YOELA 3:7 - Lacid Common Language Bible

⁷ Akhid" ngoo gi nanu" wigi nyangnu" ri ung" byid: kaid da" moug: joem mo nyangnu" ri doem shu" tau" loo wa zi nghoid. Nanu" gi nyangnu" ri koid ziyo' dayhang: ti" nanu" ri we' ngoo hougsu" doem koid wa nghoid.

YOELA 3:7 Referans Kwoze

YEREMIA 23:8

Hau: gungthid nyangnu" gi Israela byumyu" yiri mougzhung: shoid mungdain: yo' ngo wigi nyangnu" ri nyhid: sain" to" da" mungdain: gootu: dangain" mo shu" thu loo su: kangso' dei da" Mangsoo khyo" ngoo ri jham' tang: loo goo" wa. Houg: lang" nyangnu" gi nyangnu" mungdain: moo yo" nyid loo goo" wa» ga: tid da:.

2 THESALONI 1:6

Mangsoo gi tarha" dain: khyoo: ri koid wa zi nghoid yoomo nanu" ri kyi" khyeug jam jau shau" nhang: mo, da" atho' moo kyi" khyeug jam jau doem toug" byid: wa zi nghoid.

YEREMIA 30:16

Nghoid loug we' akhid"- nanu" ri ngaid zoo: bang: dangain" ngaid zo: zi shoug" wa. Nanu" da" gyivoo yigi thung: byu yi khyo" myheig yu pyam zi shau" boem goo" wa. Nanu" ri zeig zoo: bang: dangain" gi zeig zo: zi shau" boem wa. Nanu" ri lhoid zoo: bang: dangain" gi lhoid zo: zi shau" boem wa.

YEREMIA 30:10

Nga" byumyu" yi we"- agyug goo"- Israela byumyu" yi we"- agyug goo"- adain goo". Ngoo gi nanu" ri hau: ve: da" mungdain: mo nanu" thung: byu bue" nyid boem da" mungdain: mo nanu" ri khyoid yu wa. Nanu" yhoem: khyoo: tau" lo wigi ngei pyoo: yug yoo tung" shoug" nyid loo goo" wa. Nanu" goem loem khyoo: shoug" yu wigi hang" dayug we' nanu" ri kyug nhain' wa zi anghoid.

Pang Shug 19:2

Nyang: dang: phyed khyoo: gi deingmain" ziyo' nyeung veung" nyid. Mougmyid gyab, goin" ri nya: aved, avhu: khyoo: yo' shoid vhang: nhang: da" shava myhi, ri nya: yoobo dam, kaid' bye- nya: da" dei zoo: yi ri hau" myi: ye: wigi said' pyam' yoomo Mangsoo gi nyang: ri yoobo dam, kaid' abye:,, ga: tid nyid ziri ngoo shau" gyo.

Pang Shug 16:6

Houg: bang: gi gyeungshang: Mangso byu yi yo' nya: lapi: yi da" suid" ri foid shoin: pyam' byid: boem bye: yoomo Nang gi nyangnu" ri suid" doem shug nhang: bye- houg: gi nyangnu" kham, moin: da" dam nghoid bye:- ga: tid nyid ziri ngoo shau" gyo.

Pang Shug 13:10

Myheug zi shau" wa su: gi gyeing" nyang: myheug zi shau" wa nghoid- sham: yo' said' pyam' zi shau" wa su: gi gyeing" nyang: sham: moo shid: wa zi nghoid. Hid: moo Mangso byu yi shoid khyo" kham, zeung: ziyo' loem" jeung" khyoo: geung: teung jo, nyid ca".

YAKU 2:13

Khasu" wim gari Mangsoo gi nheig ase' khyeig su: ri nheig akhyeig loo: za: dang: phyed' byid: loo wa zi nghoid. Nghoid loug we' nheig khyeig shoo" myen: khyoo: gi tahra" dang: phyed' khyo: tho' moo yoem: je bo.

MATHE 7:2

Khasu" wim gari Nangnu" nyang: yooboo byid: khyo" cang wigi nanu" ri we' yooboo byid: dang: kho' zi shau" goo" wa. Nanu" nyang: leig byid: kaid da" tang mo nanu" nyang: ri doem leig byid: wa.

YOELA 3:4

Turu- Sidon yo' Philisti mung" byu yi dangain" bang: we"- nanu" gi ngoo ri ce: noem koid wa ein: soin' go" lha". Nanu" gi daja: ja: gungthid- ngoo ri latoo: phug wa ein: soin' go" la". Hougsu" koid wa nghoid rigi nanu" ri we' ngoo wigi myab, myab, latoo: phug loo wa nghoid.

EZEKIEL 38:8

Zain nyid myoo" sho' lid: lo" thang: ri hau: byumyu" yi mungdain: myoo" sho' mo, shu" pyoung" yu lho: dage" nyid nyid da" joyoo- byumyu" yi gyipui" ri agyug ca" lo da" mungdain: daloem: ri yhe: jhen" vang seing: yu wa shid re" nyang: ri ngoo amyeing" byid: wa. Nyang: gi jham" coug: youg gye" myang" sho' she: pyam too" nghoid loug we' akhid" byu yi yug yoo tung" nyid boem da" Israela boem joem ri yhe: jhen" vang seing: yu loo wa.

EZEKIEL 36:24

Ngoo gi nanu" ri byumyu" ja: khang" moo" yo' mungdain: khyi' khang" moo" moo shu" yu lho: nanu" nya: moug: khyoo: shu" tau" loo wa.

YEREMIA 32:37

Ngoo nheig yo: wigi nyangnu" ri ngoo nyhid: sain" to" da" mungdain: dangain" mo byu yiri ngoo zheing" yu wa. Nyangnu" ri ngoo he: joyoo khyoo: doem shu" tau" yu wigi hid moo: gau: gau: za: nyangnu" ri nyid nhang: wa.

YEREMIA 31:8

Nyangnu" gi nyangnu" ri mougzhung: shoid mo shu" lo wigi moug: thang myid thang mo nyangnu" ri ngoo zheing" yu wa. Myo, jed khyid: gyoug: bang:- zoo: voin bang: yo' zoo: khu: wa jhang bang: gi Nyangnu" yo' dage" ju" lo loo goo" wa. Nyangnu" gi byumyu" zeing khyo" doem lo boem goo" wa.

ESAIA 49:12

Nga" byu yigi moug: vi: mo we' mougzhung: yo' bidvang shoid mo we' mougpyi: shoid mo Asvan mo we' re" lo boem goo" wa.

ESAIA 11:12

Aseing gi nyid byo: sain" jo, da" Israela yo' Yuda byumyu" yiri dalheing: doem zheing" yu nyid khyoo: ri byumyu" yiri ci: shug byid: wa shid re" aved asoo" dung khoin: ri tu: to' loo wa. Houg: lho: mougmyid myonhoo: myid: shoid goin" mo nyangnu" ri doem shu" tau" yu loo goo" wa.

ESTHA 7:10

Houg: yoomo Haman ri nyang: wigi Modekhai shid re" ga: zhug to" da" byu said pyang" zeing moo: cu" lang" said pyam ago". Hau: thang: ri khokham phoo gi nheig yoo: gyo" byug da:.

1 SAMUELA 15:33

Samuela gi «Re" sham: gi myhi' zeing yi myoo: sho' ri zooshang: ze" phug nhang: yhang: ti"- re" myhi' ri we' zooshang: sho: phyug nhang: wa zi nghoid bye:» ga: wigi tid. Hau: thang: nyang: gi Gilgala mo xoin" to' jang: ayam moo Agag ri adu du zain: ceing said pyam bye:.

TARHA" AGYI 1:7

Adonibezeg gi «Khyid: moo" cam" lo, moo" cam" joem ri phyed pyam byid: shau" boem da" khokham nyhed xi: yug gi nga" zoobui" gyid" mo zooshoin: ri cang koid: zo: ago". Akhid" Mangsoo gi ngoo nyangnu" ri koid lo khyo" ngoo ri we' koid abye:» ga: tid da:. Nyang: gi Yerusalem khyoo: shu" loo" shau" wigi houg: moo shid: byug bye:.

ESAIA 66:6

Tam" gyoo: ge'. voomoo" mo thui: zeing- Noku Yhoem: Moo" mo thui: gi Aseing nya: gyivoo ri yooboo dam byid: nyid da" thui: nghoid da: o".

ZEKHARIA 9:13

Yuda rigi gyizoo: pho lo, lid: yo' dakhyoo" ti" Israela rigi myoo: khaid joem yo' dakhyoo" ti" ngoo ci: wa nghoid. Ziun rigi shamcoin" yo' akhyoo" ti" ci: lho: Greek byumyu" yiri gyi zain: wa» ga: tid.