YOELA 3:9 - Lacid Common Language Bible

⁹ Byumyu" yi da" mo, phung: gung moo hidsu" tid fu" kyoo" byid: we'. Gyi khaid meing: zain: wa soin' ge'. Nanu" da" sarhi' gyizoo: yiri khe: kaid ge'. Re" gyizoo: yi dangain" ri khe: zheung" lho: meing: zain: wa to' yhe: loo" ge'.

YOELA 3:9 Referans Kwoze

EZEKIEL 38:7

Jen" jen" soin' to" wa shid re" yo' nya: da" gyizoo: phung: joem ri we' nyang: amyeing" byid: ri tid kyoo" we'.

YEREMIA 31:10

Aseing tid zigi «Byumyu" yi we"- nga" dang: ri tam" gyoo: ge'. Nga" mungdang: joem ri gyid yam mo zi ve: da" joyoo khyoo: tid fu" kaid ge'. Nga" byumyu" yiri ngoo nyhid: sain" kaid bye:- nghoid loug we' ngoo nyangnu" ri doem zheing" yu wa. Houg: lho: yang zung" su: gi nya: yang kyung ri goem loem byid: yhang: ti" nyangnu" ri ngoo goem loem byid: wa.

MIKHA 3:5

Nga" byumyu" yigi ngei byid: mo, rigi myenjham" khyoo: yoo" wa ga: dangsoo" byid: da" lapi: yi wigi mhau' jhoem" zi shau" ago". Nghoid loug we' ngei abyid: mo, rigi gyi khyo" kyug nhain' ago". He: lapi: yiri Aseing tid zigi

YEREMIA 50:2

Hau: zigi «Byumyu" yiri lu dang: tid kyoo" we'. Hau: ziri tid fu" we'. Avoid alhoo: ri byid: wigi lu dang: joem ri tid fu" we'. Hau: ziri azau" too" goo". Babelon gi gyoeb gyo" byug abye:. Nya: da" yu phara" Madug gi gyoeb mhoin' byug bye:. Babelon yu phara" soolhoo: joem gi sho' phu" nyid. Nya: aco' ajhoid da" soolhoo: joem gi baid khyoeb mhoin' pyam zi shau" abye:.

ESAIA 34:1

Byumyu" dangain" bang: we"- loo ge'. lheing khoem re" foem: nyid wigi tam" gyoo: ge'. Mougmyid gyab goin" yo' houg moo nyid da" bang: yugkhang" moo" hid khyoo: re" wigi tam" gyoo: ge'.

COUNG" NGHEI 96:10

«Aseing gi khokham nghoid. Mougmyid ri geing: geing: teing teing nyang: phain" so: to" wigi hau: zigi loeb dei nyid zi anghoid. Nyang: gi byumyu" yiri deingmain" khyoo: yo' dang: phyed byid: wa zi nghoid» ein: wigi byumyu" yi dangain" bang: ri tid kyoo" we'.

YEREMIA 6:4

Nyangnu" tid zigi «Yerusalem ri khaid zain: wa shid re" soin' ci: ge'. jen" jen" koid ge' bid gung tu: ri ngoonu" khaid zain: wa» ga: tid ago". Nghoid loug we' hau: thang: nyangnu" gi «Bid gyoem bye:- akhid" nyid" gu: atham: lid: byug bye:- myen" thang: zoo" ri bidvang jham" lo" nyid bye:.

YEREMIA 51:11

Aseing gi Media khokham yiri lhu: zhuang" kaid abye:. Ciwim gari nyang: gi Babelon ri phyo' shoin' pyam wa soin' to" da:. He: zigi nya: Noku Yhoem: Moo" ri phyo' shoin' pyam gang mo nyang: latoo: phug zi nghoid. Gyi khaid nyid da" gyizoug: joem gi «Nanu" myoo: ri coin: ge'. Nanu" goo joem ri jen" jen" koid ge'.

YEREMIA 51:27

«Gyi khaid wa avoid asoo" byid: ge'. Byumyu" yi shoug" gyoo: wa shid re" laboo" ri moid ge'. Babelon ri gyi koid wa shid re" byumyu" yiri nyheing soin' ge'. Ararad- Minni yo' Ahkeneza mungdain: khokham yiri gyi khaid zain: wa tid ge'. Gyi zain: jang" moo vhu" shi: wa gyizoug: dayug ri khyen: soin' too" ge'. Jhenkhyeug joem yhang: ti" myang: joem ri she: loo ge'.

EZEKIEL 38:17

Nang gi ju" loo wa ayo, gu: moo Israela ri khaid zain: wa shid re" byu dayug ri ngoo shu" loo byid: wa ein: nga" dei zoo:- yi Israela da" lapi: yi khyo" wigi ngoo tid fu" da" uri goonham' ngoo lhung tid nyid su: gi nang nyang: nghoid abye:. Yoem: moo" bo Aseing tid too" bye:.

HAGI 2:7

Byumyu" yi dangain" ri tu: mhug khyo' pyam lho: nyangnu" da" jonu" dangain" gi hid: moo ci: ju" lo boem wigi Noku Yhoem: Moo" moo byeung" shoin: loo" wa zi nghoid nyid.

ZEKHARIA 14:2

Aseing gi byumyu" yi dangain" ri Yerusalem voomoo" ri zain: wa shid re" khe: zheing" loo wa nghoid. Voomoo" rigi nyangnu" yo" zain: yu pyam lho: yhoem: joem ri we' phyo' pyam' boem wigi myiyi: yiri we' rue" pyam' boem wa nghoid. Vookhoug: mo mung" byu agung dayi" rigi myheug she: lo" lho: agung dayi" rigi teung too" khare" boem wa.

ZEKHARIA 14:3

Hau: thang: ri Aseing gi shid phyang" nyang: meing: zain: lo yu" bye: yhang: ti" nyangnu" ri shu" thu lo" lho: hau: byumyu" yiri zain: loo wa zi nghoid.