyoo: nya: dei zoo: yi yo" se' toin" shid' byid: nyid. Khristu gi nya: moug: lagyoo: yi ri nhang: kaid khyo" nya: dei zoo: Yohan ri he: khyoo: se' nhang: ziyo'