YOELA 2:2 - Lacid Common Language Bible

² Hau: bidnyid gi moug: doeb lho: no, seing" kyid: ziyo' moug: coid lo wigi jhoemmoug" nheung: da" bidnyid nghoid. Boem tho' moo moug: coid nghoeb lo yhang: ti"- jhenkhyeug phung: moo" zeing dang: ju" loo bye:- houg: te" zigi khanham we' abue" yu" shi"- he: thang: nab we' khanham we' doem bue" loo wa zi anghoid.

YOELA 2:2 Referans Kwoze

YOELA 1:6

Jhenkhyeug gyi daphung: gi ngoonu" da" mougmyid ri lo zain: yu boem bye:- houg: bang: gi yoem: bo lho: atho' nghab, loo: sho' myo: ago". Nyangnu" da" zei joem gi khangkhyi zei yhang: ti" tho' ago".

YOELA 2:5

Boem tho' moo nyangnu" tang" ju" lo" ri gyi myang: rheing" yhang: ti" myeung ago". Myo, yoo moo myi: nge" yhang: ti" pyug pyug ga: myeung nyid. Nyangnu" gi gyi khaid wa jen" nyid da" gyidab moo" daloem: yhang: ti" jen so" lo" ago".

YOELA 2:25

Jhenkhyeug phung: joem wigi nanu" da" shivoo: zoo: joem ri zo: pyam byid: da" zain nyid khoug: moo nanu" mo byug yoin" lo" gu: ri ngoo doem tau" byid: wa nghoid. Nanu" ri thougtheung gyi zain: da" he" gyiphung: ri nanu" jhang khyoo: nhang: kaid su: gi ngoo nghoid.

YOELA 2:31

Aseing da" gye" gyoug dain pho" bidnyid aju" loo shi" uri bid moo" gi teing: no, lo" byug wigi lhammoo" we' suid" su" ne lo" byug wa nghoid.

DANIELA 12:1

Zin: yung" pain" byimi void ci: da" moug: lagyoo: tid zigi «Hau: ayo, moo re" byumyu" yiri lhoug zung" da" moug: lagyoo: moo" Mikhaela gi nyid thu loo wa. Hau: thang: hau: zigi yau: khi" ayo, nghoid wigi byumyu" yi xang: shi" nyid re" da" ayo, mo zi akhid" ju" sho' moo yau: thang nghoid wa. Hau: ayo, ju" lo ri Mangso da" mougsoug" pug moo myeing lhid" to" da" re" byumyu" yi dangain" gi khyoid yu zi shau" boem goo" wa.

ESAIA 8:22

anghoid lang" myidgung khyoo: zhug yu" loo goo" wa. Nghoid loug we' nyangnu" gi yau: khi"- moug: coid yo' nyangnu" ri khaid thu pyam da" gyoug pho" moug: coid mo lid gootu: ci: ri we' ashau" myang goo" wa.

ESAIA 5:30

Hau: bidnyid ju" lho: panglai: myeing thui: yhi' gyi: da" thui: yhang: ti" Israela ri nyangnu" kyi: nyho: loo goo" wa. He: mungdain: ri yu" ge'. Moug: coid jo, ziyo' nheigloem: thang pho" zi nghoid da:. Moug: bo" ri moug: coid wigi myhau: pyam zi shau" abye:.

YUDA 1:13

Nyang: nu" gi gye" thain: da" panglai being: mhoid' yhang: ti" du nyid wigi nyangnu" koid da" asho, ashid: moozoo" we' panglai gyid nyoeb, yang: ti" thu' nyid. Nyang: nu" gi akhyoo" acang da" kyimeing: lam" kyi: joem yo' we' du nyid nyangnu" shid' re" Mangsoo gi apyaid' ato: joyoo daloem: ri no, athang da" moug: coid' khoug: moo nyheung too" bye.

HEBRE 12:18

Nanu" gi Israela byumyu" yi yhang: ti" - lo, yo' nyang: shau" zei: yu" da" myi: nge" nyid teing: yo' no, da" moug: coid khoug: moo ug moo" lid' moo" hau, nyid da"

MARKU 13:19

Khasu" wim ga: ri Mangsoo phain" to" da" moug myid jo, shid" jang" mo akhid" nyid" ju" sho' abue" yu" shi" ziyo' thang" phyang" kha" nham we' abue" yu" loo wa da" yaukhe" kyi" khyeug khyoo: gi hau: bidnyid gyoo: moo bue" thu loo wam bye.

AMO 4:13

Mangsoo gi boem joem ri koid to" lho: lid joem ri phain" so: too" su: nghoid. Nyang: gi nyang: myid soin' to" khyoo: ri xangsu: byu yiri si' nhang: da:. Nyang: gi nyid" khyoug ri myen" bue" loo nhang: da:. nyang: gi myidjang tho' moo myhang: thang khyo" so" lid: lo" da:. Myhang: thang Aseing Mangsoo ga: zigi nya: myeing nghoid nyid.

DANIELA 9:12

Nang gi ngoonu" ri yo' ngoonu" da" vhoebkhang" bang: ri koid wa ga: tid to" ziri koid bye:. Nang gi mougmyid tho' mo voomoo" goo" loem: tho' je wigi dam xoo: sho' Yerusalem ri yooboo dam byid: abye:.

YEREMIA 13:16

Moug: coid zi aci: ri" shi" ri boem joem moo nanu" khyid: vhu" athung" shi" ri Nyang: gi nanu" myid lang" nyid da" bidbang ri no, seing" kyid: akoid pyam shi" uri Nanu" da" Aseing Mangsoo ri ngi: shab byid: we'.

COUNG" NGHEI 97:2

Jhoemmoug" joem yo' moug: coid gi nyang: ri lheung khoem to". Nyang: gi deingmain" ziyo' deingmain" khyo" vhoebkhang" nyid.

COUNG" NGHEI 10:6

«Ngoo gi khanham we' joem: loo" wa zi anghoid- ngoo gi khanham we' gyoug dain' zi shoug" wa anghoid» ga: wigi: nyang: gung nyang: tid go" nyid.

TARHA" TID POIN" 32:7

Goonham' gooco' bue" loo bye: da" ayo, mo ziri myid yu" ge'. Bue" lid loo" bye: ziri nanu" da" nya: phoo yiri myid: yu" ge'. Lid loo bye: ayo, mo khyoo: ri tid kyoo" wa shid re" phoug" mang: yiri myid: ge'.

THU' LO" MOUGSOUG" 20:21

Nghoid loug we' byumyu" yigi vi: moo xo' wigi yab jo, wigi Moshe gi Mangsoo nyid da" jhoemmoug" no, nam khyoo: do, loo" khare" da:.

THU' LO" MOUGSOUG" 10:14

Hau: jhenkhyeug joem dang: vang lo lho: mungdain: goin" adang moo lo no: nyid ago". Hau: joem gi gye" myo: wigi houg yhang: ti" da: jhenkhyeug phung: ri shid ri we' amyang yu" thang: ri we' myang yu" zi anghoid.

THU' LO" MOUGSOUG" 10:6

Hau: joem gi re" khokham kho" joem moo we' re" gyizoug: dangain" bang: yhoem: joem moo we' re" byumyu" yi dangain" bang: yhoem: joem moo we' byeung" shoin: loo" wa zi nghoid. Hau: joem gi nanu" phoug" phyid" yi myang yu" da" tho' je xo: loo wa.›» ga: tid. Hau: thang: Moshe lheing: thu lo" byug bye:.

MATHE 24:21

Khasu" wim gari hau: da" bidnyid moo gye" gyi: da" sho" jhen yau: khe" da" bidnyid ju" loo wa. Houg: yhi' gyeing" da" koug shu: yau khe" da" bidnyid gi Moug thu' xang: poin: mo he: gu: moo byu xangsu: yi khanham we' athoung" shau" yu shi" da" jam joug nghoid. Thang: phyang" khanham we' shau" yu" lo: boem wa anghoid.

Pang Shug 9:2

Hau: kyi: gino, athang da" duang: khuang" ri phang kaid uri myi khoug" gi myikhyoem, moo" zeing mo thu lo da" myikhoug" yhang: te" da" zi hau: duang: khuang" khoug: mo neung" thu' lo nyid Hau: myikhoug" zoo" yoomo bid yo' moug: laid moug: khung: gi ceug yo' no, loo" khari" bye.

NGOUG JI: 1:12

Nyang: gi nya: anam khyo" so" lid: lo" da" yugkhang" moo" ri «Ngoo ri yu" yu" ge'. Nga" noodam yhang: te" zigi khanham hang" we' ashau" yu" shi" goo" wa. Aseing nheig joem: yo: da" bidnyid moo: ci: loo byid: da" dam noo nghoid» ga: lhoem: yoid ngau kyo" nyid.

EZEKIEL 32:7

Ngoo nang ri phyo' shoin' pyam uri mougkhung: ri nghoeb to" lho: kyi: joem ri jhoid soid pyam wa. Bid gi jhoemmoug" thei" joem nungthang moo goug" jo, wigi lhammoo" gi bidbang ri abyid: loo: wa.

EZEKIEL 34:12

Hau: zigi yang zung" su: gi so" lam" sain" lo" da" nya: yang joem ri yu" coung: wigi dage" doem zheing" yu yhang: ti" nghoid wa. Hau: moug: coid wigi byo, yoin da" bidnyid mo ngoo gi nyangnu" ri nyangnu" nyid sain" lo" da" joyoo dangain" mo doem shu" tau" yu wa.

EZEKIEL 38:9

Nyang: yo' nya: gyidab gi byumyu" myoo" sho' yo' dage" uglid yhang: ti" khaid zain: lo wigi jhoemmoug" pung yhang: ti" hau: mougmyid ri nghoeb pyam loo wa ga: tid da:.

YEREMIA 13:6

Hau: thang: dayo, zoo: kyo: thang: ri Aseing gi ngoo ri Uphrad gyid lang khyoo: doem yhe: nhang: lho: hau: phyid" cu" ri yhe: yu nhang: da:.

YOELA 3:4

Turu- Sidon yo' Philisti mung" byu yi dangain" bang: we"- nanu" gi ngoo ri ce: noem koid wa ein: soin' go" lha". Nanu" gi daja: ja: gungthid- ngoo ri latoo: phug wa ein: soin' go" la". Hougsu" koid wa nghoid rigi nanu" ri we' ngoo wigi myab, myab, latoo: phug loo wa nghoid.

ZEPHANI 1:7

Aseing dang: phyed wa da" bidnyid gi ju" lo nyid bye:- houg: yoomo nya: shidkhoin" moo sam: zoo: nyid we'. Xoin" said ngei" yhang: ti" Aseing gi nya: byumyu" yiri said ngei" byid: wa zi soin' nyid wigi Yuda mung" ri zain: loo wa da" gyivoo joem ri khe: zheung" too" bye:.

ZEKHARIA 14:6

Hau: ayo, ju" loo lang" ngam" khyoo: aboo- nghain: khi' we' agyoo"-