YOHAN 14:13 - Lacid Common Language Bible

¹³ Nya: zoo: yoomo wigi nya: pho da" myonhoo: ngeilang bang thu' loo baja" ga: Nga" da" myeing ri nghe: khau: lho: nanu" mho' da" zi dangain" ngoo koid; byid: wa.

YOHAN 14:13 Referans Kwoze

YOHAN 15:7

Nanu" gi ngoo yo" dadeing: daloem: za: nyid wigi Nga" da" Mungdang: we' nanu" da" nheigloem: ung: khoug: moo bo jo, nghoid rigi nanu" mho' da" akyu" ci: mho' ci: yo" yu boem wa nghoid.

MARKU 11:24

Hougsu wigi ngoo nanu" loem" jeung" myid yo, daja: ja: mho' ri hau: zi yo" yu wa.

MATHE 21:22

Nanu" gi loem" jeung" da" nheigloem: e" myed yo"- Akyu" mho' nghoid ri mho' ja: dangain" yo" yu boem wa" ga: tid kyo.

MATHE 7:7

«Mho' ge'. houg: lang" nanu" yo" yu goo" wa. Shoo: ge'. houg: lang" nanu" shau" myang goo" wa. Ko' ge' houg: lang" nanu" shid re" khoem" phang byid: wa.

1YOHAN 5:14

Mangsoo gi nyang: myid vho: ziyo' dakhyoo" ti"- ngoonu" mho' da" khyoo: ce: ja: ri we' tam" gyoo: byid: khyoo:- khyag nyang: loem" jeung" boem bye: yoomo ngoonu" gi nya: shid khoin" khyoo: asho' agyug loo: za: yo" vang yhe: lo" boem bye.

YOHAN 16:23

Hau: da" bidnyid ju" lang" nanu" gi ngoori ce: ja: we' mho' aca" loo. Deing" deing nanu" ri ngoo tid da" zigi nanu" mho' da" khyoo: dangain" ri nga" myeing yoo mo phoo Mangsoo gi nanu" ri byid: wam bye.

1YOHAN 3:22

Ngoonu" gi Mangso amyeing" tarha" ri tam" gyo: lho wigi nyang vho ngei da" moozoo" ri zei: nyid boem bye: yoomo ngoonu" mho' nyid da" khyoo: dangain" ri ngoonu" yo" yu boem wa zi nghoid.

YOHAN 15:16

Nanu" gi ngoori khyen: yu zi anghoid ngoo she nanu" rida khyen: yu- nanu gi thu lo" lho: geng teing ashi myoo" sho' zei: wa zi yo"- nga" myeng mo, nanu" mho' moo mho'- phoo nanu" ri byid baja" ngoo nanu" ri nyheung to".

YOHAN 14:14

Nga" da" myeing ri lang: lho: nanu" ce" ja: akyu" ri nghoid loug- mho' ge'. Mho' ziyo' dakhyoo" ti"-- ngoo koid byid: wa nghoid.

YAKU 5:16

Hougsu" nghoid yoomo nanu" gi nyang: cang" nyang:- nyang: nya: da" yooboo ri tid thu toung" pain go" lho: dayug shid re" dayug- akyu" mho' byid: go" nyid ge'. Houg: su" koid lang" nanu" da" noo phyoo" jamjau mo ge yang" zain: loo wa zi nghoid. Deungmain" su: da" akyu" mho' yoid thui: gi yo" bue" loo" nhang: da" yoem: myoo" sho' bo nyid.

PHILIPI 4:13

Ngoori yoem: lung: so' lung: byid: da" Khristu yoomo khyoo: khaid gu: khang" moo" yo" oung; lo" da" yoem: so' ngoo yo" yu nyid.

YAKU 1:5

Nghoid loug we' nanu" mo dayug yug gi Phajhi" juyi: thang byug nghoid rigi Mangso: jang" mo mho' ge' nyang: gi houg: su" mho' mo, ri nyain: phajhi" byid: wa zi nghoid. Khasu" wim gari Mangsoo: gi byu bain sho' mo, rigau ziyo' agoin ayu: da" phajhi" ri byid: nyid.

Ephesu 3:12

Khristu yo' dadeing: daloem: za: yo" bue" lo zoore"- nyang: ri loem" jeung" da" ngoonu" laloem, lakhau: gang mo ngoonu" gi nheig shid: nheig deug ziyo' Mangso da" shid khoin" khyoo: agyug avoem loo: yo" vang nyid boem bye.

YOHAN 16:26

Hau: da" bidnyid ayo, ju" lang" nanu" gi nga" da" myeing ri lang: lho: Akyu" mho' yoid: lo boem wa. Houg: gi ngoo nanu" da" gung thid' mho' byid: wa ein: tid nau zi anghoid.

YOHAN 10:30

Phoo yo" ngoo gi dagung dashoo" za: nghoid ga: tid.

Ephesu 2:18

Tungbau byumyu" yi yo' Yuda byumyu" yi zheung: nghoid da" ngoonu" dangain" bang: gi Khristu da" gung moo hau: venyi daloem: za: yo' Pho, da" shid khoin" khyoo: yo" vang lo" beom bye.

KOLOSE 3:17

Houg: yoomo nanu" ce" moo" thu' nghoid loug we' mung main: khyoo: moo we' moozoo" jid: zo" khyoo: moo we' Aseing Yesu myeing ri lang: lho: dangain" ziri dakoid nyid wigi nya: khoug: khyo" phoo mangsoo ri jeju" daboin: so" nyid ge'.

YOHAN 7:37

Hau: pui" zeing: da" lo" thang ziyo'- yhoug gyen: tang da" bidnyid moo Aseing: Yesu gi yab jo, lho: nyang tid zigi Gyid shed' su: hang" nghoid loug we' nga" jang" mo re" shug yu ge'.

HEBRE 7:25

Hougsu" nghoid nyid yoomo-nyhang" gi nyang: ri loem, nghe: khau: lho: Mangso jhang khyoo: yu: tain" vang loo bang: ri-khanham we' khyoid khyu: yu wa da" yoem: moo" bo nyid. Khasu" wim gari" nyang: gi nyangnu" nya: shid re" -Mangso jang" moo mho' tung" bain: byid: wa shid' mo khanham we' dadei nyid.

YOHAN 14:6

Aseing Yesu tid zigi khyoo: gi ngoo nghoid- deung main" ziyo' kangso' we' ngoo nghoid. Ngoo moo anghe: khoug: loo: za: hang" we' Nga" phoo jang" moo ayo" ju" loo.

YOHAN 12:44

Yesu phougtu" da" zigi ngoori loem" jeing" su: gi ngoori za: anghoid. Ngoori nhang: kaid da" yug ri we' bo loem" jeing" su: nghoid.

LUKA 11:9

Houg: yo' dakhyoo" ti"- nanu" ri ngoo tid zigi Mho' ge' mho' ri yo" wa. Shoo: ge' sho: ri myang wa ko' ge' ko' lang" khoem" ri phang byid: wa.

1PETERU 2:5

Nanu" gi kangso' dei nyid da" lug moo" boem' khyoo" Mangso jang" moo re" lho: Venyi yhoem: moo" zhoug to" jang" moo akyu bo da" lug loem: bue" loo nhang: ge'. hau: da" venyi Noku yhoem: moo" moo nanu" gi Mangsoo vho: ngei da" venyi xoin" ri Yesu Khristu khyo" wigi-xoin" to' byid: da" gyeungshang: khainjung yi bue" loo wa nghoid.

YOHAN 5:19

Houg: yoomo Yesu gi Yuda zoug: yi ri tid zigi Nanu" ri ngoo deing" deing tid ba"- Nya: zoo: gi nya: nheigloem: khyo" ce" moo" we' ayo" zei. Nya: phoo koid; da" moozoo" ri yu" lho: za: dazei:- Nya: phoo cikoid; ziri nya: zoo: we' houg: su" bo koid.

HEBRE 13:15

Houg: su" nghoid yoomo ngoonu" gi nyang: ri ngoonu" da" Aseing: nghoid ein: yhen: yu da' nhoid joem yo' jeju" ri coung" byid: da" ngoonu" xoin" joem ri Aseing Yesu khyo" wigi Mangso jhang khyoo: khanham we' dangei" byid: nyid boem shang.

HEBRE 4:15

Khasu" wim gari ngoonu" da" khainjung agyi moo" gi ngoonu" ca" nyid da" gung nham, yoem: nu: khyoo: ri nheig ase' khyeig su: anghoid- ngoonu" yhang: ti"- khyoo: khaid khang" moo" moo gung" lau" thoung" shau" yu" nghoid loug we' youg: noo yooboo akoid yu" da" khainjung moo" nghoid.

Ephesu 3:14

He: da" khyoo: yoomo moug: khung: moug di mougmyid yooso" tho' moo nyid da" cang: joeb bang: ri myeing khyang" byid: su- phoo Mangso shid khoin" moo ngoo poid thug thoug nyid.

YOHAN 4:14

Nghoidloug we' ngoo byid: wa da" gyid shug mo, hang" we' khanham we' gyid doem shed loo: wa zi anghoid. Hau: ngoo byid: da" gyid shug su: gi nya: da" akhoug: moo gyid bug dalang bue" loo wa. Hau: zigi nya: da" shid' re" Kangso' gyid bue" wigi nyang: ri apyaid ato: kangso' byid: wa zi nghoid.

YOHAN 4:10

Yesu phougtid zigi Mangsoo ci: byid: nyid ziyo'- nang ri shug gyid dagoem mho' nyid su: gi hang" nghoid da" khyoo: ri nang se' nghoid ri koem gi hau: youg jang" mo nang gyid mho' wa zi nghoid. Hau: yug we' nang ri kangso' gyid byid: wa zi nghoid ga: tid.

YOHAN 16:7

Nghoidloug we' nanu" ri ngoo Deing" deung tid nyid da: zigi nanu" shid' re" je ge'. Ngoo alo" nghoid rigi pang" thoug wa su: gi nanu" jhang gyoo" loo wa zi anghoid. Ngoo lo" thang: hau: da" zi: nanu" jhang khyoo: nhang: kaid wa nghoid.

YOHAN 13:31

Yuda thu' loo" khare" thang: ri Aseing: Yesu gi Akhid" byu da" nya: zoo: gi myo, nhoo: ngei: lang: bug thu' sheing" jhu" lo zi shau" bye. Mangsoo we' hau: yug: yoomo myonhoo: bug thu' sheing" jhu" lo zi shau" bye.

1Korinthians 14:13

Hougsu" nghoid yoomo- gooki" lid da" dang: aja: ja: tid nyid su: gi nyang: nyang: tid nyid da" dang: akang: ri se' phoid: kyoo" jeju" yoem: vhoo" yo" yu wa shid re" nyang: akyu" mho' nyid baja".