YOELA 2:12 - Lacid Common Language Bible

¹² Aseing tid zigi «Akhid" nghoid loug we' nheigloem: gyeing" thid lho: zoo: shug jang" pyam wigi ngoug byid gyo" lho: koug ngau ziyo' nga" jhang khyoo: doem tau" loo we'.

YOELA 2:12 Referans Kwoze

HOSEA 12:6

Houg: yoomo akhid" Yaku da" amyed ashen" yi we"- nanu" da" Mangsoo ri loem khau: lho: nya: jhang" khyoo: lheing: tau" loo we'. Jhug zug lho: deingmain" nyid we'. Houg: lho: nanu" da" Mangso moo" zei: wa ziri nheigloem: sheing: sheing: to" lho: lang" nyid we'.

YEREMIA 4:1

Aseing tid zigi «Israela byumyu" yi we"- nanu" lheing: loo nhau boem nghoid ri nga" jhang lheing: tau" phang: loo we'. Nanu" gi ngoo ri jhug zug wigi ngoo ngheing" da" yu phara" soolhoo: joem ri yu pyam boem nghoid rigi

HOSEA 6:1

Byumyu" yigi «Aseing jang" khyoo: doem tau" lo" boem shang. Nyang: gi ngoonu" ri dam tab bye:. Nghoid loug we' nyang: gi ngoonu" ri gyeing" nyang: yo" ze: gi byid: wa. Nyang: gi ngoonu" ri dam joem: tab abye:. Nghoid loug we' nyang: gi ngoonu" da" dam joid ri pain" cu' thoeb byid: loo wa anghoid rhe".

1 SAMUELA 7:6

Hougsu" nghoid yoomo nyangnu" dangain" mo, gi Mizpa joyoo moo zeung: foem: nyid boem ago". Gyid dajhi' ri we' nyangnu" kham: yu lho: Aseing ri xoin" to' khyo" wigi pyi: khyo' pyam ziyo' danyid" goin" zoo: noem zeung: nyid boem ago". Nyangnu" gi «Nyangnu" da" Aseing ri shoid bye: o"» ga: toungbain: nyid ago". He: zigi Mizpa joyoo moo Israela byumyu" yiri Samuela gi tarha" tid byid: da" khyoo: nghoid nyid da

1 SAMUELA 7:3

Samuela gi Israela byumyu" yiri nanu" da" Aseing jhang khyoo: nanu" da" ung: khoug: nheigloem: dangain" yo' lheung: lo boem nghoid rigi tungbau yu phara" soolhoo: dangain" ziyo' yu phara" myhi' Astarte da" soolhoo: dangain" ziri she: pyam ca" boem wa zi nghoid. Nanu" nya: gung hau: Aseing ri bain sho' shugbyid: to" wigi nyang: ri kyeing" za: noku loem khau: nyid boem nghoid rigi nyang: nanu" ri Philisti byumyu" yi da" lo, mo khyoid yu wa zi nghoid.

ACTS 26:20

Ngoo gi xang: shed" ri Damasku voogung moo Yerusalem voomoo" moo hau: thang: ri yuda mung" goin" jang" moo we' tungbau byumyu" yi ri we' nyangnu" da" yooboo mo nheigloem:" thed' lo boem wigi Mangso shoid khyoo: lheung: loo ca"- houg: su" nyangnu" nheigloem: thid' bye"- ga: ziri lo, moo" khyo" - aved, asam" yo' zei: shug khyo" toin" shid' ca- ein: ngoo cang kho" kyoo" bye.

HOSEA 14:1

Israela byumyu" yi we" nanu" Aseing Mangso jhang khyoo: doem tau" loo ge'. Nanu" yooboo gi nanu" ri khyid: vhu" thung" wigi lheing nhang: bye:.

TARHA" AGYI 20:26

Hau: thang: Israela byumyu" yi dangain" Bethela khyoo: do, yhe: boem wigi yhe: koug ngau ago". Nyangnu" gi hau: joyoo Aseing shidkhoin" moo myen" thang: ju" sho' azoo: ashug loo: nyid boem ago". Nyangnu" gi Aseing shidkhoin" moo zoem" khau: da" xoin" yo' dayham" gi gung goin" nghe' ngei" xoin" khyo" xoin" to' byid: ago".

ZEKHARIA 7:3

Khainjung bi" yo' lapi: yiri «Aseing yhoem: moo" byo, yoin" loo" yoomo lid: lo da" myoo" sho' zain mo zoo: noem zeing: yhang: ti" akhid" ju" lo wim: khyab' moo zoo: noem zeing: shi" wa la" ein: yhe: myid: ge'» ga: nhang: kaid.

ESAIA 22:12

Gyi sheing: myhang: thang Aseing gi hau ayo, moo koug ngau wa. Nanu" xam: ri ko' byid: wigi jid: moo" byimi void wa shid re" nanu" ri khe: nyid da:.

ZEKHARIA 7:5

Nyang: tid zigi «mungdain: mo mung" byu yi dangain" yo' khainjung yiri hidsu" ein: tid kyoo" we' lid: loo" bye: nyhed xi: zain- khau: moo lhammoo" 5 khyab yo' 7 khyab moo zoo: noem zeung: lho: ngoug khyang" fang" nyid zigi ngoo ri phoug" tab ngi: byid: khyoo: anghoid.

ESTHA 4:16

«Susa mo Yuda byu dangain" ri yhe: khe: zheing" too" we'. Zooshug jang" lho: nga" shid re" akyu" mho' byid: we'. Soem" nyid" soem" myen goin' ci: we' azoo: ashug goo". Nga" dei zoo: myiyi: nu" yi yo' ngoo we' hougsu" koid boem wa. Hau: thang: tarha" ri thougtheung zi bui" sho' nghoid loug we' khokham pho jhang ngoo yhi: wa. Hidsu" koid yoomo ngoo shid: ca" nghoid rigi ngoo shid: kham wa» ga: tid da:.

ESAIA 58:4

Nanu" da" zoo: shug jang" zigi nanu" ri lu: fu: nhang: da:. Nanu" myeing" myo: wigi byo, go" zi nghoid da:. Hid: yhang: te" da" zo: shug jang" zigi nanu" akyu" mho' dang: joem ri ngoo ri tam" gyoo: nhang: loo wa ein: nanu" jhoo: go" rhe".

YEREMIA 4:2

Nanu" gi nga" da" myeing lang: wigi jham' tang: zigi jo boem wa. Houg: lang" byumyu" dangain" bang: gi nyangnu" ri mainkaid byid: wa shid re" ngoo ri tid loo goo" wa. Houg: lho: nyangnu" gi ngoo ri coung" loo goo" wa» ga: tid da:.

EZEKIEL 33:11

Ngoo yoem: moo" bo Aseing gi deing deing dei nyid ziyo' dayhang: ti"- yooboo yoo" bang: shid: lo" ziri ayu" gau ein: ziri nyangnu" ri tid kyoo" we'. Nyangnu" gi yooboo shoid ziri theing: pyam lho: kangso' dei nyid ziri ngoo je myid vho: da:. Israela we"- nang koid nyid da" akhyeing" moo" ri theing: pyam we'. Nang ciwim yoomo shid: nau la"

DANIELA 9:3

Houg: lho: ngoo gi zoo: noem jang"- jid: moo" byimi void pyam lho: myiyab boem" moo zhung: jo zoo" re Aseing Mangso jhang nheigloem: nyhoem: khyo' lho: myid boo tung" akyu" mho' nyid.

MALAKHI 1:9

Khainjung yi we"- Mangsoo gi nyhang" ri jeju" byid: wa shid re" nanu" gi nyang: ri mho' nghoid loug we'-nyang: tam" gyoo: byid: wa zi anghoid. Hau: zigi nanu" da" shoid khyoo: za: danghoid wa.

THU' LO" MOUGSOUG" 33:5

Aseing gi Moshe khyo" wigi amyeing" byid: lho: nyangnu" ri «Nanu" gi nheigloem: thain: da" byumyu" yi nghoid. Ngoo nanu" jhang daso' zoo: re" nghoid rigi nanu" ri jhoid said pyam zi thung" shoug" wa myang. Akhid" nanu" sheing: zi khyoid pyam ge'. Nanu" ri khasu" koid wa zi ngoo dang: phyed wa» ga: tid.

TARHA" AGYI 2:4

Moug: lagyoo: he: dang: ri bain tid lang" Israela byu yi dangain" kyi: ngau ago".

2 SAMUELA 24:10

Nghoid loug we' David gi byu zhayhen" ri bain koid: thang: ri nya: emyed moo akhyi" akhyoid bue" lo ziyo' nyang: gi Aseing ri «Ngoo gi he: moo" zoo" ri koid lho: gyoug pho" da" yooboo ri shoid bye:. Jeju" mo yooboo ri khyoid pyam byid: we'. Ngoo gi koodoug: moo" zoo" ri koid bye: nhung:» ga: tid.

2 KHOKHAM MHOOMYID: 6:27

O" Aseing we"- mougkhung: mo wigi nyangnu" ri tam" gyoo: byid: lho: re" dei zoo: Israela byu yi da" yooboo joem ri khyoid pyam byid: wigi jo, zi nghoid wa shid re" nyangnu" ri jhau" byid: la. Hau: thang: O" Aseing we"- nang wigi re" byumyu" yiri geing: teing da" moug: khyo" byid: to" da" he: re" da" mougmyid moo moug: voo nhang: la.

2 KHOKHAM MHOOMYID: 30:6

Lagyoo: yigi khokham yo' nya: gyizoug: yi da" amyeing" ri ci: wigi Yuda mung" dangain" yo' Israela mung" dangain" khyoo: vhoo: moo lhid" to" da" khi: lhid" ri voin wigi yhe: lo" ago". Khi: lhid" moo «Israela byu yi we" nanu" gi Asuri lo, mo mungdain: moo nyid deing nyid bang: nghoid. Akhid" Abraham- Isag- Yaku da" Aseing Mangso jhang tau" lo ge'. houg: lang" nanu" jhang nyang: doem phug loo wa.

YEREMIA 3:22

Aseing mo lheing: phug loo" bang: nanu" dangain" doem tau" loo we'. Nyang: gi nanu" noo byang" byid: lho: jhug zug nhang: loo wa. Nanu" tid zigi «Nghoid bye:. Nyang: gi ngoonu" da" Mangsoo nghoid yoomo ngoonu" gi Aseing jhang loo" wa.

YEREMIA 36:7

He: byumyu" ri nya: da" yu" gyoug yu" lhoung: sho' da" nheig joem: yo: ziyo' kyug nhain' bye: yoomo nyangnu" Aseing ri akyu" mho' wigi nyangnu" akhyeing" da" khyoo: joem mo doem phug lheing: loo goo" abe» ga: zi nghoid.

HOSEA 12:7

Aseing gi «Israela byumyu" yigi Khanan byumyu" yi yo' dayhang: ti" adeingmain" nghoid ago". Nyangnu" gi nyangnu" mo ziyoo qei mo, ri amain" da" jangshi" ci: lho: mhoug zo: khyoo: ri vho: ngei boem ago".

YOELA 1:13

Phoin: tho' moo: xoin" ngei" byid: nyid da" Khainjung yi we"- jid: moo" byimi void lho: ngau nyid ge'. Noku Yhoem: Moo" khyoo: yhe: lho: damyen goin" koug ngau nyid we'. Nanu" da" Mangsoo ri xoin" to' byid: wa da" gug zoo: yo' zabyid yhid: ayoo" loo.