YOELA 1:13 - Lacid Common Language Bible

¹³ Phoin: tho' moo: xoin" ngei" byid: nyid da" Khainjung yi we"- jid: moo" byimi void lho: ngau nyid ge'. Noku Yhoem: Moo" khyoo: yhe: lho: damyen goin" koug ngau nyid we'. Nanu" da" Mangsoo ri xoin" to' byid: wa da" gug zoo: yo' zabyid yhid: ayoo" loo.

YOELA 1:13 Referans Kwoze

YEREMIA 4:8

Houg: yoomo jid moo" byimi void wigi ngoug ge'. koug myeing nyid ge'. Ciwim gari Aseing da" gyoug pho" nheig yo: zigi Yuda mo alheing: thu lo" byug shi" nghoid da:.

YOELA 2:17

Xoin" ngei" wa phoin: yo' Noku Yhoem: Moo" khyoo: vang lo" da" khoem" duang: agyoo: moo Aseing ri xoin" ngei" byid: nyid da" khainjung yigi «Aseing we" re" da" byumyu" yiri nheig khyeug yu shi" we' gootu: byumyu" yi wigi nanu" da" Mangsoo gi khayoo: nyid lha" ga: ngoonu" ri aphoug" akhyoid koid lho: ajuang" yi pyam nhang:» ga: wigi koug ngau lho: akyu" mho' boem ca" wa nghoid.

EZEKIEL 7:18

Nyangnu" gi jid: moo" byimi void lho: da gung goin" nain" loo goo" wa. Nyangnu" da" vhuloem joem ri dung: pyam lho: nyangnu" dangain" gi ngi: yoem" zi shoug" loo goo" wa.

YEREMIA 9:10

Ngoo gi «Boem joem shid re" koug ngau wa. Coung" yoo shid re" ngau wa. Ciwim gari hau: joem gi kyug byug wigi hau: joem dang khyo" gyung: hang" asoo" nghoid da:. Yhoem: khu: gougnyhoug thui: ashau" gyoo: loo wa. Ngho' joem yo' gougnyhoug lam" joem dangain" phang: byug abye: go"» ein: tid.

1 KHOKHAM 21:27

Elia dang: bain tid lang" Ahab gi nya: byimi ri lang: ceig khyoid pyam lho: jid: moo" byimi ri void ci: bye:. Nyang: gi zoo: noem azoo: looza jid: moo" byimi boem moo: yhoeb jo, da:. Nyang: gi nheigloem: thang ziyo' yoem: shoin: yen" da:.

2~KORINTHU 11:23

Nyangnu" gi Khristu da" deizoo: yi nghoid go" la". koo" su: da" dang: yhang: te" zi gi nghoid. Nghoid loug we' ngoo gi-nyangnu" tho' moo je ge da: deizoo nghoid. Ngoo gi nyangnu" tho' moo moozoo" ri je" zei: su nghoid. Nyangnu" tho' moo je"`wigi myoo" sho' lheung: thung: loung" yu bye. nyangnu" tho' moo voosi" je" shau" kham, zoo: bye: shid: gyoin' noogyoin, myoo" sho' lheung: ngoo shau" yu" bye.

2~KORINTHU 6:4

Kyi" kyeug jam jau khyoo:- shid: gyoin, noogyoin khyoo:- yau: khe" khyoo: joem ri gyi: sheung: nheigloem: yo' kham: zeung: wigi ngoonu" zei: lo da" klhyoo: khaid khang" moo" moo ngoonu" gi Mangso da" join' lang: jhang yi nghoid da" khyoo: ri datoin" shid boem.

2~KORINTHU 3:6

Ngoonu" gi dang: theung thang" cab, da" shid re" moozoo" yo" voin vu, boem baja"- ngoonu" ri yoem: vhoo" byid: su: gi hau: aseig: nyang: nghoid nyid hau: dang: theung da" thang" cab aseig gi lhid" to" da" mougsoug" moo bo zi anghoid loo za: Venyi jang" mo nghoid nyid. Khasumvimgari lhid" cab, yo' lhid" to" da" tarha" gi kangso ri said pyam nyid lho: Hau: Venyi koem gi kangso' ri dei loo nhang: nyid.

1Korinthians 9:13

Noku yhoem: moo" khoug: moo: moo" voin bang: gi Noku yhoem: moo" khoug: moo- zoo: noem shau" yu nyid boem ziri: we'- nanu" gyeing" gyeing" nyang: se' nyid boem bye.

1Korinthians 4:1

Ngoonu" gi Mangso no, thang da" yhoem" nghoeb, to" deingmain" khyoo: ri- yu" nyheing wa shid re" khyen: to" da"- Khristu dei zoo: yi nghoid ga: nanu" myid yu, eung: nyid da.

ESAIA 61:6

Houglho: nanu" gi Aseing da" khainjung yi khyo" we' Ngoonu" Mangso da" dei zoo: yi khyo" we' myeing fu" loo goo" wa. Nanu" gi byumyu" yi da" jonu" joem ri yo" yhung: zo: wigi Hau: ziri nanu" zi khyo" langi: koid loo goo" wa.

2 SAMUELA 12:16

David gi hau: zooshang: ge loo wa shid re" Mangsoo jang" moo akyu" mho' bye:. Zooshug daja: ja: zoo: wa shid re" he: pyam wigi myen khang" myen nya: yab khyoo: vang lo" lho: phyang" gung moo jhang" to" wigi myen" ayo, ri lhid: kaid kaid koid nyid da:.

GYUNG: SOO" 29:6

He: joem ri hau: shivoo: xoin" yo' dage" lhammoo" xain" nyid" ri main: main: nghe' ngei" xoin" yo' shivoo: xoin" we' zabyid yhid: xoin" we' wigi nyid" khang" nyid" nghe' ngei" da" xoin" moo: lung: lho: ngei" byid: we'. He: zoo: noem xoin" gi Aseing ri vho: ngei nhang: da" shoem: nghoid.

Pang Shug 11:3

Jid: moo" byimi void ci: da" nga" sagsi: eig yug ri ngoo nhang: kaid' wa Nya: eig yug gi bidnyid 1260 nyid agyoo: moo Mangso mungdang: ri lapi: dang: khyo" kho" kyoo" wa,, ga: tid.

ESAIA 22:12

Gyi sheing: myhang: thang Aseing gi hau ayo, moo koug ngau wa. Nanu" xam: ri ko' byid: wigi jid: moo" byimi void wa shid re" nanu" ri khe: nyid da:.

EZEKIEL 21:12

Shid: se' da" byu we". Koug wigi kyi: ngau kaid we'. He: shamcoin" gi nga" byumyu" yi yo' Israela vhujhung: yi shid re" nghoid da:. Nyangnu" gi deing nyid shi" da" nga" byumyu" yi dangain" yo' said pyam zi shoug" loo: wa. Re" yang gang moo nheigloem: thang ziyo' baid we'.

HOSEA 9:5

Houg: lho: Aseing ri ngi: shab pui" koid wa ayo, ju" rilang" nyangnu" cikoid goo" wa.

YOELA 2:14

Nanu" da" Aseing Mangsoo gi nheigloem: thid lo lho: nanu" ri shivoo: shiloem myoo" sho' mainkaid byid: loo abe. Houg: lang" gi nanu" nyang: ri shivoo: yo' zabyid yhid: xoin" yo" to ngei" byid: wa zi nghoid.

GYUNG: SOO" 28:4

Xang: shi" du: ri nab soin: ngei" byid: wigi thang: mo du: rigi myen" thang: ngei" byid: wa zi nghoid.

GYUNG: SOO" 28:7

Xang: shi" yang nu" yo' dage" zabyid yhid: xoin" to' uri zabyid yhid: 2 parheing" ri phoin: moo: foid gyoin: we'.

GYUNG: SOO" 28:14

Zabyid yhid: xoin" koem' gi nuloo: du: khang" moo" yo' zabyid yhid: myid: parheing" yang loo: yo' zabyid yhid: soem" parheing" yang nu" du: khang" moo" yo' zabyid yhid: eig parheing" nghoid wa. He: gu: gi dazain goin" mo lhammoo" xain" xang: shi" nyid" nyid" khang" moo" moo: main: main: koid wa da" nghe' ngei" xoin" shid re" tarha" nghoid.

EZEKIEL 27:31

Nyangnu" gi re" shid re" nyangnu" vhuloem vhudung: dung: pyam da:. Houg: lho: nyangnu" nya: gung moo jid: moo" byimi void ci: ago". Nyangnu" ngau zigi nyangnu" da" nheigloem: khoo" sho' nghoid ago".

YOELA 2:12

Aseing tid zigi «Akhid" nghoid loug we' nheigloem: gyeing" thid lho: zoo: shug jang" pyam wigi ngoug byid gyo" lho: koug ngau ziyo' nga" jhang khyoo: doem tau" loo we'.