Biblia Todo Logo
Bib sou entènèt

- Piblisite -




YOHAN 1:38 - Lacid Common Language Bible

38 Aseing Yesu gi thang: khyoo: lheing: yu" kaid ri houg: bang: cang lo ziri myang lang" ‹‹Nanu" ce: noem sho: yen" go" ga: wigi myid. Houg: bang: gi ‹‹Rabai we" nang khamoo nyid la"»ga: myid: boem. (Rabai ga: da" dangkang: gi sara: we" ga: tid nau zi nghoid.)

Gade chapit la Kopi




YOHAN 1:38
30 Referans Kwoze  

Houg: yoomo Aseing Yesu gi nanu" hang" ri shoo: go" ga: doem myid. Houg: bang: we' ‹‹Nazared mo Yesu›› ri sho: ga: doem tid boem.


Nyang: gi myen" damyen ri Yesu jhang khyoo: re" lho: Rabai we"- Nang gi Mangsoo nhang: kaid da" Sara: dayug nghoid ziri ngoonu" se' khasu" wim gari nang koid; shug da" mau" pho" moozoo" gi Mangsoo za: abo ri hang" we' ayo" koid; zi nghoid ga: wigi tid.


Houg: lang" Nathanela gi Sara: we" nang gi ‹‹Mangso da" nya: zoo: nghoid Israela byumyu" yi da" khokham" nghoid.» ga: wigi Nathanela phougtu.


Nga" dang: ri tam" gyo: ziyo' nga" khoem" duang: moo: nyid" khang" moo" nyid nyid wigi nga" yhoem: khoug: moo: vang lo da" khoem" duang: moo: dalang" nyid su: gi ngilhoo' wa nghoid.


Ngoo gi Aseing ri daja: mho' bye:- ngoo vho: zigi daja: kyeing" za: nghoid. Aseing da" yhoem: moo: dapyaid goin" shoug" nyid lho: nya: da" ge khyoo: ri hougmoo: myid fang wigi nyang: khyoo: shed yu wa ziri: mho' nyid.


Aseing Yesu gi nyang: thoung" shau" wa da" moozoo" dangain" ri si' gu nghoid yoomo houg: bang: jhang khyoo: jhen" yhe: lho. Nanu" hang" ri shoo: go" ga: yhe: myid.


Gyid thoem" thei: tab' moo Aseing Yesu ri myang boem lang" gi Byu phung: moo" yi gi Sara: moo" we"- nang gi hid: tab' moo khanham jure" lha"» ga: myid: boem.


Houg: yoomo nyangnu" gi Yohan jang" moo yhe: lho: ‹‹Sara: we"- Yodan gyidlang bid thu' tab' moo Sara: moo" jhang jure" yu" bye: da" byu- nang lhoung tid nyid da" su: ri aboin: la". Akhid" nyang: gi Babtisma ri cang kham: byid yen"- byu myoo" sho' we nya: jang" moo zeing: re" nyid ago"» ga: re" tid.


Hougsu" wigi nang ngoori khi: nhang: kaid' da" uri ngoo gi ci" we' ahi: loo: za: cang ri" bye- Houg: yoomo nang ngoori khi: nhang: kaid' da" khyoo: ri akhid" tid kyoo" we' - ga: tid.


Nyangnu" gi (Galile moug mo Besaida voo byu ) Philib jhang khyoo: yhe: lho: wigi Sara: we"- ngoonu" gi Aseing Yesu ri myang: nau- ga: yhe: tid boem.


Yesu gi hau: joyoo moo ju" lo" da" uri nyang: yu" kaid lho: «Zake we"- myab gyoo" loo we' akhid" nyid" re" yhoem: moo ngoo theing: wa» ga: tid.


Houg: yoomo Petru gi gyoo" lo wigi nyangnu" ri nanu" sho: nyid su: gi ngoo nghoid-nanu" cikoid ju" ri" go" ga: myed.


Aseing: gi Peteru ri lheing: yu" kaid. Houg: lang" Peteru gi naakhoomyen gyo, atoin: shi" ri nang gi ngoori asi ga: soem" lheing: ngeig pyam wa ga: tid to" da" Yesu dang: ri myid: boin: lo


Houg: lang" nyang: gi to' lho: nya: pho, jhang khyoo: doem tau" loo" bye. Yhoem: mo vi moo daloo" shi" ri nya: phoo myang kaid lho: nyang: ri nheig yu" khyeig yoomo yhe: gei gab' po: yu lho: boobug boug.


Byu phung: moo" joem gi Yesu yo" dage" cang lo boem. Yesu gi nyangnu" ri bain lheing: yu" lho: tid zigi


Matha moo nya: no, Mari ga: da" myiyi: zoo: dayug bo. Nyang: gi Aseing: da" khyid: yang: moo nyang: jhoug" byid: khyoo: ri tam" gyo: zhoung: jo.


Hau: yu joem phang: thu' loo" su: gi Yesu ri ngoo nang yo" dage" so" yen" nau" ga: mho' nyid.


Phajhi" boo su: yo' zoem" khau: nyid we' houg: lang" nang phajhi" bo loo wa nghoid. Nghoid loug we' ko" fang: da" byu yo' nang bidnoem koid nghoid rigi nang byo, yoin" lo" zi shoug" wa nghoid.


Hau: da" phajhi" ri si' bang: gi ngei pyo: boem wa phajhi" juyhi: gi nyangnu" ri kangso' dei nyid nhang: wa nghoid.


Rutha koem gi «Nang ri too" kho' lho: re" jang" moo acang loo wa khyo" ngoo ri ajhoin" nyid. Nang ju" da" joyoo khyi' khang" moo" moo ngoo cang ju" loo wa. Re" byumyu" gi nga" byumyu" nghoid. Re" Mangsoo gi nga" Mangsoo nghoid baja".


Re" yhoem: seing: myhi' yigi gye" gam ge nyid da:. Re" nam moo khanham we' nyid da" re" dei zoo: yi yo' re" phajhi" dang: ri shoug" gyoo: wa da" akhang" yoo" bang gi gye" gam ge nyid da:.


Nghoid loug we' O" Aseing we"- nang gi apyaid atoo: mo khokham nghoid nyid. Houg: yoomo yo, boin: thang sho' nang vhoebkhang" nyid wa zi nghoid.


Cangzoo: eig yug gi hau: dang: khoin" ri shaug" gyoo: lang" Yesu da" thang: moo cang lo" ago".


Yesu gi hid: moo re" yu" ge" ga: phougtu. (hau: ayo gi myenthang: myid nayi: koo nghoid bye.) Houg: lang" nyangnu" gi nya: thang: cang yhe: ri nyang: nyid joyoo yhe: zheing: myang boem lho: nyangnu" gi Yohan yo' danyid" goin" nyid koin ago".


He: da" uri cangzoo: yi gi ‹‹Sara: we" zoo: noem shi" zoo: we' ga: zheung: sang: boem.»


Swiv nou:

Piblisite


Piblisite