YOELA 3:16 - Lacid Common Language Bible

¹⁶ Aseing gi Ziun boem tho' mo thui: zeing yo' nyho: kaid wigi Yerusalem mo nya: thui: moo" wim kaid lang" mougkhung: myidjang gi nain" loo wa nghoid loug we' Aseing gi nya: byumyu" yiri goem loem byid: wa.

YOELA 3:16 Referans Kwoze

AMO 1:2

Amo tid zigi «Aseing gi Ziun mo wigi thui: zeing yo' yoid nyid. Nya: thui: gi Yerusalem mo thu lo da:. Mhain" nu" yoo gi kyoug lo" lho: Kharmela boem tho' moo vufu" yoo we' yhau" loo" khari" bye:.

HAGI 2:6

Kha: myhang anghoid ri ngoo gi mougkhung: yo' myidjang ri Nammugdara yo' bouggung ri lang: nhoid kaid wa nghoid.

YEREMIA 16:19

Aseing we"- nang gi ngoo ri goem loem byid: su: yoem vhoo" byid: su: nghoid. Nang gi ngoo ri yau: khi" shau" da" ayo, gu: moo pang" thoug byid: da:. Byumyu" yigi moug: thang: myid thang: mo zi re" jhang re" wigi hid su" ga: tid loo goo" wa. «Ngoonu" da" phoug" phyid" yigi yu phara" mo jain" wigi ci we' ajo, ce: akyu" abo da" soolhoo: joem mo lid: wigi ci we' ayoo" nghoid ago".

ESAIA 42:13

Aseing gi gyi khaid sarhi dayug yhang: ti" gyikhaid wa thu lo" da:. nyang: gi gyi khaid pui" shid re" jen" jen" nghoid wigi gau gau yi yi nghoid nyid da:. Nyang: gi meing: zain: wa mho' yoid- gyi khaid jang: moo nyho: nyid da:. Nyang: gi nya: gyivoo yiri nya: yoem so' ci: shug byid: da:.

DANG: ZHOEM 18:10

Aseing gi geung: teung da" gyipyu, zung nghoid- Hougmoo: deingmain" mo, yo' yhe: lho: goug: nyu: tung" yo" khau: nyid ago".

EZEKIEL 38:19

Ngoo gi nga" nheigloem: lung wigi hau: bidnyid moo Israela mung" moo myid leug leug nhang: wa.

ESAIA 51:16

Mougkhung: ri ngoo pyo: nghoeb wigi mougmyid da" apoem: ayang: ri zhug to" da:. Ngoo gi Yerusalem ri «Nang gi nga" byumyu" nghoid. Nga" jhau" shid khyoo: ngoo nang ri byid: too" bye:. Houg: lho: nga" lo, wigi ngoo nang ri goem loem byid: bye:» ein: zi nghoid.

COUNG" NGHEI 61:3

Khasu" wim gari nang gi ngoo ri lhoug zung" su: yo' gyivoo joem ri lhoem: yo" thougtheung su:- nga" da" geung: teung theung shang" joyoo nghoid nyid.

Pang Shug 16:18

Houg: lang" gi lhab, myeug zi moug: goem: goem: da" thui: joem yo' thui: moo" zeing myeung thu' lo ziyo' gyoug pho" da" myid' leig zeing we' leug thu' loo bye. Byu phain" shed" da" bidnyid mo wigi houg: yhi' gyeing" gyi: da" myid' leig zeing gi khanham we' aleug yu" shi".

COUNG" NGHEI 18:2

Aseing gi nga" goem coung: lhoug zung" su- nyang: gi ngoo loem ge" geung: da" gyidab, nghoid. Nga" da" Mangsoo gi ngoo ri lhoug zung" goem coung: khyoo: yoomo nyang: moo: ngoo myen tab, gau: nyu: nyid. Nyang: gi goo, yhang: ti" ngoo ri gooloo goem byid: nyid. Nyang: gi nga" gyivoo joem ri ve, pyam byid: lho: ngoo ri goug: nyu: tung" nyid nhang: to".

ESAIA 33:16

Houg: lang" nanu" goem loem shoug" wa. Nanu" gi teing da" gyidab moo nyid bang: yhang: ti" goem loem shoug" goo" wa. Nanu" gi zoo: noem yo' shug gyid yo" loo goo" wa.

COUNG" NGHEI 29:11

Aseing gi nya: byuphung: yiri geung" teing nhang: to" lho: Nyangnu" ri myenjham" ngei pyo: ziyo' mainkaid byid: nyid.

1 SAMUELA 15:29

Israela byumyu" yi da" myhang: thang Mangsoo gi mhau' zi anghoid. Nya: myid thid wa zi anghoid. Nyang: gi xangsu: byu dayug anghoid. Nya: myid thid wa zi anghoid» ga: wigi tid da:.

Pang Shug 11:19

Hau: thang: ri moug: khung: tho' moo noku yhoem: moo" gi khoem" bang" loo" khari" yoomo houg: moo jo, da" Dang: Theing Kuid: ri ngoo myang. hau: thang: rilhab, myeug lo wigi moug: goem: goem: da" thui: zeing myeung lo ziyo' myid leig we' leug lo lho: leig voo khyo, moug: moo" vo, da" zi houg: moo bue" loo bye.

Pang Shug 11:13

Hau: thang: daso' ri nyang:-myid leig zeing leug lo wigi voomoo" zeing gi xi: boem mo daboem gu: byo, yoin" lo" lho: byu nyhed khyeing" gi said' pyam zi shau" boem bye. deug nyid mo gi gyoug dain' boem wigi moug: khung" Mangso gyi: thang phung" yoeb, ri coung" nghei nyid boem.

HEBRE 12:26

Hau: ayo, moo Mangso da" thui: gi mougmyid' ri mhoin' kaid' pyam bye- Nghoid loug we' akhid" gi mougmyid yoosoo" ri za: we' anghoid loo- " moug: khung" moug: di ri we' ngoo dalheing: nhoin, kaid' bye, ga: wigi dang: soo" byid: to.

ZEKHARIA 10:12

Ngoo gi nga" byumyu" yiri yoem: gyi: loo nhang: wa. Hougsu" nyangnu" gi ngoo ri coung" pid lho: nga" dang: ri tam" gyo: wigi cang lo boem wa zi nghoid». Aseing tid too" bye:.

AMO 3:8

Khang khyi myeung kaid ri agyug mo, hang" boo wa la". Myhang: thang Aseing tid kaid lang" nya: mungdang: atid fu" kaid loo: za: hang" yo" nyid wa la".

HOSEA 11:10

Ngoo gi nyangnu" gyivoo yiri khangkhyi yo' dayhang: ti" myeing lang" nga" byumyu" yigi nga" thang: cang lo loo goo" wa. Nyangnu" gi bidvang shoid khyo" zi nga" jhang" khyoo: hain: hain: phang: re" loo goo" wa.

ZEKHARIA 10:6

«Ngoo gi Yuda byumyu" yiri yoem: bo jo, nhang: wa nghoid. Israela byumyu" yiri khyoid yu wa. Ngoo gi nyangnu" ri nheig khyeug yoomo nyangnu" dangain" ri yhoem: khyoo: doem shu" tau" yu wa zi nghoid. Nyangnu" gi ngo wigi khanham we' angeug pyam' yu" da" mo, yo' dakhyoo" ti" nghoid wa. Ngoo gi nyangnu" da" Aseing Mangsoo nghoid- nyangnu" da" akyu" mho' thui: joem ri tam" gyoo: byid: nyid wa zi nghoid.

ESAIA 33:21

Aseing gi nya: phung" yoeb ngoonu" ri ci: shug byid: wa. Ngoonu" gi dam da" gyid gyung: moo" yo' gyid zoo: gyung: ayam moo shoug" nyid loo wa. Nghoid loug we' gyi khaid da" lhid joem gi hau: adang moo agu: ri" goo” wa.

YEREMIA 17:17

Ngoo ri agyug dain nhang:. Yau: khi" ju" uri nang gi nga" goem loem jo, yo nghoid da:.

NAHUM 1:7

Aseing gi ge zi nghoid. Nyang: gi nya: byumyu" yi yau: khi" zi shoug" nyid da" uri goem loem byid: nyid. Nya: jhang khyoo: lheung: loo mo, ri nyang: gi yu" goin yu" coung: nyid.

HAGI 2:7

Byumyu" yi dangain" ri tu: mhug khyo' pyam lho: nyangnu" da" jonu" dangain" gi hid: moo ci: ju" lo boem wigi Noku Yhoem: Moo" moo byeung" shoin: loo" wa zi nghoid nyid.

ZEKHARIA 9:12

Nheig byu joyoo yoo" mo, ri oung: lo" gyidab moo doem tau" loo ge' nanu" da" goem loem joyoo khyoo: doem tau" loo ge' akhid" nyid" nanu" ri ngoo tid kyoo" wa Ngoo gi nanu" da" sho" jhen: yau: khi" tho' moo eig zhang agyid asoo: doem xab byid: wa nghoid.