TITU 3:5 - Lacid Common Language Bible

⁵ Ngoonu" gi loem goem khyoo: shau" yu boem bye:. Hid: yhang: ti" loem: jeung" khyo" shau" yu zigi ngoonu" nyang: zei: so' yoem kaid da" ge da" moozoo" daja: ja: mo yo" yu zi anghoid. Ciwim gari nya: da" nheig khyeug je ju yoomo za hid: yhang: ti" doem khu: yu ziyo' sen: gyid yo' ced" kyeing shed" shang: pyam ziyo' nyang: gi nyhang" nu" ri khyoid' yu bye.

TITU 3:5 Referans Kwoze

2 TIMOTHI 1:9

Mangsoo gi nyhang" koid bye: ge, da" moozoo" aja: ja: yoomo anghoid loo: za: nyang: myid nyeung soin' to" khyoo: yo' jeju" khyo" ngoonu" ri khyoid yu lho: nya: da" byumyu" bue" loo wa shid re" khe: yu to" zi nghoid bye. Nyang: gi moug: aphain" myid' aphain" shi" mo nyang:- Khristu Yesu khyo" wigi hau: jeju" ngoonu" ri byid: too" bye.

1Korinthians 6:11

Nanu" mo dayham" gi houg: yhang: te" da" moo" zei: lai loo mo, za: nghoid abye: go- nghoid loug we' nanu" gi yha" da" Aseing Yesu Khristu da" myeing khyang" yo' we'- yha" Mangso Venyi yo' we'- ced" khyoid ced" young" ziri: shau" wigi- Mangsoo ri ab pyam bye: mo,- Mangso shid khoin" moo: deing: byeung" bye: bang:- bue" lo boem bye.

1PETERU 3:21

He: da" khyoo: gi nanu" ri akhid" khyoid yu to" da" Babtisma kham da" khyoo: ri tu, to" alhoo: nghoid- hau: Babtisma kham da" khyoo: gi gung du: mo aco' ajhoid khyoo: ri ced" pyam' khyo" anghoid loo: za: gyeungshang: da" nheigloem: yo' Mangsoo yo' dang: theung thang" cab, zain: go" to" da" khyoo: nghoid- hau: khyoo: gi nanu" ri Aseing Yesu shid: da" jang" mo doem dei to'' lo da" yoem: khyo" wigi hau: Babtisma kham, khyoo: gi nanu" ri khyoid yu bye.

1PETERU 1:3

Ngoonu" gi ngoonu" Aseing Yesu da" nya: phoo Mangsoo ri jeju" boin: nyid boem shang- khasu" wim gari Mangsoo gi atho' tid da" nheig khyeig shoo" myen: si su: nghoid yoomo Aseing Yesu Khristu ri shid: jang" mo doem dei to'' loo nhang: khyo" wigi ngoonu" ri kangso' aseig byid: bye- houg: yoomo ngoonu" moo dei nyid wa da" nheig byu joyoo ri yo" yu boem bye.

Roma 12:2

Nanu" gi mougmyid asam" aved ri acang nyid goo" nanu" gi Mangsoo: ri nyang: tu: nya: da" nheigloem: xoug" bain' sho' thed' pyam' lho: nheigloem: ung: khoug: aseig khyo" kham: yu ge". - Hougsu" koid' lang" gi geda" khyoo: - Mangsoo: vho: da" khyoo: ce: yooboo foin: jang: ajo lo: da" khyoo: ga: da" Mangsoo: vho: da khyoo: gi ci nghoid ga: ziri nanu" yo" se' lo boem wa.

Ephesu 2:4

Nghoid loug we' Mangso da" nheig khyeig shoo" myen: khyoo: gi athang agoin zi nghoid wigi nyangnu" ri jheddab da" jhed khyeing: kang: khyeing: gi gyi: sheung: jo, lho.

Ephesu 5:26

Nyang: hougsu" koid da" khyoo: gi phung ri gyid yo' bain ced" kyeung pyam thang: moo nya: mungdang: yo' hau" phung: ri Mangso jhang khyoo: ab, nung" byid: khyoo: nghoid.

COUNG" NGHEI 51:10

O" Mangsoo we"- nga" da" akhoug: moo: younglho' da" nheigloem: ri phain" so: byid: lho: nheigloem: zung" khyoo: yo' soozoo: aseig ri nga" da" akhoug: moo: kaid byid: we'.

Roma 11:6

Mangsoo: gi houg: bang: ri nheig khyeug khyoo: khyo" khyen: yu to. ngoonu" da" aved ri yu" lho: khyen: yu zi anghoid. Gyeing" nyang: Mangso: khyen: yu da" khyoo: gi - byu avoidd ri yu" nghoid rigi - nya: nheig khyeug khyoo: gi gyeing" da" nheig khyeug khyoo: anghoid.

HEBRE 4:16

Hougsu" nghoid yoomo ngoonu" gi nheigloem: moo yoem: bo ziyo' Mangso jeju" zhung: tang shid' khoin" khyoo: yu: vang yhe: lo" boem shang. Houg: su" nghoid lang" gi ngoonu" ca" yo lo da" ayo, moo- ngoonu" moo pang" thoug da" je ju" joem ri shau" kham: yu boem wa zi nghoid nyid. .

KOLOSE 3:10

Phain" so: to" da" Aseing: Mangsoo gi hau: byu seig ri Mangsoo nya: da" alhoo: aved' yo' je" je du goo" sho' khanham we' daso koid daso' nyheung nyid houg: su" so' koid so' nyheung: khyoo: gi nanu" gi hau: Aseing: ri joeb, byeung" sho' se' loo wa shid mo nghoid.

COUNG" NGHEI 86:15

Nghoid loug we' Aseing we" nang gi nheug khyeug shoo" myen: se' ziyo' jheddab se' da" Mangsoo nghoid. Nang gi khanham we' kham zeing: su: nheigloem: zung" su: yo' nheug khyeug su nghoid.

GALATI 2:16

Nghoid loug we' byu xangsu: yi gi toung: to" da" tarha" ri cang pyeung da" moozoo" yo' Mangso shid khoin" moo yo" deing byeung" lo" zi anghoid- Yesu Khritstu ri loem" jeung" da" shoid khyo" za: dayo" deing byeung" lo" ziri ngoonu" se' boem- Ngoonu" we' toung: to" tarha' ri cang byeung" khyo" wigi anghoid loo: za: Khristu yesu ri leom" jeung" da" yoomo Mangso shid' khoin" moo deing byeung" bang: bue" loo goo" baja" ga: Khristu Yesu ri loem" jeung" lo boem bye- Khasu" wim gari hau: toung: to" da" tarha" ri cang pyeung" da" moozoo" yo' hang" we' Mangso da" shid' khoin" moo deing byeugng" zi ayo" yu.

Roma 3:20

Tarha" ri cang lo" khyo" - hang" we' Mangso: da" shid' khoin" moo deingbyeing" jang" moo ayo" ju. Tarha" gi - nyang: nyang: shoid' da" yooboo ri nyang: nyang: si wa shid' re" nghoid.

1PETERU 2:10

Mangsoo seung: ci: da" byumyu" yi nghoid bye. Nanu" gi xang: shed" ri Mangso da" byumyu" anghoid- akhid" koem gi Mangso da" byumyu" nghoid bye- xang: shed" ri nanu" gi nheig khyeug zi shau" mo, anghoid- nghoid loug we' akhid" koem gi nanu" nheig khyeug zi shau" boem bye.

Ephesu 4:23

Nanu" da" ung: khoug: nheigloem: yo' myid soin: khyoo: dangain" gi aseig bue" loo nhang: ca" bye.

Roma 3:28

Loem jeung" khyoo: khyo" za Mangso da shid' khoin" moo deingbyeing" khyoo: dayo" yu yoomo toung: to: da: tarha" mo ayo" yu da" khyoo: ngoonu" akhid" se boem bye.

Roma 9:11

Houg: yoomo nya: eig yug akhu: loo shi" da" uri - ge da moo" - akhyeing" ashoeb' da moo" ci: akoid' shi" re nyang: -Mangsoo: gi Rebedkha: ri - re" zoo mang: moo" gi nya: nhung" ri shau" zei: zhoo" wa - ga: tid too" bye. Mangsoo: hid: su" ga: tid to" khyoo: gi - Aseing nyang myid to" zi yo" dakhyoo" ti" Mangmoo" ri akhyen: yu looza: nya: nhung" ri khyen: yu da" khyoo: toin" shid' wa shid' re" nghoid.

LUKA 1:78

Ngoonu" da" Mangsoo: gi nheig khyeig shoo" myen: da" nheigloem: yo" byeung" joeb su: nghoid. Aseing: khyoid khyu: yu da" jeju" ri Mougkhung: tho' mo wigi Bid moo" khyab yhangti" ngoonu" tho' moo doug bang gyoo" loo bye.

LUKA 1:54

Yoo" mo, di mo, ri lo, koem: nhang: kaid.

LUKA 1:50

Aseing: ri phau" myang: gyoug voem da" byu dangain" ri Byu ngoug xi: yam: nya: nheig khyeig da" nheigloem: dabo nyid baja".

MIKHA 7:18

Aseing we" nang yo' du go" da" mangsoo gootu: khayoo: we' anyid loo: nghoid da:. Nang gi nyid deung jo, da" re" byumyu" yi da" yooboo ri khyoid pyam byid: nyid da:. Nang gi apyaid atoo: moo nheig jha" yo: nyid su: anghoid. Nang koem' gi ngoonu" ri re" geung: teung da" jhed khyeing: kang: khyeing: toin" shed nyid jang" moo nheugshid: nyid.

COUNG" NGHEI 143:2

Re" da" deizoo: ngoo ri tarha" dang: phyed khyoo: ashoug" nhang:- Re" shidkhoin" moo: yooboo ayo" zi dayug we' anyid.

COUNG" NGHEI 130:7

Israela byumyu" yi we"- Aseing ri loem khau: nyid we'. Khasu" wim ga: ri nya: da" jhed khyeing: kang: khyeing: gi dageung: teung jo, wigi nyang: gi ngoonu" ri khanham we' khyoid yu nau nyid.

YOBA 25:4

Mangso shidkhoin" moo khayug gi deingmain" wigi yo" gyeung" shang: su: nghoid la.

TITU 3:4

Nghoid loug we' ngoonu" da" khyoid' yu Aseing: Mangso da" jeju" yo' athang agoin da' nheigloem: thu myhang lo da" uri gi

Roma 9:30

ngoonu" tid nau da khyoo: gi hid: su" nghoid. Mangso: da" shid' khoin" moo deingbyeing" mo bue" loo wa shid' re" - yoem: akaid' da: tungbau byumyu" yi gi - Aseing Yesu ri loem jeing" loem" jeung" khyoo: khyo" - Mangso: shid' khoin" moo deingbyeing" mo yo" bue" lo da akhang" yo" yu boem.

Roma 9:16

Houg: yoomo Mangsoo da khyen: yu khyoo: gi byu yi vho: da" khyo" anghoid. Byu xangsu: yi yoem yo" kaid' jang" khyo" we' anghoid. Mangso: nheig khyeug jang" mo za: danghoid.

Roma 4:5

Nghoidloug we' xangsu: byu yi gi nyang: nyang cang da" ge khyoo: ri aloem loo za: Mangsoo: ri za: loem" jeung" nghoid rigi Mangsoo gi nya: da" loem" jeung" khyoo: ri yu" lho: wigi nyang: ri yooboo ayo" ga: dang: phyed' soin: teing to' wa he: khyo" wigi Mangsoo: gi xangsu" byu ri lhoem: kham: yu nyid.

LUKA 1:72

Ngoonu" da" phoug" phyid" yi da" tho' moo nheig khyeig wa ziyo'- dang: theing" khoin" ri myed boin: wa shid' re" tid too" bye.

ESAIA 57:12

Nanu" koid da" lo, moo" jo ga: nanu" jho: ago". Nghoid loug we' nanu" lo, moo" ri ngoo toin" shed byid: wa. Houg lho: nanu" yu phara" soolhoo: joem gi nanu" ri ci: ayo" pang" thoug byid: nghoid da:.

HEBRE 6:6

Nghoid loug we' nyangnu" gi nyang: nya: da" loem" jeung" loem, khau khyoo: ri she: pyam boem bye- nyangnu" gi Mangso da" nya: zoo: ri pyang" zeing moo dalheing: doem baid jen" lhang" lho: mung" byu yi da" shid' khoin" moo aphoug" akhyoid' sho' thu' nhang: boem yoomo nyangnu" ri nheigloem: doem thed' loo wa da" shid re" gi kha: su" we' age bui" loo.

COUNG" NGHEI 86:5

Nang gi ngoonu" tho' moo ge nyid su: nghoid yoomo yooboo ri khyam" sa: byid: nyid. Nang ri akyu" mho' nyid mo, dangain" bang: shid re" re" da" geung: teung jhed khyeing: kang: khyeing: ri joeb, joeb, byeung" byeung" kham: zoo: nhang: nyid bye:.

COUNG" NGHEI 62:12

Nya: da" jhed khyeing: kang: khyeing: gi geung: teung jo, khyoo: ri we' ngoo shoug" gyoo: bye:. Aseing we"- nang gi re" da" byu yi gu: ri nyang: nya: moo" zoo" yo' dakhyoo" ti" coung" nghei ngi shab jhungshug ri nang nyang: byid: wa zi nghoid.

YOBA 15:14

Byu xangsu: dayug gi gyeing" nyang: yo" gyeung" shang: wa la". Byu dayug gi Mangsoo yo' yi" wa la"

YOBA 9:20

Ngoo gi yooboo ayoo"- jhug zug su: nghoid. Nghoid loug we' nga" dang: joem gi yooboo sung shoid bye:. Houg: lho: ngoo tid da" dang: ja: khang" moo" gi ngoo ri yooboo zhug da:.

TARHA" TID POIN" 9:5

Nyangnu" mungdain: Aseing nanu" ri yu nhang: zigi nanu" ge lho: jo zi koid yoomo anghoid nghoid da:. Nyang: gi nanu" phoug" phyid" yi nghoid da" Abraham- Isag- Yaku- bang: ri byid: to" da" dangsoo" ri pyeing noug yoomo we' nyangnu" akhyeing" boem yoomo Aseing gi nyangnu" ri khaid thu pyam wa.

EZEKIEL 36:25

Ngoo gi nanu" da" jang" moo gyid gyeing: yo' pyi: sain" wigi nanu" ri nanu" da" yu soolhoo: joem dangain" mo yo' nanu" ri ayung" alho' bui" nhang: da" gootu: ja: khang" moo" mo younglho' loo nhang: wa.

MATHE 3:11

Ngoo gi nheigloem: thid' goo" baja" ein: nanu" ri gyid moo baptisma ri byid: bye. Nghoidloug we' nga" thang: moo ju" ri" wa su: gi nga" tho' mo yoem: je boo su: nghoid wigi nya: da" khyid: baid' voin byid: wa zilang" ngoo amoin: yi. Hau: yug gi gyeungshang: Venyi: moo we' myi: moo we' nanu" ri baptisma byid: wa su: nghoid.

Roma 11:14

Ngoo gi ngoonu" byumyu" yi ri no" zo: da" byu nheigloem: ri kaid' byid khyo" hau bang: khoug: mo dayham" gi khyoid' yu khyoo: yo" shau" yu boem wa.

HEBRE 10:22

Houg: su" nghoid yoomo ngoonu" gi yooboo yoo" boin: da" nheigloem: ung: khoug: joem ri ced" yung" ced' shang: pyam' lho: ngoonu" da" gung doem: ri we' gyeungshang: da" gyid yo' bain' ced" shang: pyam' lang" ashoid' avhang: loo:- jhug zug da" loem" jeung" nheigloem: yo' Mangso jhang khyoo: yu: tain" vang lo" boem shang.