YEREMIA 1:16 - Lacid Common Language Bible

¹⁶ Ngoo gi nga" byumyu" yiri yooboo dam byid: wa. Ciwim gari nyangnu" yooboo shoid abye: go". Nyangnu" gi ngoo ri too" kho' abye:. Phara" gootu: ri xoin" ngei" byid: wigi soolhoo: joem koid lho: hau: joem ri no' ago".

YEREMIA 1:16 Referans Kwoze

YEREMIA 19:4

Ngoo gi he: ziri koid wa ciwim gari byumyu" yigi ngoo ri she: pyam wigi yu phara" joem ri xoin" ngei" byid: khyo" wigi he: joyoo ri ayung" alhoo' koid pyam bye:. Hau: yu phara" joem khyoo: ri nyangnu" we' nyangnu" phoug" phyid" yi we' Yuda khokham yi we' ci: we' ase' nghoid ago". Nyangnu" gi he: joyoo moo ce: yooboo ayoo" bang: da" suid" za: byeung" sho' koid to" ago".

YEREMIA 7:9

Nanu" gi khau" zo:- byu said- myi: shoid lang shoid- jham' tang: wigi mhau'- Bala ri xoin" ngei" byid:- nanu" shid phyang" khanham we' ase' lo da" yu phara" joem ri no' ago".

ACTS 7:41

Hougsu" wigi nyangnu" nujung soolhoo: daloem: ri koid shab, to" lho: wigi hau: nujung lhoo: ri xoin" to' byid: ziyo' - nyangnu" koid to" da" phara" ri coung" nghei byid: da" pui" zeing koid boem ago".

ESAIA 2:8

Nyangnu" mungdain: gi yu phara" soolhoo: byeung" sho' jo, da:. Houg: lho: nyangnu" lo, wigi koid to" da" zi joem ri nyangnu" noku coung" ago".

TARHA" TID POIN" 28:20

«Nanu" gi akhyeing" ashoeb zi koid wigi Aseing ri ngeug he: pyam nghoid rigi nyang: gi nanu" adang moo byo, yoin" lo" zi nhung khoid ziyo' nanu" koid moo" ja: khang" moo" ri yau: khi" nhang: wa zigi nanu" bain sho' myab myab doem: lo" da" ayo, ju" sho' nghoid wa.

HOSEA 11:2

Nghoid loug we' ngoo nyang: ri je khi: lang" nyang: gi nga" jang" mo je lheing: phug lo" da:. Nga" byu yigi Bala ri xoin" ngei" byid: da:. Nyangnu" gi soolhoo: joem ri nam pyo: ja: nghe' ngei" byid: da:.

HOSEA 8:6

Israela lo, moo" zei: su: dayug gi soolhoo: ri koid to" da:. Houg: lho: hau: zigi yu phara" nyang: anghoid nghoid da:. Samari moo no' da" nujung loo: gi ajab, amoin' baid khyoeb pyam zi shoug" wa.

YEREMIA 44:17

Ngoonu" koid wa ein: tid to" da" ja: khang" moo" ri ngoonu" koid wa. Ngoonu" yo' ngoonu" phoug" phyid" yi ngoonu" khokham yi yo' vhujhung: yi Yuda voomoo" joem moo yo' Yerusalem fu" moo" khyoo: moo ngoonu" lhung koid lo ziyo' dayhang: ti"- ngoonu" da" yu phara" myhi' joem mougkhung: moo khokham myhi' joem ri ngoonu" xoin" ngei" byid: wigi nyang: ri zabyid yhid: foid shoin" byid: wa. Houg: lang" ngoonu" gi zoo: noem agoin agoo" yo" wigi nyid de lho: yau: khi" ashau" wa.

YEREMIA 17:13

Aseing we"- nang gi Israela da" myid byu jang: nghoid da:. Nang ri she: pyam boem da" bang: gi sho' phu" loo goo" wa. Nyangnu" gi pheilhoug: boem" moo lhid" to" da" myeing joem yhang: ti" bei: byug wa. Ciwim gari nyangnu" gi gyid sain' gyid bug nghoid da" nang Aseing ri she: pyam pyam yoomo nghoid.

YEREMIA 4:12

Aseing da" amyeing" khyo" ju" lo da lid gi hau: tho' je thain: da" zi nghoid wa. Hau: zigi nya: byumyu" yiri dang: phyed khyoo: tid fu" da" Aseing nyang: nghoid loo wa.

ESAIA 37:19

Houg: lho: nyangnu" yu phara" ri we' nghe' pyam byid bye:. Hau zigi yu phara" dangain" anghoid- byu lo, yo' koid to" da lug boem yo' seig soolhoo: joem za: danghoid.

2 KHOKHAM 22:17

Nyangnu" gi ngoo ri he: pyam wigi yu phara" gootu: ri xoin" ngei" byid: abye: go". Houg: lho: nyangnu" koid bye: da" moo" dangain" gi nga" nheig yo: khyoo: ri lhu: zhang" kaid da:. Ngoo gi Yerusalem ri nheig yo: thougtheung wigi houg gi nheig yoo: agyoo" wa.

YOSHU 24:20

Houg: lho: tungbau yu phara" joem ri dei byid: wa nanu" nya: jang" mo phang lo" nghoid rigi nyang: gi nanu" ri gyi tau" koid wigi yooboo dam byid: loo wa. Nyang: gi shidphyang" nanu" ri ge khyo" koid nghoid loug we' nanu" ri said toem" pyam wa"» ga: tid da:.

TARHA" TID POIN" 31:16

Aseing gi Moshe ri «Nang gi amyang" ri shid: loo wa. Houg: lho: nang shid: byug thang: ri hau: byumyu" yigi ngoo ri zhug azug loo: bue" re" wigi ngoo nyangnu" yo' koid to" da" dang: theing ri phyo' pyam re" boem wa. Nyangnu" gi ngoo ri to" pyam wigi nyangnu" vang yhi: loo wa za: danghoid lo: da" mung" moo tungbau yu phara" joem ri no' goo" wa.

EZEKIEL 24:14

Ngoo Aseing tid too" bye:. Ngoo moo" zei: wa ayo, ju" lo abye:. Ngoo gi re" yooboo joem ri ato" pyam wa. Nheig khyeug myid we' aci: shug wa nheig we' akhyeing wa. Nang koid bye: da" lo, moo" shid re" yooboo dam shoug" kham: zoo: wa. Yoem: moo" bo Aseing tid too" bye:.

YEREMIA 51:17

He: gang mo byu yigi koo" thui: nheig agyeing: thui: gyo: ago". Phara" soolhoo: ri koid bang: gi sho' phu" ago". Ciwim gari nyangnu" koid da" soolhoo: joem gi kangso' abo da" Mangsoo nghoid da:.

YEREMIA 16:11

Houg: lang" Aseing hid su" ga: tid ein: nyangnu" ri tid kyoo" we'. Nanu" da" phoug" phyid" yigi ngoo mo lheing: phug lo" wigi gootu: yu phara" soolhoo: joem ri no' ziyo' dei byid: lo boem bye:. Nyangnu" gi ngoo ri she: pyam too" kho' lho: nga" jhau" shed dang: ri atam" gyoo: nghoid ago".

YEREMIA 15:6

Byumyu" yi nanu" gi ngoo ri ngeug he: pyam ago". Nanu" gi ngoo ri nungthang phug khare" boem abye: go". Houg: yoomo ngoo gi nanu" jhang jhen" re" wigi nanu" ri khyoeb pyam bye:. Ciwim gari: ngoo gi nga" da" nheig yo: ziri zeing: ngheing" bye:.

YEREMIA 11:17

«Ngoo myhang: thang Aseing gi Israela yo' Yuda ri sho" too" bye:. Nghoid loug we' akhid" ngoo gi hau: bang: ri byo, yoin" khyoo: yo' kyug tain' nyid bye:. Nyangnu" gi shoid zi koid yoomo he: ziri nyangnu" ri gyo" zang" abye:. Nyangnu" gi Bala yu phara" ri xoin" ngei" byid: yoomo ngoo ri nheig yoo: nhang: bye:» ga: tid.

YEREMIA 11:12

Houg: lang" Yuda byumyu" yi yo' Yerusalem voobyu yigi nyangnu" xoin" ngei" byid: da" yu phara" joem jhang yhe: lho: pang" yu wa shid re" mho' loo goo" wa. Nghoid loug we' he: byo, yoin" khyoo: ju" loo lang" yu phara" joem gi nyangnu" ri ayo" pang" yu goo' wa.

YEREMIA 10:15

Hau: joem gi ce: aphoug" adab wigi co' ngheing" pyam ca" da:. Nyangnu" ri Aseing wigi dang: phyed wa ga: re" uri phyo' shoin' pyam zi shoug" goo" wa.

YEREMIA 5:29

Nghoid loug we' ngoo Aseing gi hid: joem shid re" nyangnu" ri yooboo dam byid: wa. Ngoo gi he: byumyu" ri latoo: phug wa.

YEREMIA 5:9

Ngoo gi he: moo" joem gang mo nyangnu" ri yooboo dam age byid: rhe". Hid yhang: te" da" byumyu" yiri latoo: phug wa a eung: rhe".

YEREMIA 4:28

Moug: myid gi koug ngau loo wa mougkhung: gi ceig no, loo wa. Aseing gi tid too" bye:. Houg: lho: nya: myid ri athid wa. Nyang: gi myid nheigloem: myid phyed too" bye:. Houg: lho: adoem tau" loo wa.

YEREMIA 2:17

Israela we"- nang gi he: ziri nanya: gung moo ke" yu abye:. Nang gi nang ri khyoo: khyo" wigi shu" lo uri ngoo Aseing re" Mangsoo ri she: pyam kho' abye:.

YEREMIA 2:13

Ciwim gari nga" byumyu" yigi yooboo eig ja: shoid abye: go". Nyangnu" gi kangso' gyid bug gyid gyeing: nghoid da" ngoo mo lheing: phug lo" da:. Gyid ayo" deing jo, da" gyid teing thoem"- jo, gyam: byug da" gyid teing thoem" joem ri du: ago".

ESAIA 65:3

Nyangnu" ase' sho' loo: ngoo ri nheig yoo: nhang: nyid ago". Nyangnu" gi gyeung" shang: da" khyam: moo tarha" tungbau yu phara" xoin" ti" ngei" byid: wigi tarha" tungbau phoin: joem tho' moo shoem: nam pyo: ja: nghe' byid: boem.

ESAIA 44:15

Byu dayug gi hau: seiggam mo dadu ri thang" koid wigi dadu rigi yu phara" soolhoo: ri koid da:. Houg: mo dadu ri nyang: myi: gang wa shid re" myikhyoem koid lho: zooyho' kang: da:. Gootu: dadu rigi nyang: yu phara" koid lho: hau: ziri no' da:.

2 KHOKHAM MHOOMYID: 34:25

Nyangnu" gi ngoo ri he: pyam wigi yu phara" gootu: ri xoin" ngei" byid: abye: go". Houg: lho: nyangnu" koid bye: da" moo" dangain" gi nga" nheig yo: khyoo: ri lhu: zhang" kaid da:. Houg: yoomo Ngoo gi Yerusalem ri nheig yo: thougtheung wigi houg: gi nheig yoo: agyoo" wa.

2 KHOKHAM MHOOMYID: 15:2

Nyang: gi khokham Asa ri yhe: shoug" wa shid re" yhe: lo" da:. Nyang: gi «Khokham Asa yo' Yuda byumyu" yi Benyamin byumyu" yi we" nga" dang: tam" gyoo: we'. Aseing gi nanu" nyang: yo' dage" nyid myhang nyang: we' nanu" yo' dage" nyid wa. Nanu" nyang: ri sho: boem nghoid rigi nyang: nanu" ri myang nhang: wa. Houg: lho: nanu" nya: jang" mo phug lo" nghoid rigi nyang: nanu" ri she: pyam pyam loo wa.

2 KHOKHAM MHOOMYID: 7:19

Nghoid loug we' nang yo' re" byumyu" yigi tarha" joem ri yo' nang ri byid: to" da" amyeing" joem ri khanham we' acang lho: yu phara" joem gootu: ri no' nghoid rigi

YOELA 2:11

Aseing gi nya: gyidab moo" ri moug: goin da" thui: yhang: ti"- amyeing" byid: da:. Nyang: ri tam" gyo: cang yhe: da" gyiphung: yigi gye" myo: lho: yoem: so' gyi: ago". Aseing da" bidnyid gi khayhi' gyeing" gyoug dain pho" zi nghoid lha". Hougmoo: ashid: loo: hang" se' yo" nyid deing wa lha".

Pang Shug 9:20

He: da" shid gyoin, mo deung nyid mo, gi nyangnu" koid da" lo, moozoo" mo nheigloem: athed, lo boem shi" nghoid ago". Nyangnu" gi yu joem ri we' myo, we' amyang nu: we' agyoo: ayo" so" yen" da" sheing: gyid: lugboem seig thung" yo' koid to" da" phara" soolhoo joem ri anoo: loo: dano" nyid boem ashi" go.

YEREMIA 2:28

«Nanu" nya: shid re" nanu" koid yu da" yu phara" joem gi khakhyoo: loo" bye: la" Nanu" yau: khi" shoug" nyid uri nanu" ri nyangnu" yo" khyoid yu boem nghoid ri khyoid yu boem baja". Yuda we" nang moo voomoo" joem jo, myhoo' yu phara" joem yo" da:.

YEREMIA 10:3

He: byumyu" yi da" laloem lakhoug: gi ce: akyu" aboo nghoid da:. Siyoo mo seiggam dagam thug lheing: kaid da:. Hau: ziri seig lo, moo" zei: su: wigi kyung" cu' to" da:.

2 KHOKHAM MHOOMYID: 28:2

Houg: lho: Israela khokham gi avoid ri cang koid da:. Nyang: gi to' wigi Bala gungdu soolhoo: joem ri: koid nhang: lho:

YEREMIA 2:19

Nanya: akhyeing" ashoeb zigi nang ri yooboo dam byid: loo wa. Houg: lho: ngoo mo phug lo" zigi nang ri dang: phyed loo wa. Nang gi ngoo re" Aseing Mangsoo ri she: pyam kho' ziyo' ngoo moo jhug azug lo zigi khayhi' kho" lho: shoid nhung: ga: ziri yo" se' loo wa. Ngoo yoem: moo" bo myhang: thang Aseing tid bye:.

YEREMIA 7:17

Yuda voomoo" joem moo yo' Yerusalem fu" moo" khyoo: joem moo nyangnu" cikoid nyid boem ziri nang amyang rhe".

YEREMIA 7:18

Zooshang: yigi thang" sho: zheing" ago"- yuggi yigi myi: moid ago". Houg: lho: myiyi: yigi nyangnu" wigi Mougkhung: khokham myhi' ga: myheing da" yu phara" myhi' ri shugbyid: wa shid re" zooyho' phoid wa ga: cen: moin" lheig nyid boem. Nyangnu" gi ngoo ri myid noo nhang: wa khyo" gootu: yu phara" joem ri zabyid yhid foid shoin" xoin" ngei" byid: ago".

YEREMIA 18:15

Nghoid loug we' nga" byumyu" yigi ngoo ri to" myhid pyam abye: go". Nyangnu" gi yu phara" soolhoo: joem ri shoem: nam pyo: ja: nghe' ngei" abye: go". Nyangnu" yhi: eung: da" khyoo: moo nyangnu" thung" thue: leung abye: go". Goonham' mo khyoo: ri nyangnu" acang boem loo nghoid ago". Nyangnu" gi aphang to" da" khyoodeing moo so" ago".

EZEKIEL 16:18

Nang gi nang ri ngoo byid: to" da" za: thau" byimi joem ri yu wigi hau: joem ri soolhoo: joem atho' moo yhe: ke" to" da:. Houg: lho: nang gi nang ri ngoo byid: to" da" zhainloin: xu: yo' nam pyo: xu: joem soolhoo: joem ri ngei" byid: da:.