YOHAN 10:16 - Lacid Common Language Bible

¹⁶ He: da" yang khyam: moo abo da" yang- gootu: we' ngoo yoo" shi" Hau: yang joem ri we' nga" yang khyam: khoug: moo shu" vang loo ca" shi. Nyangnu" gi nga" thui: ri tam" gyoo: goo" wa houg: yoomo yang Phung: daphung: za: yang zung" su: dayug za: bue" loo wa nghoid.

YOHAN 10:16 Referans Kwoze

ESAIA 56:8

Nya: byumyu" yiri pyoung" she: lo" jang" mo yhoem: khyoo: shu" loo su: Myhang: thang Aseing gi houg: bang: yo' xo' tei" wa shid re" nyang: gi byumyu" gootu: ri we' shu" loo wa» ga: da" khyoo: ri dangsoo" byid: to" da:.

1PETERU 2:25

Ngoonu" gi Yesu da" dam noo joem mo-noo ge lo boem bye. Khasu" wim ga: ri nanu" gi yang joem yhang: ti"- khyoo: vhang: vhang: lo" byug boem bye- nghoid loug we' akhid" koem gi hau" yang lhug zoug: moo" yo' nanu" da" kang so' ri zung" byid: su: jhang: khyoo:- cang loo" wa shid' re" doem shu" lo zi shau" bye.

YOHAN 11:52

He: zigi nyangnu" shid' re" za anghoid byo sain" nyid da" Mangso byumyu" yi bain sho' ri dadeing: daloem: za: bue" loo wa shid' re" we' nghoid nyid.

EZEKIEL 34:23

Nyangnu" da" dayug kyeing" da" yang zung" su: bui" wa shid re" nga" dei zoo: David yo' du da" khokham dayug ngoo nyangnu" ri byid: wa. Houg: lho: nyang: gi nyangnu" ri yu" goin coung: loo wa.

EZEKIEL 37:24

Nga" da" dei zoo: David yhang: ti" da" khokham dayug gi nyangnu" da" khokham nghoid loo wa. Nyangnu" dangain" bang: gi vhoebkhang" zoug: dayug akhoug: moo zeing: foem: nyid lho: nga" da" tarha" joem ri jhug zug tung" tam" gyo: cang yhe: loo goo" wa.

YOHAN 6:37

Phoo Mangsoo ngoori ab byid: to" da" byu dangain" gi Nga" jang" moo ju" loo wa. Nga" jang" moo ju" loo mo, ri ngoo she: lhei" pyam wa zi anghoid.

YOHAN 10:27

Nga" da" yang joem gi nga" da" dang: thui: ri tam" gyo: boem. Ngoo we' nyangnu" ri se' lho: nyangnu" we' nga" thang: moo cang ago".

YOHAN 10:11

Ngoo gi ge da" yang zung" su: nghoid. ge da" yang zung" su: gi yang joem shid' re" nya: kangso' dain, pyam nyid.

Pang Shug 3:20

Yu" we' ngoo gi khoem" duang: moo yab, jo, lho: khoem" ko' nyid. nga" da" thui: ri shau" gyo: lho: khoem" ri phang byid: su: da" yhoem: khoug: khyoo:- ngoo vang lo" lho: nyang: yo' dage" zo: shug wa nyang: we' ngoo yo' dage" shau" zo: shug nyid wa.

1PETERU 2:10

Mangsoo seung: ci: da" byumyu" yi nghoid bye. Nanu" gi xang: shed" ri Mangso da" byumyu" anghoid- akhid" koem gi Mangso da" byumyu" nghoid bye- xang: shed" ri nanu" gi nheig khyeug zi shau" mo, anghoid- nghoid loug we' akhid" koem gi nanu" nheig khyeug zi shau" boem bye.

2 THESALONI 2:13

Aseung: da" jheddab mang nhung" yi we"- nanu" yoomo ngoonu" gi Mangso da" jeju" ri khanham we' yo" coung" nghei nyid baja"- Khasu" wim gari mangsoo: gi ngoonu ri gyeungshang: da" byu yi bue" loo nhang: da" venyi yoem: so' khyo" we'-deing main" khyoo: ri loem" jeung da" nanu" laloem lakhoug: we' xang: shed" mo, khyoid yu shau" bang: khyo" wigi nanu' ri khyen: yu bye.

MATHE 17:5

Petru houg: su" ga: dang: da tid nyid shi" uri gye bang da" jhoem: phyu: thei" daloem: gi nyangnu" da" tho' moo ju" gyoo" lho: hau: jhoem: phyu: thei" khoug: mo da" thui: gi «He: yug gi ngoo jheddab da" nga" zoo: nghoid. Nyang: ri ngoo gye vho: ngei su: nghoid. Nya: da" dang: ri tam" gyoo: ge"» ga: da" thui: myeing thu' lo.

COUNG" NGHEI 86:9

Nang phain" so: to" da" byumyu" dangain" mo, gi re" jang" moo: re" lho: poid thoug lo boem wa nghoid. Nyangnu" gi re" da" nghoid thang khyoo: ri coung" byid: lo boem wa zi nghoid.

ACTS 22:14

Anania tid zigi nang gi ngoonu" phoug" phyid" yi Mangsoo nyang: vho: da" khyoo: ri si' wa shid re" we' Mangso da" deingmain" da" deizoo: ri shau" myang wa shid re" we' Mangsoo gi nang ri khyen: yu bye.

ACTS 18:10

Nang ri hang" we' ce: dam we' ayo" tab wa He: voogung moo ngoori loem" jeung" loo wa mo, myoo" sho' nyid boem ago- ga: tid.

ACTS 15:14

Mangsoo gi tungbau byumyu" yi mo dayham" ri nya: byumyu" bue" loo nhang: wa shid mo khyen: yu to" khyo" wigi tungboug nyang: goin, coung: da" khyoo: xang: shed" mo wigi khasu" toin" shid' bye: da" khyoo: ri Simun gi sho' kyo" abye:.

ZEKHARIA 2:11

Hau: da" bidnyid ri byumyu" myoo" sho' bang: gi Aseing ri loem khoug: lo boem wigi nya: mung" byu yi bue" lo boem wa nghoid lho: ngoo gi nanu" akhoug: moo nyid wa nghoid. Nyang: yoem: moo" bo Aseing gi ngoo ri nanu" jhang khyoo: nhang: kaid su: nghoid ziri nanu" se' lo boem wa nghoid.

HOSEA 1:10

Israela byumyu" yigi panglai: mo midcoo: yhang: ti" atho' nghab- atho' leig loo: sho' myo: loo goo" wa. Akhid" Mangsoo gi nyangnu" ri «Nanu" gi nga" byumyu" anghoid» ga: tid. Nghoid loug we' danyid" nyid" rigi «Nanu" gi Dei nyid da" Mangso nya: zoo: yi nghoid» ga: tid wa bidnyid ju" loo wa.

EZEKIEL 37:22

Ngoo gi nyangnu" ri Israela boem joem atho' hau: mougmyid moo byumyu" damyu" za: shoin" pyam wa. Houg: lho: nyangnu" gi nyangnu" ri vhoeb wa khokham dayug za: yoo" goo" wa. Houg: lho: nyangnu" gi byumyu" eig ja: khyo" akho' loo: goo" wa. Khokham mungdain: eig loem: khyo" we' abyo, gang: loo goo" wa.

ESAIA 52:10

Aseing gi nya: gyeung" shang: yoem: so' ri ci: wa. Nyang: gi nya: byu yiri khyoid yu wigi Mougmyid byu xangsu: dangain" gi hau: ziri myang boem wa.

ESAIA 49:6

Aseing gi ngoo ri «Nga" dei zoo: we"- re" shid re" je gyi: da moo" nga" jang" moo jo,. Nyid deing nyid da" Israela byumyu" yi gyi: sheung: wa shid re" nang ri nyhid: too" wa zi za: anghoid. Mougmyid dangain" khyoid yu zi shoug" wa shid re" ngoo gi nang ri byumyu" yi da" bidbang ri we' bui" nhang: wa» ga: tid da:.

ESAIA 43:6

Ngoo gi mougzhung: we"- houg: bang: ri nhang: kaid byid: we'. Mougpyi: we"- houg: bang: ri atoem' too" ein: tid wa. Nga" byu yiri ve: da" mungdain joem mo mougmyid khyi khang" moo" mo thu loo nhang: wa.

PHAJHI" DANG: 12:11

Phajhi" boo bang: da" jhau" shid dang: joem gi yang joem ri yu" coung: wa shid re" yang zung" su: ci: da" lhamdung: coin: joem yo' du ago". Houg: lho: khyu: zheing" to" da" phajhi' dang: zhoem joem gi teing sho' baid zhug to" da" joto' tin" zei: joem yo' du ago". Houg: joem gi ngoonu" da" dayug kyeing" nghoid da" yang zung" su: Mangso wigi byid: to" zi nghoid da:.

APOEM AYANG: 49:10

Yuda gi khokham lhamdung: ri ci: su: nghoid. Houg: lho: nya: amyed ashen gi ajang" davhoeb khang" nyid wa bye:. Byumyu" yigi nyang: ri kheing" di" byid: wigi Nya: shidkhoin" moo tam" gyo: vhu" nghuid" nghuid" boem wa bye:.

HEBRE 13:20

Nya: kangso' ri xoin" to' pyam' lho: shid: kham: ziyo' apyaid atoo: moo dang: theing go" to" da' dazig ri thung" bye: yoomo Yang phung: yi da" yang lhug zoug: moo" ein: da" ngoonu" da" Aseing Yesu ri Mangsoo gi shid: jang" mo doem dei to' loo nhang: bye. Nanu" gi nyang: myid vho: khyoo: ri yo" cang dei: loo" wa shid mo nanu" moo ca" nyid da" khyoo: khaid khang" moo" ri-ngei pyo: Aseing: Mangsoo gi nanu" ri joeb, byeung" loo nhang: baja"- Aseing: gi nyang: myid vho: ziyo' dakhyoo" ti"- Khristu da" gang mo nanu" ri joeb, byeung" loo nhang: loo nhang: bye. Yesu Khristu moo myonhoo: phung" yoeb, gi apyaid atoo: dajo, jo, baja" o".

YOHAN 10:2

Khoem" duang: khyo" vang loo su: koem gi yang zung" su: nghoid.

ESAIA 11:10

David khokham kung mo khokham aseig gi byumyu" yi da" asoo" bui" wa ayo, ju" re" nyid bye:. Nyangnu" gi nya: khokham voomoo" moo zeing: foem: nyid wigi nyang: ri ngi: shab byid: loo goo" wa.

1PETERU 5:4

Yang lhug zoug: moo" thu' myhang lo da' bidnyid moo nanu" gi myonhoo: phung: yoeb, bug thu' sheing" jhu" ziyo' khanham we' ashoem: apyang: lo: da" bidmug ri shau" yu boem wa zi nghoid.

EZEKIEL 34:6

Houg: yoomo nga" da" yang joem gi myhang: da" bouggung joem yo' boem joem khyoo: nyid: lam" lo" ago". Nyangnu" gi mougmyid gyab khyoo: nyid sain" lo" lho: nyangnu" ri hang" wigi we' acang shoo:- nyangnu" ri shoo: wa shid re" hang" yoem: akaid nghoid da:.

EZEKIEL 34:12

Hau: zigi yang zung" su: gi so" lam" sain" lo" da" nya: yang joem ri yu" coung: wigi dage" doem zheing" yu yhang: ti" nghoid wa. Hau: moug: coid wigi byo, yoin da" bidnyid mo ngoo gi nyangnu" ri nyangnu" nyid sain" lo" da" joyoo dangain" mo doem shu" tau" yu wa.

YOHAN 10:3

Yang zung" su: nghoid rigi khoem" zung" su: we' khoem" lhoem: phang byid: se' nyid. Yang joem we' nya: thui: ri se' gyo. Nyang: gi yang joem ri myeing yu khe: lho: yang khyam: mo, shu" thu' lo.

YOHAN 10:4

Nyang: gi yang joem ri shu" vhu" thu' lo" uri yang joem da" shid' khyoo: shu" vhu" she: yhe: lo. Yang joem we' nya: thui: ri se' gyoo: yoomo thang: moo bo cang lo" boem.

YOHAN 10:5

Yang joem gi byu being" thang: moo gi cang lo" boem wa zi anghoid. Byu being" da" thui: rigi ase' gyoo: yoomo nya: jang" mo gi phang: sain" loo" goo" wa zi nghoid.

YOHAN 17:20

Ngoo gi nyangnu" da" shid' re" za: Akyu" mho' nyid zi anghoid. Nyangnu" kho" kyoo" yoomo ngoori loem" jeing" loo mo, shid' re" we' akyu" mho' nyid.

Roma 11:25

Mang: nhung" yi we" - nanu" gi nyang: nya: da" gungdu: ri gye se' nheig bo ein: amyid wa shid' re" ngoo gi Mangsoo: zau" yhoem" to" da" no thang da" khyoo: yi ri nanu" ri tid khoo" nau. Hau: zau" yhoem" to" da no thang da" khyoo: gi Hidsu" nghoid. Yuda byumyu" yi gi khanham we' u" loem' thain: nyid wa zi anghoid. Khyoid' yu khyoo: ri shau" wa da: nghizain' byumyu" yi bainsho' Mangso: byu yi bue" lo da" yo ju" sho' za nghoid.

LUKA 15:8

Hau: lho: ri myiyi: zoo: dayug gi nya: ngei den" ga" daxi: kyab mo dakyab byug lo" ri nyang: khasu" koid wa lha". Nyang gi myi: kug thoin lho: yhoem: goin" jid" jid" jhoin: zoo: jhoin: zeing moo amyang ri myang sho' shoem" sho: yu" wa nghoid.