YOELA 1:12 - Lacid Common Language Bible

¹² Zabyid nei joem yo' lafoem gam joem we' yhau" loo" bye:. Shigam joem dangain" gi yhau" shid: lo" abye: go". Byu yi da" gau yi ngei pyo: khyoo: ein: zigi bei: lo" byug bye:.

YOELA 1:12 Referans Kwoze

ESAIA 24:11

Zabyid yhid: ajo, loo yoomo mung" byu yigi fu" moo" khyoo: moo: nyho: nyid boem ago". Ngei pyo: zigi apyaid atoo: moo thang byug bye:. Hau zigi mungdain: khoug: mo khaid thu pyam' zi shau" abye:.

ESAIA 16:10

Akhid" myid xu: ge da yoothung" joem moo hang" abu: loo:. Zabyid khyam: joem moo hang" we' nyho: lho: jikhoin" we' akhoin" loo. Zabyid yhid: koid wa zabyid hang" anang: loo:. Ngei pyo: wigi nyho: da" thui: gi thang lo" byug bye:.

YOELA 1:16

Ngoonu" da" shivoo: joem ri phyo' shoin' pyam zi shoug" nyid da" uri ngoonu" gi hougsu" za: coem' yu" kaid boem bye:. Ngoonu" da" Mangso Noku Yhoem: Moo" moo ngei pyo: khyoo: ci" we' ajo, loo.

YOELA 1:10

Yoothung" joem gi myid keing: doem nghoid jo, boem bye:- gug yoo joem gi phyo' shoin, pyam zi shau" boem wigi mougmyid gi koug ngau nyid bye:. Zabyid nei joem we' kyoug shid: byoug wigi zhainloin: gam joem we' kyoug shoem: loo" bye:.

SHOLUMON JIKHOIN" 2:3

Nga" jhed ri gootu: yuggi yi yo' tu' yu" ri siyoo gyoem" mo shisang" gam yo' du nyid da:. Ngoo hau: bid shoem: moo zhung: nau wigi agam moo shi" gi nga" shid re" gye" coug: nyid zi nghoid.

HAGI 2:19

Gug zoo meiloem: ci" we' adeing loo loug we' zabyid nei yo' lafoem byab shiphain gam yo' zhainloin: gam moo ashi" azei: shi" loug akhid" nyid" mo thang: phyang" gi ngoo nanu" ri mainkaid jeju" byid: wa bye:» ga: tid.

YEREMIA 48:33

Ngei pyo: ziyo' gau yi zigi myidxu: ge' da" Moba mung" mo yu lo" byug abye: go". Zabyid nang: jang: mo zabyid yeing yau ziri ngoo toem' pyam bye:. Zabyid yhid: koid wigi gau lho: nyhoo: wa byu dayug we' anyid loo.

YEREMIA 48:3

Horonaim byu yigi «Pyijoem: sho: o"- byo, yoin" khyoo: o"» ga: yoid nyho: boem.

ESAIA 9:3

Aseing we" nang gi nyangnu" ri ngei bu: zi myoo: sho' byid: to" abye:. nang gi nyangnu" ri ngei pyoo: nhang: abye:. Byu yi nyangnu" shivoo: yham" yu uri kang: bu ziyo' Nyangnu" shau" shoem" yu da" jonu" dangain" ri nyangnu" gam go" uri ngei bu: ziyo' dayhang: ti Nang koid lid: lo da" lo, moo" moo nyangnu" ngei pyo: boem ago".

SHOLUMON JIKHOIN" 4:13

Houg: moo shivoo: gam yo' byeung" jo, da:. Houg: joem gi Lamei shigam yo' du wigi gye" ge da" shi" zei: jo, da:. Houg: moo Hena yo' Nardu-

COUNG" NGHEI 92:12

Deung byeung" da" byu yigi labam gam su" ko' lo, lam: lo wigi Lebanon boem mo shamu gam joem su" nyangnu" gi youg gyi: lo boem wa zi nghoid.

COUNG" NGHEI 4:7

Nghoid loug we' nang ngoo ri byid: da" gau yi ngei pyo: khyoo: gi nyangnu" yo" yu boem wa zi nghoid. Nyangnu" da" gugzoo meiloem: joem yo' zabyid moin" joem we' dangain" tho moo: je" ge byid:.

GYUNG: SOO" 13:23

Nyangnu" Eshkola janggyoin: ju" lo wigi nyangnu" gi zabyid ajhung: dajhung: za: dadab da" zabyid kung: dakung: ri phe' yu da:. Sung lid: yoomo byu eig yug keing youg: yo' hau: ziri dang ago". Nyangnu" gi lamei shi" cab yo' lafoem shi" dayham" ri we' phyo' ci: lo ago".

ESAIA 24:7

Zabyid nei joem yhau" lo ” wigi Zabyid yhid: gi myung loo wa. Goonham' ngei phyo: bang: yugkhang" moo" gi akhid" koug ago".

YONA 4:7

Nghoid loug we' Mangsoo gi thang: nab kyoo' myo, myang zoo" ri tung: sang" dadu: ri nhang: kaid lho: agam kyug shid: loo" sho' khe" phyed pyam byid:.

MALAKHI 3:11

Nanu" da" shivoo: shiloem yoo ri tung sang" jhenkhyeug joem azo: shoin' pyam nhang: wa ziyo' nanu" da" zabyid khyam: mo zabyid shi" joem ri we' amyheing shi" ri ashu: gyo" pyam nhang: wa» ga: yoem: moo" bo da" Aseing gi tid nyid.