YOHAN 17:15 - Lacid Common Language Bible

¹⁵ Nyangnu" ri he: mougmyid mo shu" thu' loo" wa da" shid' re" ngoo mho' nyid zi anghoid. Nyangnu" gi akhyeing" su da" lo, mo zung" lhug byid: wa shid' re" za: ngoo mho' nyid.

YOHAN 17:15 Referans Kwoze

COUNG" NGHEI 121:7

Aseing gi gyoug dain khyoo: dangain" jang" mo nang ri goem loem yu byid: wa zi nghoid- nyang: gi nang ri gau: nyu: nhang: wa zi nghoid nyid.

1YOHAN 5:18

Mangso nya: zoo: nghoid bye: su: gi yooboo axo, koid lo: ziri ngoonu" se' nyid boem. Khasu" wim gari nyang: ri Mangso da" nya: zo: wigi zung" lhug nyid yoomo hau: akhyeing" su: gi nyang: moo ayo" tain" loo.

2 THESALONI 3:3

Nghoid loug we' Aseing: gi kyed' su: nghoid nyid yoomo nyang: gi nanu" ri nheigloem: yoem: fain, byid: lho: akhyeing" ashoeb, bang: gyi koid lo jang" mo zung" lhug byid: wa nghoid.

GALATI 1:4

He: da" pyaid mo akhyeing" ashoeb khyoo: mo ngoonu" ri yo" khyoid yu baja"- ngoonu" da" Phoo Mangsoo myid vho: ziyo' dakhyoo" tam" gyo: zoore"- ngoonu" da" youg: noo yoobo shid mo Khristu gi nya: gung du: nyan: ab, byid: pyam' bye.

MATHE 6:13

Ngoonu" ri jhu' phyo' jang" moo ayhi: nhang: lo za: yu deizoo: lo, mo khyoid yu we' o". ‹Coid doem: boo" doem: ri vhoeb da" akhang" yo"- phung" yoeb myonhoo: ngilang: gi Apyaid atoo: nang moo za: dajo, jo, baja" o"- Amen.›

1 KHOKHAM MHOOMYID: 4:10

Nghoid loug we' Yabed gi Israela Mangsoo ri akyu" mho' da:. Nyang: gi «Mangsoo we"- ngoo ri mainkaid byid la- ngoo ri mougmyid myoo" sho' byid: la. Ngoo yo' dage" nyid byid la- ngoo ri noo nhang: wa da" akhyeing" da" ja: khang" moo" mo we' goem loem byid: la o"» ga: akyu" mho' da:. Houg: lho: Mangsoo gi nyang: mho' ziri byid: da:.

LUKA 11:4

Ngoonu" ri subi" shoid da" yooboo- ngoonu" khyoid pyam byid: yhangti"- ngoonu" da" yooboo ri we' khyoid pyam byid: we'. Ngoonu" ri yau: da" jhu, phyo' ca: yu" jang" khyoo: ayhi: nhang.

COUNG" NGHEI 30:9

«Ngoo shid: lo" jang" mo nang ce: noem yoo" wa lha". loeb duang: khoug: moo ngoo vang loo" yoomo ce noem akyu" boo wa lha". Sushid: joem gi nang ri yo" coung" nghei goo" wa la". Nyangnu" gi re" da" yoem: bo- ge khyoo: ri yo" tid fu" byid: goo" wa la".

2 TIMOTHI 4:8

Akhid" mo wigi deingmain" da" tarha" agyi ein: da" hau" Aseing: gi tarha" dang: phyed' da" bidnyid moo ngoori byid: wa nghoid da" hau: deing byeung" da" kangso' dei khyoo: yo' sen: da" oung: doid lo" bidmug gi nga" shid re" shoung: too" bye- ngoori za: we' anghoid- nyang: doem, ju" ri" wa da" khyoo: ri vho: ngei ziyo' lang" nyid bang: dangain" ri we' ab, byid: wa zi nghoid nyid.

ESAIA 57:1

Byu gi yi shid: wigi hang" we' hau: ziri ase' gyoo:- ci: lang" we' ajhoo: nghoid ago". Nghoid loug we' nyangnu" shid: lo" boem uri kyi" kyeug yau: khi" ce: ja: wigi we' nyangnu" ri dam ayo" tab nghoid da:.

APOEM AYANG: 48:16

«Ngoo ri dam dab zu: azang" sho' khyoid khyu: lo da" moug: lagyoo: gi nyangnu" ri mainkaid byid: baja". Nga" myeing khyang" yo' nga" phoug" phyid" Abraham yo' Isag da" myeing khyang" gi he: zooshang: tang: khyo" xo' geing: jo, baja". Nyangnu" gi zooshang: myoo: sho' amyed ashen myoo: sho' yo" loo goo" baja"» ga: mainkaid byid:.

MATHE 5:37

Re" da" dang: gi «nghoid» ga: lang" gi nghoid bye anghoid ga: lang" gi anghoid baja". Hau: tho' mo jain" tid da" dang: gi hau: age su: yo' dasen: nyid.

PHAJHI" DANG: 9:10

Nang zei: da" moo" zoo" ci moo nghoid loug we' yoem: kaid wigi koid we'. Ciwim gari moovo moug: moo gi moo" zei: zi ajo, wa. Myid yu" zi ajo, wa lasi phajhi" ajo, wa Phajhi" juyhi: ajo, wa. Houg: lho: hau: joyoo gi nang yhe: loo" wa joyoo nghoid da:.

LUKA 22:32

Houg: yoomo Simun e" re" da" loem" jeing" nheigloem: emyid geing: teing wa shid' re" ngoo akyu" mho' byid: bye. Nang doem boin: gyeing: lo da" uri re" mang: nhung" yi ri yoem: doem lung: byid: ca" wa"- ga: tid kyo.

1YOHAN 5:19

Moug: myid gyab, goin" gi hau: akhyeing" su: vhoeb khang" nyid da" akhoug: moo bo jo,- Nghoid loug we' ngoonu" gi Mangsoo yo' sen: mo, nghoid ziri ngoonu" nyang: se' nyid boem.