YOHAN 14:9 - Lacid Common Language Bible

⁹ Yesu gi Philib, we"- ngoo gi nanu" yo" hid: myhang nyid lo ri ngoori nang asi shi" la". Ngoori myang yu su: gi phoo ri we' shau" myang zi nghoid bye. Houg: su" nghoid ri phoo ngoonu" ri toin" shid' we' ein: ci: koid; tid nyid go" lha".

YOHAN 14:9 Referans Kwoze

KOLOSE 1:15

Khristu gi myo, jed" ze ayo" myang da" Mangso ved, voin, su:- ngoonu" myo, jed" ze shau" myang da" phain" so: to" zi yoo dangain" da" atho' moo je" tho' xeig zoo: shid" nyang: nghoid bye.

YOHAN 12:45

Ngoori myang su: gi ngoori za: anghoid. Ngoori nhang: kaid da" Aseing: ri we' myang zi nghoid bye.

YOHAN 14:7

Akhid" nanu" gi ngoori si' bye: yoomo Nga" phoo ri we' si wam: bye. Akhid" mo nyang:- phoo ri nanu" se' lho: myang yu" boem bye: ga: tid.

HEBRE 1:3

Nyang: gi Mangso myo, nhoo: phung" yoeb, ri thoin" pang shug wigi Mangsoo nya: da' gung du: azuang ri void ci: lho: wigi moug: myid yoosoo" yo' moug: khung moug: di bid kyi: lham" moo" dangain" ri nya: da" phung" yoeb, yoem: moo" bo da" mungdang: yo' zung" lhug goem coung: too" bye. Nyang: gi xang: su: byu yi da" youg: noo yooboo ri bain khyoid khyu: ced" yung" ced" lho, yu thang: ri moug: khung: moug: di tho' moo phung" yoeb, yoem: moo" bo Mangsoo da" lo, yo shoid moo zhoung: jo, bye.

YOHAN 10:30

Phoo yo" ngoo gi dagung dashoo" za: nghoid ga: tid.

YOHAN 1:14

Mungdang gi Byu gung bue" lo lho: Jeju" yo" deingmain" khyoo: byeung" zoore"- ngoonu" jang" moo re" nyid bye. Ngoonu" gi nya: da" Phung" yoeb ri yo" myang boem bye. Hau: da" phung" yoeb gi Nya: pho, zooti" zoo: khyo" yo" kham: yu da" myonhoo: phung" yoeb nghoid.

PHILIPI 2:6

Nyang: gi khanham we' Mangso gung yo' joeb byeung" sho' nyid nyid zi nghoid loug we' Mangsoo yo' dakhyoo" ti" nghoid nyid wa shid re" mi, shi, go" khyo" amyid loo: za.

YOHAN 14:20

Ngoo gi phoo yo" dadeing: daloem: za: nghoid ziri we' nanu" gi ngoo yo" dadeing: daloem: za: nghoid ziri we' hau: bidnyid ri nanu" yo" se' boem wa nghoid.

MARKU 9:19

Yesu gi nyangnu" ri loem" jeung" myid, abo da" byumyu" we"- ngoonanu" yo' khamyhang ju" sho' nyid nyid wa lha". Ngoo nanu" ri kha: myhang ju: sho' zeung: kham byid: wa lha".- Hau: yuggi nu" ri nga" jhang shu" ri ge' ga: tid.

LUKA 12:56

Akug void mo we"- nanu" gi mougmyid aved asam" ri yu" lho: mougvoo moug: phang" rigi se' tid boem. He: pyaid moo bue" loo wa da" alhoo: again rigi ciwim wigi asi go" lha".

1Korinthians 15:12

Akhid" Khristu gi shid: jang" mo doem dei to loo bye: khyoo: ngoonu" kho" kyo" nyid uri- shid: byug bye: bang: doem dei to lo khyoo: ajo,- ga: wigi: nanu" mo dayham" gi khasu" gi yo" tid nyid go" lha"

YEREMIA 2:23

Nang gi Bala ri khanham ano' lo yu" ga: nanya: gung ri agyeing" ashang: akoid ein: yo" tid wa la". Langkhung" moo nang yooboo shoid lo ziri yu" yu" we' nang koid lo ziri yu" we' Nang gi amyoug: mho' da" Gola-ug lam" dain" pyoid yoo cang khaid yen" wigi tang" doin yen" ziyo' du da:.

COUNG" NGHEI 11:1

Goem loem byid: wa shid re" ngoo gi Aseing: ri myid loem nyid. Nang ngoo ri soozoo: alheung: loo: tid nyid zigi «Boem khyoo: ngho' yhang: ti" dang: phang: loo" we'. Khasu" wim ga: ri akhyeung" da" byu yigi Nyangnu" da" lid: ri thoung: lho: byu gi yiri moug: coid khoug: moo: beug wa shid re nyangnu" da" myoo: ri yeung to". Hau: jang" moo: aja: ja: byo, yoin" lo" uri byu gi yi dayug we' ci: ayo" koid boem loo:» ga: wigi nang ngoo ri khasu" yo" tid wa lha".

APOEM AYANG: 26:9

Abimeleg gi Isag jhang byu nhang: kaid lho: «Nyang: gi re" da" yhoem: seing: myhi' danghoid da:. Nyang: gi re" da" nhammoo" nghoid ein: ci: yoomo tid lha"» ga: re" tid. Nyang: gi «Nga" yhoem: seing: myhi' nghoid ein: tid nghoid rigi ngoo ri said pyam zi shoug" wa nghoid ein: ngoo jho:» ga: nyang: doem phug tid.

YOHAN 8:19

Houg: bang: gi Re" Phoo khayoo: nyid ga: myid: boem. ‹‹Nanu" gi ngoori we' nga" Phoo ri we' ase' boem. gyeing" nyang: nanu" ngoori se' nghoid rigi nga" phoo ri we' si' goo" zi nghoid ga: doem sho' kyoo.»

1YOHAN 5:20

Mangso nya: zoo: gi ju" re" nyid wigi deingmain" da" Mangsoo ri yo" se' yu wa da" nheigloem:- nyang nyhang" ri byid: too" bye: ziri nyhang se' nyid. Ngoonu" gi nya: zoo: Yesu Khristu yo' dadeing: daloem: za: koid lho: wigi dei nyid boem yoomo deingmain" da" Mangsoo yo' we' dadeing: daloem: za: bue" lho: dei nyid boem. Nyang: gi Mangsoo gyeing" nyang: nghoid nyid ziyo' athang agoin kangso' we' nghoid nyid.