YOELA 1:2 - Lacid Common Language Bible

² Phoug" mang: zookho' yi we"- tam" gyo: yu" ge'. Yuda mung" byu yi yugkhang" moo" we"- gyo: yu" ge'. Nanu" da" apyaid moo nghoid loug- nanu" da" phoug" phyid" yi da" apyaid moo nghoid loug we' hid: te" zi khanham we" lhung bue" yu" go" lha".

YOELA 1:2 Referans Kwoze

YOELA 2:2

Hau: bidnyid gi moug: doeb lho: no, seing" kyid: ziyo' moug: coid lo wigi jhoemmoug" nheung: da" bidnyid nghoid. Boem tho' moo moug: coid nghoeb lo yhang: ti"- jhenkhyeug phung: moo" zeing dang: ju" loo bye:- houg: te" zigi khanham we' abue" yu" shi"- he: thang: nab we' khanham we' doem bue" loo wa zi anghoid.

HOSEA 5:1

Khainjung nanu" we" tam" gyoo: ge'. Israela byumyu" yi we" tam" gyoo: ge'. Khokham ikoin deungkhu: moo bo da" nanu" we"- tam" gyoo: we'. Nanu" gi tarha" deing byeung" zi ge' dang: phyed pyam ca" eung: da:. Nanu" gi Mizpa mo lhid' bue" lo abye: da:. Tabora boem moo kham: to" da" goin bue" byug bye:.

YEREMIA 30:7

Gyug dain pho" da" bidnyid gi ju" lo nyid da:. Nga" byumyu" yi shid re" gootu: bidnyid yo' ayo" tu' da" Kyi" khyeug da" ayo, ju" lo nyid da:. Nghoid loug we' nyangnu" gi nyid deing nyid goo" wa» ga.

YOBA 8:8

Goonham' mo phajhi" ri daso' khyalang" sho: yu" shi" we' Ngoonu" phoug" phyid" yi jhau yu da" deingmain" ziri myid yu" yu" we'.

MATHE 24:21

Khasu" wim gari hau: da" bidnyid moo gye" gyi: da" sho" jhen yau: khe" da" bidnyid ju" loo wa. Houg: yhi' gyeing" da" koug shu: yau khe" da" bidnyid gi Moug thu' xang: poin: mo he: gu: moo byu xangsu: yi khanham we' athoung" shau" yu shi" da" jam joug nghoid. Thang: phyang" khanham we' shau" yu" lo: boem wa anghoid.

MATHE 13:9

«Nukhyab dab, mo, dangain" gi tam" gyoo: ge"» ga: Yesu tid.

MIKHA 3:9

Tarha" nyeung veung" khyoo: ri ngheung" lho: shoid vhang: da" khyoo: khyoo: phug lo" da" Israela vhujhung: yi we"- nga" dang: ri tam" gyo: yu" ge'.

MIKHA 3:1

Israela vhujhung: yi we" gyo: yu" ge'. Nanu" gi tarha" dain: da" khyoo: ri cang ca" anghoid goo" lha".

MIKHA 1:2

Byumyu" bain sho' mo, we"- he: dang: ri gyo: yu" ge'. Mougmyid tho' moo nyid bang: dangain" mo, we"- he: ziri tam" gyoo: we'. Yoem: moo" bo thang da" Aseing gi nanu" ri thougtheung sagse: kham loo wa tam" gyoo: ge'- nyang: gi mougkhung: yhoem: moo" mo tid kaid.

AMO 5:1

Israela byumyu" yi we" Byu shid: ngoug khyang" fang" da" jikhoin" dang: ri ngoo khoin" wa.

AMO 4:1

Bashan mo nujung zeing joem yo' dakhyoo" ti" xu: young" boem lho: yoem: neing: mo, ri anghoid akhuang khyo" zoem" khau: wigi myung shoo" bang: ri doin: zeig zo: boem ziyo nanu" da" yhoem: seing: phoo yiri yhid: jang nhang: da" Samari mo myhi' zeing yi nanu" we' he: khyoo: ri tam" gyo: yu" we'.

AMO 3:1

Israela bang: we" Egutu mo shu" thu lo da" byumyu" dangain" mo, we" nanu" yo' sen: lho: Aseing tid da" mungdang: ri tam" gyo: yu we'.

YOELA 1:14

Zoo: shug jang" pyam wa shid re" amyeing" khyoo' byid: ge'. phung: foem: wa shid mo khe: zheing" we'. Nanu" da" Aseing Mangso da" Noku Yhoem: Moo" khoug: khyoo:- Yuda byumyu" yi dangain" bang: yo' vhu" shi: bang: ri khe: zheung" kaid lho: nyang: ri mho' yoid we'.

HOSEA 4:1

Aseing gi he: mougmyid moo nyid da" byumyu" yiri thougtheung yooboo zhug abye:. Israela byumyu" yi we" tam" gyoo: we'. Nyang: tid zigi «He: mougmyid moo jhug zug ziyo' jheddab myid ga: zi ajo,. Houg: lho: byumyu" yigi ngoo ri Mangsoo khyo" alheing: yu goo" nghoid da:.

DANIELA 12:1

Zin: yung" pain" byimi void ci: da" moug: lagyoo: tid zigi «Hau: ayo, moo re" byumyu" yiri lhoug zung" da" moug: lagyoo: moo" Mikhaela gi nyid thu loo wa. Hau: thang: hau: zigi yau: khi" ayo, nghoid wigi byumyu" yi xang: shi" nyid re" da" ayo, mo zi akhid" ju" sho' moo yau: thang nghoid wa. Hau: ayo, ju" lo ri Mangso da" mougsoug" pug moo myeing lhid" to" da" re" byumyu" yi dangain" gi khyoid yu zi shau" boem goo" wa.

YEREMIA 5:21

Myojid" dab loug amyang- nukhyab dab loug ashau" gyo: da" nheig agyeing: ko" da" byumyu" yi nanu" we"- goolhoo' tam" gyoo: we'..

ESAIA 34:1

Byumyu" dangain" bang: we"- loo ge'. lheing khoem re" foem: nyid wigi tam" gyoo: ge'. Mougmyid gyab goin" yo' houg moo nyid da" bang: yugkhang" moo" hid khyoo: re" wigi tam" gyoo: ge'.

ESAIA 7:17

Aseing gi Yuda mung" mo Israela mung" ri kho' yu da" bidnyid moo bue" yu" da" yau: khi" tho je: xo: da" yau: khi" bidnyid yiri nang yo' re" byumyu" yi re" khokham yhoemkhung: goin" adang moo bue" loo goo" wa. Nyang: gi Asuri khokham ri khe: yu wa.

COUNG" NGHEI 49:1

Byu yugkhang" moo he: dang: ri tam" gyo: yu" ge'- joyoo khyi khang" moo" mo bang: tam" gyoo: we'.

YOBA 21:7

Mangsoo gi ciwim yoomo akhyeing" bang: ri dei nyid nhang: lho: mang: sho' nyid wigi yoo" zoo: yoo" shug nhang: loug lha".

YOBA 15:10

Ngoonu" gi re" phoo lang" akhu: shi" ri khu: bye: da" phoug" mang: xam: phyu: bang: mo phajhi" jhau" yu zi nghoid.

YOBA 12:12

Phoug" mang: yigi phajhi" bo da:. Nghoid loug we' Mangsoo gi phajhi" yo' yoem: so' bo da:. Phoug" mang: yigi jhab' jid" co' yo" se' myang. Mangsoo gi jhab' jid" co' yo" se' myang ziyo' koid bui" wa yoem: so' bo da:.

Pang Shug 2:7

Venyi gi phung yi ri khasu" ga: tid nyid ziri nukhyab' dab, bang: gi gyo: yu goo" baja". Oung: doid loo" bang: ri Mangso khyam: moo youg jo, da" kangso' shi" gam, mo ashi" ri zoo: wa da" akhang" ngoo byid: wa nghoid.