TITU 2:8 - Lacid Common Language Bible

⁸ Nang ri thougtheung loo mo, gi ngoonu" ri ce: khyoo: moo we' ce: yooboo we' ashau" shoo: lo: yoomo sho' thu goo" baja" nang gi sube" wigi yooboo foin: zi ashug" loo: sho' deingmain" da" dang: joem yo' jhoug" byid: mhoo, byid: nyid we'.

TITU 2:8 Referans Kwoze

1PETERU 2:12

Aseing Yesu ri aloem" jeung"- aloem, khau: mo, gi nanu" ri age da" moo" ri zei: nyid mo, nghoid ga- yooboo foin: nyid uri nanu" koid ge da" moozoo" ri shau" yu" myang wigi Yesu doem gyoo" lo da" bidnyid moo Mangsoo riyo" coung" nghei byid: goo" baja"- nanu" gi nanu" nya: da" shid' khoin" moo ge, lho, da" asam" aved, yo' kang: so dei nyid ge'.

1PETERU 2:15

Nanu" gi nanu" nyang: zei: wa ge da" moozoo" yo' ci" ase' da' byugang: yi da" nhoid ri myhed" pyam' byid: wa shid re" we' Mangsoo myed vho: nyid zi nghoid.

1PETERU 3:16

Nghoid loug we' nu" nham, phau" myang: khyo" phoid: kyo" nyid ge'- nanu" da" yeug koung nheigloem: moo ce" yooboo we' adab baja"- Houg: su" wigi nanu" ri juang" yi zi shau" nyid da" uri Khristu da" thang: cang mo, khyo" nanu" da" asam" aved, joem ri ge, khyo" tid mo, gi sho' thu goo" wa zi nghoid.

1 TIMOTHI 6:3

Hang" nghoid loug we' adu go" khyo" atoug" khyo" shoid vhang: khyoo: ri jhoug" byid: nyid su: gi ngoonu" Aseing: Yeesu Khristu da" deingmain" joeb, byeung" da" mungdang: joem yo' ngoonu" loem" jeung" da" khyoo: jhoug" byid: ziri abo cang soo" loo za:

2 THESALONI 3:14

He: d a" mougsoug" moo nanu" jhang khyoo:- ngoonu" lhid" foin: kaid' da" mungdang: ri atam" gyo: d" byu dayug yug nyid nghoid rigi nyang: ri xoem" to" lho: nyang: sho' thu' byug baja"- nyang: yo' azoem" goo" loo: goo.

NEHEMIA 5:9

Hau: thang: ngoo gi «Nanu" koid nyid zigi shoid da:. Nanu" gi Mangsoo ri phau" myang: lho: jo ziri koid eung: nyid ago". Houg: lang" nanu" gi tungbau byu- ngoonu" da" gyivoo yi wigi ngoonu" ri coem' juang" wa khyo" ce: daja: we' aboo wa.

ESAIA 66:5

Nyang: ri gyoug phoug" zi yo' tid dang: tam" gyo: da" bang: nanu" we"- Aseing tid ziri tam" gyoo: we'. «Nanu" ngoo ri jhug zug yoomo nanu" da" byu dayham" gi nanu" ri ngheing" wigi nanu" yo' ci: we' asen: da" khyo" koid loo goo" wa. Nyangnu" gi nanu" ri juang" wigi ‹Nanu" gau yi ziri ngoonu" shau" myang sho' Aseing gi nya: yoem: so' gyi: sheung: ziri ci: shug byid: wigi nanu" ri khyoid yu baja"› ga: tid ago". Nghoid loug we' nyangnu" nyang: ngi: yoem" ago".

1 TIMOTHI 5:14

Houg: yoomo gyivoo yi gi ngoonu" da" khyoo: ri age khyo" tid wa joyoo ajo, loo: sho' apyaid' ngi shi" da" cougmoo" myhi, yi gi lo, doem xo' lho: zookhu: du, yau ziyo' nyangnu" da" e" koin, ikoin deungkhu: ri-yu" nyheung goin, coung: nyid wa ziri ngoo je" vho: nyid.

LUKA 13:17

Hid: su" ga: tid kaid thang: ri Yesu ri gyikoid noug mo, gi sho' thu' abye: go. Byu phung: moo" dangain" mo, koem gi Yesu zei: da" mau" pho" moo" joem yoomo gau yi ngei pyo: nyid boem.

MARKU 12:34

Yesu gi hau" yug shoeb shoeb zoo: phoug tu" nyid ziri si' lang" nyang ri nang gi Mangso mungdain yo' atoung" vi: loo: ga: tid. Hau" thang: ri gi Yesu ri hang" we' ci: avoem" myid: boem loo: nghoid ago".

MARKU 12:32

Houg: lang" hau: da" tarha" sara gi Yesu ri nghoid bye- Sara we"- Mangsoo gi dayug kyeung" zi nghoid nyang mo jain lho:-gootu: phara" aboo loo: ga: zi gi deung nyid.

MARKU 12:28

Houg lang" tarha" sara yi mo dayug gi Yesu yo' Saduke dayug yo' dayug tid ngeug go" nyid boem ziri-shaug" gyoo: lang" Yesu nyangnu" ri shoeb shoeb za: phoid: byid: nyid ziri-shau" myang lang" gi nya: jang" moo re" lho:-nyang" ri amyeing" tarha" mo kha: loem: je gyi: thang zi nghoid lha"» ga: myid;-

MARKU 12:17

Hau: thang: Yesu gi gi bye- Roma kho: sen" seung: gu: gi Roma kho: sen" ri byid: ge'- Mangsoo yo' sen: gu: gi Mangsoo ri byid: ge' ga: tid. Nyangnu" koem gi gye" mau" byug boem abye: go".

TITU 3:14

Akhid" nyang: ca" yo nyid akhyoo: joem, ri-yo" joeb, byeung" nhang: sho' yha: da" byu yi nyang" nu" da" ayo, joem ri ge da" moozoo" ri ci: yhung: wa shid re" jhau" yu goo" baja". Nyangnu" da" kangso dei lo" khyoo: moo ce: phoug" adab kangso' age dei nyid.