YOELA 2:1 - Lacid Common Language Bible

¹ Mangso da" gyeung" shang: bouggung Ziun tho' moo gyi: poin" da" laboo" ri moid kaid loo ge'. Yuda byumyu" yi we' nain nyid ge'.- Aseing da" bidnyid gi jhang loo bye:.

YOELA 2:1 Referans Kwoze

1PETERU 4:7

Ziyoo jo, moo jo, thang loo" wa ayo, ju" bye: yoomo nanu" gi akyu" mho' wa shid re" nyang: nya: da" nheigloem: ri zed" lhed' lho: nheig boo ung: gyeung" nyid loo: ge'.

YOELA 2:15

Ziun boem tho' mo laboo" ri moid kaid ge'. zoo: noem jang" wa amyeing" byid: lho: byu phung: foem: wa zi khe: kaid we'.

YOELA 1:15

Yoem: so' gyi: thang su: wigi phyo' shoin' pyam wa Aseing da" bidnyid gi ju" lo nyid bye:- hau: bidnyid moo gye" gyoug dain ja: bue" loo wa.

YOELA 3:17

Hau: thang: Israela byu yi nanu" gi ngoo nanu" Aseing Mangsoo nghoid ziri se' loo goo" wa. Ngoo gi nga" da" gyeung" shang: bouggung Ziun moo nyid. Yerusalem gi gyeung" shang: da" voomoo" bue" lo lho: tungbau byumyu" yigi hau: ziri ayo" doem zain: oung: boem loo: wa.

MALAKHI 4:1

Yoem: moo" bo da" Aseing gi hid su" ga: tid nyid «Nghoid boin: nyid mo, dangain" yo' akhyeing" ashoeb da" moo" zei: nyid mo, dangain" ri khoofoo: ri yhang: ti" nghe' pyam wa da" ayo, gi ju" loo bye:. Hau: bidnyid moo nyangnu" gi nge" joem: lo" byug lho: houg: moo ci: we' jo, loo wa anghoid.

ZEPHANI 3:11

Houg: da" bidnyid moo nga" byumyu" yi nanu" gi ngoo ri thougtheung da" khyoo" wigi sho: thu ca" loo: wa zi anghoid. Phoug: khuang lho: nheigloem: myhang: nyid bang: hang" nghoid loug we' ngoo khyen: thu pyam lho: nanu" gi nga" gyeung" shang: da" boem moo khanham we' doem yo" thougtheung loo loo: goo" wa zi anghoid.

ZEPHANI 1:14

Aseing da" gyi: thang bidnyid gi jhang loo bye:. Hau: bidnyid gi jhang lo ziyo' myab myab ju" re" nyid bye:. Hau: bidnyid gi gye" khoo" wa da" bidnyid nghoid. Khasu" wim gari gye" yoem: bo ziyo' gye" voem" thang da" gyizoo: yi lang" nheigloem: gyau: ziyo' ngoug wa zi nghoid.

YEREMIA 5:22

Ngoo gi Aseing nghoid. Nanu" gi ngoo ri ciwim agyug go" la". Nga" shidkhoin" moo ciwim yoomo nanu" ko' ko' anain" boem la". Ngoo gi panglai: da" mougkyoo" khyo" midcoo: doem: ri to" too" byid: bye:. Hau: ziri ayo" ge lid: phyid yhe: da" apyaid atoo: moo geing: teing bye: mougkyoo" nghoid da:. Panglai: gyid boug joem to' ri too' wa nghoid loug we' hau: zigi hau: mougkyoo" mo ayo" lid: nghoid da:. Being: lhung" joem myeing ri myeing wa nghoid loug we' hau: joem gi ayo" lid: phyed goo" wa.

ESAIA 66:2

Moug: gyab goin" ziri ngoo nyang: phain" so: to" zi nghoid. Nheigloem: nyhoem: khyo' mo, yo' nung myid yoo" bang:- ngoo ri gyoug phoug" bang:- nga" da" tid dang: gyoo: bang: ri ngoo vho: ngei da:.

1THESALONI 5:2

Khasu" wim gari Aseing: doem ju" ri" wa bidnyid gi myen" ri khoug" su" re" yhang: ti"- ju" ri" wa nghoid ziri nanu" nyang: voin: tang: si' bye.

OBEDIA 1:15

Ngoo Aseing gi byumyu" yi bain sho' bang: ri dang: phyed loo wa da" bidnyid gi jhang loo bye:. Edom we" nang koid lid loo bye: ziyo' dakhyoo" ti" nang moo doem bue" loo wa zi nghoid. Nang byid: pyam bye: ziyo' dakhyoo" ti" nang doem shoug" yu wa zi nghoid.

AMO 3:6

Voo byu yiri agyoug dain nhang: loo: za: voomoo" khoug: moo gyi khe: da" laboo" lhoung moid yu" boem la". Aseing wigi akoid kaid ri voo khoug: moo yau: khe" kyi" khyeug moo" lhoung thu lo yu" la".

HOSEA 5:8

Gibea moo: gyi khaid yhi: wa shid re" laboo" mhoid kaid we'. Rama moo: gyi ri tid poin" da" thui: ri khyo' kaid ge'. Bethaven moo meing: zain: wa yoem: kaid thui: ri myhang: kaid ge'. Benyamin kung: mo yuggi yi we"- gyi khaid yhi: we'.

EZEKIEL 7:12

Akhyeing: gi ju" lo nyid abye:. Oung" zoo: oung" shug"- qei zoo: qei shug koid zigi ce: dang: kang: aboo loo: wa. Ciwim ga: ri dei nyid da" yugkhang" moo" adang moo: Mangsoo da" yooboo dam byid: zi gyo" zang" loo wa.

YEREMIA 4:5

Damung" goin" moo laboo" moid kaid ge' Thui: zeing yo' jang jang za: nyhoo: we'. Yuda yo' Yerusalem mo byu yiri gyi pyuzung- vang khyam: kyam' to" da" voomoo" joem Khyoo: tang" phang: wa shid re" tid kyoo" we'.

YAKU 5:8

Nanu" we" zeing: shang" lho: nheig byu lang" nyid ge' Aseing Yesu doem gyoo" loo wa da" ayo, gi jhang loo bye: yoomo nanu" geing: geing: teing teing dalang" nyid ge'.

PHILIPI 2:12

Houg: su" nghoid yoomo ngoo jheddab nyid bang: we"- nanu" yo' ngoo dage" nyid da" ayo, moo nanu" khanham we' nga" dang: ri tam" gyo: nyid boem yhang: ti"- akhid" nanu" yo' ngoo ve: gang: nyid da" ayo, moo we' nga" da" dang: ri tam" gyoo: wa zigi je" wigi yhoug: gyen: zeing nyang: nghoid nyid houg: yoomo nanu" da" khyoid yu khyoo: joeb, byeung" loo sho' gyoug nain" ziyo' cang pyeung nyid ge'.

ZEPHANI 1:16

Geung: teung" da" voomoo" vang khyam: yo' myhang: da" gyi pyu zung ri zain: lo da" gyizoo: yi gyi to' lo da" thui: zeing- gyi laboo" moid thui: yo' byeung" da" bidnyid nghoid.

AMO 8:2

Aseing gi «Amo we" nang ce: noem myang lha"» ga: myid:. Ngoo gi «Shi" dagyoin ri myang» ein: phoug tid. Houg: lang" Aseing gi ngoo ri nga" byumyu" Israela yi da" lo" thang ayo, ju" loo bye:. Nyangnu" ri yooboo dam byid: wa ein: ngoo myidyung to" khyoo: ri doem lhid: loo: wa zi anghoid.

HOSEA 8:1

Aseing gi «Gyi tid poin" thui: ri myheing kaid we'. Gyivoo yigi zoin bung yo' dakhyo" da" mougmyid moo dang: gyoo" re" nyid ago". Nga" byumyu" yigi ngo wigi nyangnu" yo' koid to" da" dang: theing ri phyo' shoin' pyam lho: ngoo jhau" shed ziri thougtheung gyi koid pyam ago".

EZEKIEL 33:3

Nyang: gi gyivoo tab re" nyid ziri shau" myang lang" yugkhang" moo" ri tid poin" wa shid re" poin" thui: ri kyo" kaid da:.

EZEKIEL 12:23

Akhid" hau: ziyo' sen: wigi yoem: moo" bo Aseing ngoo tid ca" ziri nyangnu" ri tid kyoo" we'. Ngoo gi hau: dang: zhoem' ri thang byug nhang: loo: wa. Hau: ziri Israela mung" moo adoem pug tid nhang: loo: wa. Hau: gungthid nyangnu" ri ‹Ayo, akhyeing: ju" bye:- tid to" zi jo rhi" bye:› ein: tid we'.

EZEKIEL 7:10

Yau: khi" kyi" khyeug da" bidnyid gi ju" lo nyid bye:. Athoug" akhyoug: moo" gi myo: je: lo nyid. Nghoid boin: zigi myhang: thang moo jo, jo, abye:.

DANIELA 9:20

Ngoo gi nga" da" yooboo joem yo' nga" byumyu" yi da" yooboo joem ri yhen: yu zoo" re akyu" xo' mho' nyid. Houg: lho: Aseing nga" Mangsoo ri nya: da" gyeung" shang: Noku Yhoem: Moo" ri doem zhug too" wa shid re" mho' yoid nyid.

DANIELA 9:16

Nang gi lid loo bye: da" ayo, moo ngoonu" ri goem loem byid: loo bye:. Houg: yoomo Yerusalem ri nheig ayoo: loo: hau: zigi re" voomoo" nghoid da:. Re" da" younglho' bouggung nghoid da:. Ngoonu" da" yooboo joem yoomo yo' ngoonu" phoug" phyid" bang: koid lid lo da" akhyeing" ashoeb moo" zoo" joem yoomo aqei: ayam mo mungdain: byumyu" yi wigi Yerusalem ri yu" jhung" yu" nge pyam ago".

DANIELA 6:26

Ngoo gi yugkhang" moo" wigi Daniela da" Mangsoo ri gyoug lho: phau" myang: wa shid re" nga" mungdain: goem: sho' amyeing" khyo' kaid da:. Nyang: gi kangso' dei nyid da" Mangsoo nghoid wigi nyang: gi apyaid atoo: moo vhoebkhang" wa. Nya: da" mungdain: gi khanham we' phyo' shoin' pyam zi shoug" wa zi anghoid. Houg: lho: nya: yoem: so' gi khanham we' thang wa zi anghoid.

EZEKIEL 33:6

Nghoid loug we' lhoug zung" nyid su: gi gyivoo re" lo nyid ziri myang nghoid loug we' tid poin" thui: abyid: yoomo gyivoo yigi re" wigi yooboo yoo" bang: ri said pyam boem nghoid rigi nyangnu" shid: lo" da" xang: gyoug: gi hau: lhoug zung" nyid su: ri foin: wa zi nghoid.

YEREMIA 16:10

«Nyangnu" ri nang he: gu: dangain" ri tid kyo" ri nyangnu" gi ciwim yoomo nyangnu" ri ngoo houg yhi' dam xoo: sho' yooboo dam byid: wa myid phyed loug la"- ga: nang ri myid: loo goo" wa. Nyangnu" gi ce: youg: noo yooboo shoid bye: la"- nyangnu" Aseing Mangsoo ri ce: yooboo koid bye: loug la" ga: myid loo goo" wa.

YEREMIA 16:7

Jheddab da" byu dayug shid: lo" ri nyangnu" nheig teing byid: wa shid re" nyang: yo' hang" ci: azoo: ashug goo" wa. Hang" we' nheig khyeug seing" no zi aci: shug goo" wa. Nya: myhi' yo' nya: phoo tang: shid: byug da" su: shid re" lang" nheig khyeug khyoo: aci: shug byid: wa.

ESAIA 66:5

Nyang: ri gyoug phoug" zi yo' tid dang: tam" gyo: da" bang: nanu" we"- Aseing tid ziri tam" gyoo: we'. «Nanu" ngoo ri jhug zug yoomo nanu" da" byu dayham" gi nanu" ri ngheing" wigi nanu" yo' ci: we' asen: da" khyo" koid loo goo" wa. Nyangnu" gi nanu" ri juang" wigi ‹Nanu" gau yi ziri ngoonu" shau" myang sho' Aseing gi nya: yoem: so' gyi: sheung: ziri ci: shug byid: wigi nanu" ri khyoid yu baja"› ga: tid ago". Nghoid loug we' nyangnu" nyang: ngi: yoem" ago".

ESAIA 2:12

Hau: bidnyid moo myhang: thang da" Aseing gi yoem: so' boo mo, nghoid boin: lho: phau: mo, yugkhang" moo" ri nyhoem: khyo' pyam wa.

COUNG" NGHEI 119:120

Nang yoomo ngoo gi gyoug nain" nyid bye:- re" da" tarha" dang: phyed nyid khyoo: yoomo ngoo moo: gyoug phau" emyed byoug jo.

COUNG" NGHEI 87:1

Aseing gi nya: voogung ri gyeung" shang: da" boem tho' moo nyheung tam: to" abye:.

GYUNG: SOO" 10:3

Hau laboo" eig loem: goin" ri thui: sheing: sho' moid kaid lang" byu phung: zeing gi nga" shidkhoin" Zoem" khoem" duang: yam lheing khab moo: re" zeing: foem: wa zi nghoid.

ZEKHARIA 8:3

Ngoo gi nga" younglho' voomoo" khyoo: doem tau" lo lho: houg: moo nyid nyid wa zi nghoid. Hau: voomoo" gi dang: zung" voo yo' yoem: moo" bo Aseing da" bouggung gi gyeung" shang: da" bouggung ga: myheing byid: zi shoug" wa nghoid.

1 KHOKHAM MHOOMYID: 15:28

Dang: Theing Kuid: ri Yerusalem khyoo: vu, loo" bang: moo: bo cang boem da" Israela byu yi dangain" gi laboo" moid- nu khyau: moid- jhabceing baid- teing baid wigi gau yi ngei pyoo: tung" hau' yhe: lo" boem ago".

1Korinthians 14:8

Laboo" ri moid' su: gi nya: thui: ri se' gyo: kho' wa khyo"- bang bang za: amoid nghoid rigi- kha: yug gi gyi too, wa shid re" se' nyheing soin' wa lha"

Pang Shug 6:17

Mangsoo yo' yang nu" da" nheig no, yo: lo da" bidnyid nghoid abye:"- houg: moo hang" yo" theung shang" kham: yab, jo, wa lha".

THU' LO" MOUGSOUG" 10:14

Hau: jhenkhyeug joem dang: vang lo lho: mungdain: goin" adang moo lo no: nyid ago". Hau: joem gi gye" myo: wigi houg yhang: ti" da: jhenkhyeug phung: ri shid ri we' amyang yu" thang: ri we' myang yu" zi anghoid.

EZEKIEL 30:3

Aseing lo, moo" zei: wa da" bidnyid gi jhang lo nyid abye:. Byumyu" yi shid re" jhoemmoug" pung yo' yau: khi" bidnyid nghoid da:.

YOELA 2:11

Aseing gi nya: gyidab moo" ri moug: goin da" thui: yhang: ti"- amyeing" byid: da:. Nyang: ri tam" gyo: cang yhe: da" gyiphung: yigi gye" myo: lho: yoem: so' gyi: ago". Aseing da" bidnyid gi khayhi' gyeing" gyoug dain pho" zi nghoid lha". Hougmoo: ashid: loo: hang" se' yo" nyid deing wa lha".

YOELA 2:31

Aseing da" gye" gyoug dain pho" bidnyid aju" loo shi" uri bid moo" gi teing: no, lo" byug wigi lhammoo" we' suid" su" ne lo" byug wa nghoid.

YOELA 3:14

Byu khyeing" su: khyeing" su: gi dang: phyed lang: khoug: moo nyid boem abye: go"- Aseing da" bidnyid gi hau" joyoo moo amyang" ri ju" loo wa nghoid.

AMO 5:18

Aseing bidnyid ri lang" nyid mo, nanu" shid re" gi khayhi' gyeing" da" gyoug pho" bidnyid nghoid wa lha". Hau" bidnyid gi nanu" shid mo ce: akyu" boo wa lha". Hau: zigi nanu" shid mo moug: boo" anghoid moug: coid za: danghoid wa.

ZEKHARIA 14:1

Aseing dang: phyed loo wa da" bidnyid gi jhang jo, bye:. Houg: lang" Yerusalem gi ziyoo lhoid yu pyam' zi shau" loo wa nghoid lho: hau: ziyoo joem ri nanu" da" myo, shid ti: moo gam go" shoug" zi shau" boem wa nghoid.

GYUNG: SOO" 10:2

«Byumyu" yiri khe: zheing" wa jang" moo we' dab ri phyo' wa jang moo we' ci: wa shid re" ngei laboo" eig loem: koid wa.

ESAIA 13:6

No wigi kyi: ngoug ge'. Yoem moo" yo' phyo' shoin' wa nghoid da" Aseing da bidnyid gi jhang re" nyid bye:.

ESAIA 13:9

Nya: da" nheig joem: khoo" khoo" yo: ziyo' atho' tid loo sho' nheigloem: yoin da" bidnyid nghoid da" Aseing bidnyid gi ju" loo nyid da:. Mougmyid gi dain" pyoid yoo bue" lo" byug wigi yooboo yo" da" yugkhang" moo" ri said toem" pyam zi shau" wa.

EZEKIEL 21:12

Shid: se' da" byu we". Koug wigi kyi: ngau kaid we'. He: shamcoin" gi nga" byumyu" yi yo' Israela vhujhung: yi shid re" nghoid da:. Nyangnu" gi deing nyid shi" da" nga" byumyu" yi dangain" yo' said pyam zi shoug" loo: wa. Re" yang gang moo nheigloem: thang ziyo' baid we'.

ZEPHANI 1:7

Aseing dang: phyed wa da" bidnyid gi ju" lo nyid bye:- houg: yoomo nya: shidkhoin" moo sam: zoo: nyid we'. Xoin" said ngei" yhang: ti" Aseing gi nya: byumyu" yiri said ngei" byid: wa zi soin' nyid wigi Yuda mung" ri zain: loo wa da" gyivoo joem ri khe: zheung" too" bye:.