YOELA 2:9 - Lacid Common Language Bible

⁹ Nyangnu" gi voomoo" joem khyoo: khaid vang yhe: lho: vang khyam: joem ri rhue, vang yhe: lo" ago". Yhoem: joem da" atho' khyoo: do, lo" wigi khoug" mo, yo' dakhyoo" ti"- bang: zo: khoem" khyo" vang yhe: lo" ago".

YOELA 2:9 Referans Kwoze

YEREMIA 9:21

Shid: khyoo: gi ngoonu" yhoem:- bangzoo: khoem" joem khyo" vang lo wigi Ngoonu" da" khokham kho" joem khyoo: vang loo bye:. Hau: zigi fu" moo" khyoo: moo nyid da" zooshang: yiri yo' Kid" jang: moo nyid da" zoolu: yiri said pyam bye:.

YOHAN 10:1

Aseing Yesu gi Deing" deing nanu" ri ngoo tid ba- yang khyam: khoug: khyoo: khoem" duang: khyo" avang loo loo: za: goo" khyo" do, rhoid vang loo su: gi khoug" su: yo" khyangtoug: danghoid.

THU' LO" MOUGSOUG" 10:6

Hau: joem gi re" khokham kho" joem moo we' re" gyizoug: dangain" bang: yhoem: joem moo we' re" byumyu" yi dangain" bang: yhoem: joem moo we' byeung" shoin: loo" wa zi nghoid. Hau: joem gi nanu" phoug" phyid" yi myang yu" da" tho' je xo: loo wa.›» ga: tid. Hau: thang: Moshe lheing: thu lo" byug bye:.

YOELA 2:8

Nyang: cang" nyang: khyoo: ri we' alhoid soo" nghoid ago". Nyangnu" gi kyam to" jang" khyo" phung: goin" goin" cang vang yhe: lho: nyangnu" rigi ce" ze we' ayo" toem' too" nghoid ago".

THU' LO" MOUGSOUG" 10:14

Hau: jhenkhyeug joem dang: vang lo lho: mungdain: goin" adang moo lo no: nyid ago". Hau: joem gi gye" myo: wigi houg yhang: ti" da: jhenkhyeug phung: ri shid ri we' amyang yu" thang: ri we' myang yu" zi anghoid.