YOHAN 14:19 - Lacid Common Language Bible

¹⁹ Ayo, dajhi' myang" lo" ri he: mougmyid byu yi gi ngoori amyang lo: boem wa. Nghoidloug we' nanu" koem gi myang boem shi" wa. Khasu" wim gari ngoo gi kangso' dei nyid su: nghoid yoomo nanu" we' kangso' shau" dei nyid boem wa.

YOHAN 14:19 Referans Kwoze

YOHAN 16:16

Ayo, dajhi' nghoid lang" gi nanu" ngoori myang loo wa zi anghoid. Hau: thang: ri ayo, dajhi' myang" lang" gi ngoori doem shau" myang goo" wa ga: tid.

HEBRE 7:25

Hougsu" nghoid nyid yoomo-nyhang" gi nyang: ri loem, nghe: khau: lho: Mangso jhang khyoo: yu: tain" vang loo bang: ri-khanham we' khyoid khyu: yu wa da" yoem: moo" bo nyid. Khasu" wim gari" nyang: gi nyangnu" nya: shid re" -Mangso jang" moo mho' tung" bain: byid: wa shid' mo khanham we' dadei nyid.

YOHAN 7:33

Aseing Yesu tid zigi Ngoo gi nanu" yo" daso' za: byam nyid lho: Ngoori nhang: kaid da" Aseing: jhang khyoo: doem loo" wa su: nghoid.

YOHAN 11:25

Aseing Yesu nyang: ri tid zigi Ngoo gi doem dei to'' lo da" khyoo: yo" kangso' nghoid. Ngoori loem" jeing" mo, hang" we' shid: byug bye: nghoid loug we' dadei nyid wa.

1Korinthians 15:45

Jhoem: mungdang: moo: tid to" ziyo' dakhyoo" ti" xang: shid" mo Adam: gi kangso dei da" xangsu: byu khyo" phain" so: too" bye- nghoid loug we' thang: mo da" Adam gi khang: so' dei loo: nhang: da Venyi: nghoid nyid.

YOHAN 16:22

Nanu" moo akhid" uri nheig koug nyid boem nghoid loug we' nanu" yo" ngoo dalheing: doem shau" goo" wa nghoid yoomo nanu" hau: uri gau yi boem wa zi nghoid. Nanu" da" gau yi da" khyoo: ri hang" wigi we ayo" lhoid' yu pyam.

Roma 8:34

Houg: yoomo nyangnu" ri hang" we' yoobo dam yo" byid: wa zi anghoid. Shid: kham: da" zi za anghoid. Shid: jang" mo doem dei to'' lo da" Aseing Yesu Khristu gi Mangso: da lo yo shoid' moo zhoung: jo lho: ngoonu" da" shid' re" bo mho' tung" bain: byid: nyid.

Roma 5:10

ngoonu" gi Mangso: gyivoo nghoid nyid loug we' nya: zoo: ri shid: kham: nhang: khyo" ngoonu" ri bidnoem bui" nhang: bye. Akhid" ngoonu" gi Mangso: da" bidnoem bui" loo bye: yoomo dei nyid da" Khristu khyo" wigi khyoid' yu khyoo: shau" yu wa zi deing bye.

1Korinthians 15:20

Nghoid loug we'- gyeing" nyang: bue" loo bye: khyoo: gi Khirstu gi shid: bye: jang" mo doem dei to' loo nhang: zi shoug" bye- houg: yoomo nyang: gi yhoeb, pyo: loo" mo' mo xang: shid" zei: lo da" ashi" bue" loo bye.

YOHAN 14:6

Aseing Yesu tid zigi khyoo: gi ngoo nghoid- deung main" ziyo' kangso' we' ngoo nghoid. Ngoo moo anghe: khoug: loo: za: hang" we' Nga" phoo jang" moo ayo" ju" loo.

YOHAN 13:33

Nga" zoo: yi we"- ngoo gi nanu" yo daso' date: nyid loo: wa. Nanu" gi ngoori sho: goo" wa. Nghoid loug ngoo yhe: lo" nyid da" khyoo: moo nanu" ayo" cang loo ga: wigi Yuda zoug: myeing" ci: mo, ri kho" kyo" yu" ziyo' dayhangti"- nanu" ri we' akhid" ngoo kho" kyo.

YOHAN 12:35

Yesu phougtu" da" zigi Bid' bang gi nanu" moo daso date: jo, loo- wa. Nanu" ri moug coid alo nghoeb' pyam wa da" shid' re" bidbang jo shi" da" uri so" yen" ge'. Moug coid khoug: moo so" yen" mo gi nyang: nyang: kha: khyoo: so" lo" zi asi nghoid ago".

YOHAN 8:21

Dalheing: riYesu gi ngoo gi thu' loo" wam: bye. Nanu" gi ngoori shoo: boem wa. Nanu" gi nanu" nya: yooboo mo, shid: boem wa. Ngoo lo" da" joyoo moo nanu" ayo" cang loo wa" ga: tid.

YOHAN 6:40

Khasu" wim gari nya: zoo: ri Noku loem: jeing" loo mo, dangain" gi Apyaid' ato: kangso' ri yo" yu wa shid' re" Nga" phoo gi vho: nyid. Ngoo we' houg: bang: ri lo" thang bidnyid moo shid: jang mo doem dei to'' loo nhang: wa zi nghoid.

ACTS 10:41

Yug khang" moo" ri anghoid loo: za: sag si: joem ga: Mangso wigi khyen: yu too" mo ngoonu" ri za: toin" shid' lho: nyang: doem dei, to' lo thang: ri- nyang: yo' dage" zoo: noem shoin" zo: boem bye.

Pang Shug 20:4

Hau: thang: moo zhung: tang joem ri ngoo myang kaid- hau" zhung: tang tho' moo zhoung: jo, mo, gi dang: phyed wa da" amyeing" yem: so' yoo" mo, nghoid nyid boem. Hau" tho' mo gootu: Aseing Yesu da" sagsi: kham, yoomo we' Mangso mungdang: yoomo we' zain: said' zi shau" mo, yo' hau: da" akhyeung" da" goug: nyhoug ri we' nya: da" alhoo: ri we' abo no" mo, yo' nya: da" laxoem" nghab youg ri nyangnu" da" ngeilang: yo' lo, moo abo tab ci: mo, da" soo" byoo joem ri ngoo myang. Nyangnu" gi doem, dei lo boem wigi zain nyid dakhyeing" ju" sho' Khristu yo' dage" vhoeb khang" nyid boem wa zi nghoid.