YOELA 1:10 - Lacid Common Language Bible

¹⁰ Yoothung" joem gi myid keing: doem nghoid jo, boem bye:- gug yoo joem gi phyo' shoin, pyam zi shau" boem wigi mougmyid gi koug ngau nyid bye:. Zabyid nei joem we' kyoug shid: byoug wigi zhainloin: gam joem we' kyoug shoem: loo" bye:.

YOELA 1:10 Referans Kwoze

HOSEA 4:3

Houg: yoomo mougmyid gi kyug lo" byug wigi hau: mougmyid dang moo nyid ja: dangain" zi shid: byug goo" wa. Gougnyhoug dangain"- ngho' dangain" yo' wimdo, joem lang" shid: thang byug loo goo" wa.

HOSEA 9:2

Nghoid loug we' khamyhang amyang" ri nanu" gi shivoo: yo' zhainloin: xu: atham: yo" ziyo' zabyid yhid: we' ajo, byug wa.

YEREMIA 12:11

Nyangnu" gi hau: ziri myid cen: doem: koid pyam abye:. Hau: zigi nga" shidkhoin" moo jham" coug: youg jo, jo, da:. Da: mougmyid goin" gi dain" pyoid yoo bue" byug bye:. Houg: lho: hang" we' cishu: anhang: nghoid da:.

YOELA 1:5

Yhid: ya: yi we"- so" re" boem lho: ngoug ge'. zabyid yhid: shug mo, we" yoid ngau nyid ge'. Zabyid yhid: aseig ri koid yu wa da" zabyid shi" joem gi phyo' shoin: pyam zi shoug" bye:.

HAGI 1:11

Ngoo gi myidjang ri kyug nhang: wigi boem tho' moo we' yoodam moo we' shivoo: khyam: moo we' zabyid khyam: yo' zhainloin: khyam: moo we' hau: lho: shoo" zoo: shoo" shug noem ce" ja: moo we' byu xangsu: shid re" we' gougnyhoug goug: do: tho' moo we' nanu" gyi: sheung: loo wa ga: yoem: kaid nyid moo" zoo" dangain" tho' moo we' kyug fo: loo" nhang: bye:» ga: tid.

YOELA 1:12

Zabyid nei joem yo' lafoem gam joem we' yhau" loo" bye:. Shigam joem dangain" gi yhau" shid: lo" abye: go". Byu yi da" gau yi ngei pyo: khyoo: ein: zigi bei: lo" byug bye:.

YEREMIA 48:33

Ngei pyo: ziyo' gau yi zigi myidxu: ge' da" Moba mung" mo yu lo" byug abye: go". Zabyid nang: jang: mo zabyid yeing yau ziri ngoo toem' pyam bye:. Zabyid yhid: koid wigi gau lho: nyhoo: wa byu dayug we' anyid loo.

YEREMIA 12:4

Ngoonu" da" mougmyid gi khamyhang ju" sho' kyug hei' jo, wa la". Houg: lho: janggyoin: dangain" mo myo, joem gi khamyhang ju" sho' kyug shid: jo, wa la". ‹Ngoonu" cikoid nyid ziri Mangsoo amyang› ga: tid da:. Ngoonu" byu yi da" akhyeing" moo" yoomo gougnyhoug joem yo' ngho' joem shid: doem: lo" nyid abye:.

ESAIA 24:11

Zabyid yhid: ajo, loo yoomo mung" byu yigi fu" moo" khyoo: moo: nyho: nyid boem ago". Ngei pyo: zigi apyaid atoo: moo thang byug bye:. Hau zigi mungdain: khoug: mo khaid thu pyam' zi shau" abye:.

XOIN" NGEI" 26:20

Nanu" yoem: kaid lho: koid to" da" moo" gi nanu" shid re" akyu" abyid: wa. Ciwim gari: nanu" mougmyid gi shivoo: shiloem athu ziyo' seiggam joem gi ashi" azei: wa.

APOEM AYANG: 4:12

Nang gug zoo: shivoo: sho" nghoid loug we' myidjang mo gug zoo shivoo: thu wa zi anghoid. Nang gi yhoem: yoo ayoo" mougmyid tho' moo so" lheing: yen" ca" wa nghoid».

ESAIA 15:6

Nimrim lang gi kain" byug lho: gyid yam mo mhain" joem gi kyug shid: lo" ago". Mhain" nyoug: ci we' ajo, loo:.

ESAIA 24:7

Zabyid nei joem yhau" lo ” wigi Zabyid yhid: gi myung loo wa. Goonham' ngei phyo: bang: yugkhang" moo" gi akhid" koug ago".

YOELA 2:19

Aseing gi nya: mung" byu yiri hidsu" ga: phoug tu"- «Akhid" ngoo gi nanu" ri shivoo:- zabyid yhid: yo' zhainloin: xu: byid: wigi nanu" gi nheugdeug loo goo" wa. Tungbau byumyu" yigi nanu" ri aphoug" akhyoid ayo" koid loo goo" wa.

HABAKU 3:17

Lafoem gam joem gi ashi" azei:. Zabyid nei joem moo we' zabyid shi" adab loug we' zhainloin: shi" we' amoo wigi tung yoo yoothung" moo gug zoo mei: loem: athu nghoid loug we' yang joem dangain" we' shid: thang lho: nu: khoem: joem we' akoem: nghoid jo, loug we'.

MALAKHI 2:3

Ngoo gi nanu" da" zoo: yi myid: yiri dam byid: wa ngoo gi nanu" pui" moo ci: re" da" gougnyhoug khyid" nanu" da" myonhoo: moo joid byid: lho:-nga" shidkhoin" mo houg: khyid" yo' dage" khaid thu pyam wa zi nghoid.