YOHAN 16:2 - Lacid Common Language Bible

² Nanu" gi Tarha" jung joem mo khaid thu' pyam zi shau" boem lho: Nanu" ri said loo wa hougsu" koid' mo nyangnu" gi Mangso moozoo" voin, vu, khyoo: nyang: nghoid ga: soin: yu wa da" ayo gi ju" loo wa,

YOHAN 16:2 Referans Kwoze

YOHAN 9:22

Hid: su" ga: phoid: kyo" zigi Yuda zoug: myeing" ci: mo, ri gyoug yoomo nghoid. Aseing: ri Meshia nghoid ga: loem" jeing" mo, bain sho' ri Tarha" jung: mo khaid thu' wa ga: Yuda zoug: yi sham: phyid' go" too" bye.

MATHE 10:28

Hau: lho: daja: gi gung shoo" ri za: te: yo" said' pyam' lho: nheigloem: Venyi: ri ayo" said' pyam' mo, ri agyug goo"- gung du: yo" Venyi: ri dalheing: dam- ngarai" mung" moo yo" shoin pyam' su: Mangsoo ri je gyoug nyid ge'.

Pang Shug 6:9

Hau: thang: ri nyangnu" gi wim: loem: ein: da" dazid' ri doem phang kaid' uri Mangso mungdang: ri kho" kyo" yen" ziyo' jhug zug loem" jeung" da" sagsi: ri kham, yoomo said' pyam' shau" mo, da" soobyoo venyi: joem ri hau: xoin" to' da" phoin: gyid" moo ngoo myang.

YOHAN 12:42

Yuda zoug: myeing" ci: mo, myoo" sho' nyang:- Yesu ri loem" jeing" lo boem. Houg: su: nghoid loug we' Pharishe" yi yoomo Tarha" jung mo khaid thu' pyam wa zi gyoug yoomo nyangnu" loem" jeing" da" khyoo: ri bang bang ayhen: yu boem nghoid da.

LUKA 6:22

Byu nya: zoo: yoomo nanu" ri ngheing" lo boem da" uri we' she: lhei" pyam zi shau" boem uri we' nanu" da" myonhoo: ri gyoeb nhang: da" uri nghoid loug- nanu" gi ngi lho bye.

ESAIA 66:5

Nyang: ri gyoug phoug" zi yo' tid dang: tam" gyo: da" bang: nanu" we"- Aseing tid ziri tam" gyoo: we'. «Nanu" ngoo ri jhug zug yoomo nanu" da" byu dayham" gi nanu" ri ngheing" wigi nanu" yo' ci: we' asen: da" khyo" koid loo goo" wa. Nyangnu" gi nanu" ri juang" wigi ‹Nanu" gau yi ziri ngoonu" shau" myang sho' Aseing gi nya: yoem: so' gyi: sheung: ziri ci: shug byid: wigi nanu" ri khyoid yu baja"› ga: tid ago". Nghoid loug we' nyangnu" nyang: ngi: yoem" ago".

1Korinthians 4:13

Ngoonu" ri juang" yi gei sang: zi shau" boem nghoid loug we'- ngei pyo: dang: thui: yo' datid sang: nyid boem- ngoonu" gi akhid" ju" sho'- moug: myid mo boid, shoid' boem yo' subi" she: pyam lhu: sain" to" da"- phoojoid phalhoug: boem te" zi danghoid lo: boem.

ACTS 7:56

Houg: lang" Stephain gi yu" ge' - moug: khung: gi bang" lo" wigi byu da" nya: zoo: gi Mangso da" lo, yo shoid moo yab, jo, ziri ngoo myang kaid' bye- ga: tid.

MATHE 24:9

«Hau: thang: rigi nanu" ri myheig: lho: yooboo foin: dam kaid wigi said pyam wa shid re" byu yi da" lo, moo ab pyam boem wa. Nga" myeing yoomo byu dangain" mo, gi nanu" ri ngheing" loo goo" wa.

YOHAN 9:34

Houg: bang: gi nang gi ung: khoug: mo, yooboo yo" gyi: sheung: loo su: nghoid lho: wigi ngoonu" ri dajhoug" byid: nyid shi" la"» ga: tid boem lho: tarha" jung mo khaid thu' kaid.

ESAIA 65:5

Hau: thang: nyangnu" gi gootu: bang: ri «Ngoonu" yo' vi: vi: nyid we'. Ngoonu" gi gye" gyeung" shang: wigi nanu" age tain"» ga: tid boem. Ngoo gi hougsu" te" da" byumyu" yiri ayo" zeing: kham. Nyangnu" ri thougtheung da" nga" nheig joem: yo: zigi khanham we' ashid: da" myi: yo' du da:.

ACTS 5:33

Tarha" yab, do' phung: mo, gi he: dang: ri shaug" gyoo: lang" gi nheig gye" gyo: yo: boem wigi nyangnu" gi lagyoo: yi ri said pyam' myau" boem abye: go.

YOHAN 4:21

Yesu gi myiyi: zoo: nang we"- nga" dang: ri loem" jeing" we' he: boem tho' moo we' Yerusalem voo moo we' phoo Mangsoo ri anoku lo: da" ayo, gi ju" loo wam bye.

PHILIPI 3:6

Myid' loin" yoem: kaid' khyoo: ri da tid shang ga: rigi ngoo gi phung ri shen" yhen loo su: nghoid- tarha" cang byeung" shoid, khyo" deing byeung" khyoo: ri tid shang ein: rigi ngoo moo ce" yooboo we' adab-

DANIELA 11:33

Hau: byumyu" yi da" phajhi" bo da" vhu" shi: bang: gi nyangnu" phajhi" ri byu myoo: sho' bang: yo' gam yu ri" goo" wa. Nghoid loug we' dayo, zoo: myang" ri nyangnu" mo dayham" gu: ri gyi khaid jang: moo said pyam shoug" wa anghoid lang" myi nghe' pyam zi shoug" wa. Houg: lho: dayham" gu: rigi lhoid zo: zi shau" wigi thung: byu yi bui" nhang: pyam zi shoug" ri" goo" wa.

YOHAN 4:23

Noku loem: khoug: mo, gi Phoo Mangsoo ri Venyi: yoem: vhoo" yo"- deingmain" khyo" noku wa ayo, gi ju" loo wa. Akhid" lang" hid: moo ju" nyid bye. Houg: su" loem" jeing" noku mo, ri Mangsoo vho: ngei nyid.

YOHAN 16:25

He: da" khyoo: joem ri dangtu' ci: lho: ngoo tid bye. Hid: su" dangtu' aci: loo: Phoo Mangso da" khyoo: ri bang" bang tid kyo" loo wa da" ayo, gi ju" loo wa.

YOHAN 16:32

Nanu" gi nyang: nya: yhoem: khyoo: nyang: phang: gang: go" lho:. Ngoo we' ngoo nyang: kyeing" ri nyhed: pyam' khoo' shau" wa da" ayo, gi akhid" lang" ju" loo bye. Nghoidloug we' phoo Mangsoo gi ngoo yo" dage" nyid yoomo ngoo gi ngoo nyang: kyeing" nyid zi anghoid.

TARHA" AGYI 6:30

Hau: thang: nyangnu" gi Yoasha ri «Ngoonu" nyang: ri yo" said pyam wa shid re" re" yuggi zoo: ri hid: khyoo: shu" thu ri" we'. Nyang: gi Bala phoin: yo' hau: anam mo Ashera da" soolhoo: ri zain: khyo' to" da» ga: tid da:.