YOHAN 12:25 - Lacid Common Language Bible

²⁵ Nyang: nya: kangso' ri jheddab mo hang" nghoid loug kangso' soem" wa nyang: nya: kangso' ri ajhed' dab, she: pyam su: hang" nghoid loug we' nya: da" kangso' ri khanham we' yo" zoem: ci: su: nghoid wa.

YOHAN 12:25 Referans Kwoze

MATHE 10:39

Nya: kangso' ri yoo" su: gi kangso' soem" wa. Ngoo yoomo nyang: nya: da" kangso' soem" loo" su: gi kangso' ri yo" yu wa zi nghoid.

LUKA 17:33

Hang" we' nyang: nya: da" kang: ri khyoid yu noug: su: gi kangso' soem" wa. Nyang nya: da" kang: ri soem" loo" nhang su" koem gi Kangso' ri yo" yu wa.

MARKU 8:35

Khasu" wim ga: ri nyang: nya: da" kangso' ri khyoid yu noug su: hang" nghoid lug we' kangso' soem" loo" wa nghoid loug nga" mahtang: mo yo' ngeibu: ludang" yoomo kangso' soem" loo" su: gi nya: kangso' yo" yu wa.

MATHE 16:25

«Nyang nya: da" kangso' ri khyoid yu noug su: gi kangso' soem" wa. Nga" shid re" kangso' soem" loo" su: koem gi kangso' yo" yu wa.

LUKA 14:26

Nga" thang: cang loo nghoid loug we' Nya: myhi' nya: phoo- nya: myi: nya: zoo:- nya: mang: nya: nhung" yi yo"- nyang: nya: gung ri te: je jheddab mo, gi nga" cangzoo: ayo" bui.

Pang Shug 12:11

Ngoonu" da" mang nhung" yi gi yang nu" da" suid" mo we' nyang: nya: kho" kyo" da" deingmain" mungdang: yoomo we' satan: ri oung: pyam' bye. Xo, lho: wigi houg: bang: gi shid: kham jang" moo ju" sho' nyang: nya: da" kang: so' ri vhoo" abyid boem nghoid ago".

MATHE 19:29

Hau: tho' mo gootu: Ngoo yoomo, yhoem: yoo yaboin:- nya: mang: nya: nhung"- nya: myhi' nya: phoo nya: myid nya: zoo:- ri to" pyam khoo su: hang" nghoid loug we' nyang: to" pyam kho' tho' moo dashoo: ki- Akyu" ri je kham: zoo: wa. Hau: tho' moo apyaid ato: kangso' we yo" yu wa zi nghoid.

ACTS 20:24

Nghoid loug we' nga" kang: so' ri ngoo ce: vhoo" abyid- ngoo gi deung jo" da" moo" ri zei: pain wa ziyo' - Aseing Yesu wigi ngoori byid: to" da" moozoo" nghoid da- Mangso nheing khyeug khyoo: ludang: gi ri tid fu" kyo" da" moozoo" ri kyoeb, sho' zei: wa da" khyoo: riza: kang: lung bu nyid.

PHAJHI" DANG: 2:17

Houg: yoomo byu kangso' gyung: khyoo: gi nga" shid re" ce: dang: kang: athu. Ciwim gari hau: ayo, mo ja: khang" moo" gi ngoo ri yau: khi" mo lid: wigi ce: daja: we' aci: ri" byid: nghoid da:. Dangain" gi akoem: nyang: nghoid da:. Ngoo gi lid ri dalhung khaid nhung:.

ACTS 21:13

Nghoid loug we' polu gi nanu" cenoem wim wigi hid: su" ngau, lho: ngoori shoo" byo, nhang: go" lha". Ngoo gi Aseing Yesu gang mo Yerusalem voomoo" moo tei" zi shau" wa shid re" za: we' anghoid- shid: wa zi lang" gi jen" jen" nghoid bye"- ga: phoug tu.

HEBRE 11:35

Myi: yi yi we' loem" jeung" ziyo' shid: byug bye: ngoonu" da" bidnoem yi ri doem, dei to'' loo nhang: khyoo: ri doem, yo" yu boem bye. Byu dayham" gi nyangnu" ri lhoid pyoin kaid wa ga: da" amyeing" akhang" ri atam" gyoo: loo: za: je" ge, thang da" kangso' dei khyoo: khyoo: dei to'' lho: yo" vang loo" wa shid re" shen" yhen khyoo: kham' zo: lho: shid: lo" boem bye.