TITU 1:9 - Lacid Common Language Bible

⁹ Nyang: gi phung: mo jhoug" myeing" jhoug" thui: ri yo' myid coem, veung" da" loem, gi su:- hau: mungdang ri geing: geing: zei: ci: su: nghoid ca" nyid. Houg lang" nyang: gi hau: deingmain" da" jhau" mho' khyoo: yo' byu yi ri yoem: byid: yo" lang: zheung" yu- hau: mungdang yo' azhung" to" da" ngeug se: juang" yi mo, da" shoid vhang: lo" da" khyoo: ri yo" toin" shid' wa zi nghoid.

TITU 1:9 Referans Kwoze

2 THESALONI 2:15

Houg: su" nghoid yoomo mang nhung" yi we"- ngoonu" da" kho" kyo" mungdang: khyo" we' nanu" ri ngoonu" jhoug" byid: bye: da" hau: deingmain" da" khyoo; moo geing: geing: teing teing theung shang" yab, jo, lho: pu" lhang" too" be.

2 TIMOTHI 1:13

Ngoo gi nang ri jhoug" byid: bye: deingmain" da" mungdang: ri nang cang loo" wa da" akhyoo: avoid bui" nhang: wigi geing" geing: zei: ci: lho: Yesu Khristu yo' dadeing: daloem: za: koid wigi kangso' dei nyid khyoo: moo loem" jeung" ziyo' jheddab da" nheigloem: ri geing: geing: dazei: ci: we'.

1 TIMOTHI 6:3

Hang" nghoid loug we' adu go" khyo" atoug" khyo" shoid vhang: khyoo: ri jhoug" byid: nyid su: gi ngoonu" Aseing: Yeesu Khristu da" deingmain" joeb, byeung" da" mungdang: joem yo' ngoonu" loem" jeung" da" khyoo: jhoug" byid: ziri abo cang soo" loo za:

1 TIMOTHI 1:10

Nheugloem: avoid agi bang:- myi: yi nyang: cang"- yuggi nyang: cang"- youg: shoo: goo" bang:- byu myheug yhoem" to" lho: ngei yo' doem khyoid yu nhang: bang:- mhau' lho: adeung amain" da" sagsi: kham, bang:- ce: ja" khyoo: moo we' hau: loem" jeung" da" khyoo: yo' azhung" goo' mo, shid re" koid to" da" tarha" nghoid nyid.

Pang Shug 3:3

Houg: yoomo nang jhau" kham: yu bye: ziyo' shau" gyo: kham: yu bye: da" khyoo: joem ri doem myed boin: lho: houg: moo cang zei: loo" we'. Re" yooboo mo nheigloem: thed' loo we' nang alhid' nyid nghoid rigi khoug" su: yhang: ti" ngoo re" jang" moo ri" wa. Ngoo ju" ri" wa da" ayo, ri lang" nang se' wa zi anghoid.

1 TIMOTHI 1:15

Yooboo dab, mo, ri khyoid yu wa shid re" Yesu Khristu gi mougmyid' khyoo: ju" ri bye"- ga: da" dang: khoin" gi khyag nyang: kham: yu ge ziyo' loem, ge" da" dang: khoin" nyang: nghoid bye. Hau: yooboo dab, bang: moo ngoo gi gyi: thang da" yooboo dab, su: nghoid nyid.

TITU 2:1

Nghoidloug we' nang koem' gi jo da" loem" jeung" khyoo: yo" du veing" go" da" laloem lakhoug: nheigloem: sham: shoin" goo" wa khyoo: ri kho" kyo" jhoug" byid: ca" nyid.

TITU 1:11

Nyang: nu" da" tid sang: nyid boem da" nhoid ri nghoeb pyam' byid: boem ca" bye. Ci: yoomo gari nyangnu" gi age jhoug" byid: da" khyoo: ri zheung: jhoug" byid: boem wigi yhoem: goin" goin" ziri byo, sain" loo" nhang: pyam' boem ago". Hau: khyoo: dangain" gi nyangnu" da" asho' ashid: ngei sho: khyoo: za: nghoid nyid.

2 TIMOTHI 4:3

Byu yi gi hau" deingmain" ziyo' ca yoo abo da" jhoug" myeing" jhoug" thui: ri atam" gyo: boem wigi nyang: tu: nya: nheigloem: aco' ajhoid khyoo: moo za: te: cang lo" boem ziyo' nyangnu" da" nheigloem: moo yo: phoin: loo" sho' nyang: tam" gyoo: nau da" se' jhoug" byid: da" sara: yi je" je, myo: lo boem sho' khyu: zheung" yu da" ayo, gi ju" loo wa zi nghoid.

1THESALONI 5:21

Dangain" ziri leug kyeung yu" lho: wigi ge da" khyoo: ri lhoem: yu wigi lhei, teung too" ge'.

DANG: ZHOEM 23:23

Deingmain: khyoo: phajhi" juyhi: bo da" khyoo: jhau" kham: yu khyoo: joem yo' ge da" nheigloem: hau: ziri nang gu phyed lho: ung" zoo: wa ein: lang" age myid yu: sho' phoug" dab, zi nghoid.

YOBA 2:3

Aseing gi «Nga" dei zoo: Yoba ri shau" myang rhe" Mougmyid dang mo nyang: yhi' jhug zug wigi ge zi dayug we' anyid. Nyang: gi ngoo ri noku wigi akhyeing" ashoeb da" moo" daja: we' akoid loo sho' zid" nyid da:. Nyang: gi nyang: ri ce: sei: abo jang" moo phyo' shoin' wa shid re" ngoo ri jhu' phyo' nghoid loug we' Yoba gi goonham' mo yhang: ti" za: jhug dazug nyid ashi" da» ga: tid da:.

Pang Shug 3:11

Ngoo phyed za: ju" ri" wam: bye- re" da" oung: lo" jhung: shug aphoug" gi hang" we' ayo" lhoid yu baja"- nang yo" yu bye: zi ri geing: geing: dazoem: ci: we'.

Pang Shug 2:25

Nghoid loug we' nanu" gi nanu" nya: da" lo, moo" ri ngoo ju" re" jang" moo ju" sho' geing: geing: teing teing zei: ci: ge'.

YUDA 1:3

Jheddab, da" bidnoem yi we"- nanu" dangain" mo, bain' loem" jeung" kham: yu ci: bye: da" khyoid yu khyoo: ri ngoo gi nanu" jhang khyoo: lhid" kaid' wa shid' re" yoem: kaid' nyid uri Mangsoo gi dalheing: dam nya: da" byumyu" yi ri bain' nyeing byid: too" bye: da" loem" jeung" khyoo: geung: teung jo, baja" ga- loem: zain: oung: myid boem wa shid re" nanu" jhang khyoo: mougsoug" myab, myab, lhid" lho: wigi yoem: byid: ca" khyoo: shau" nyid.

2 TIMOTHI 2:25

Nyhang" nyang: ri ngeug se: doin: lhoem" keung" lo da" byu yi ri so' koid so' nyheung: jang" moo nu" nham, sam" dab, khyoo: se' koid su: nghoid ca" nyid. Khasu" wim ga: ri nyangnu" gi nheigloem: thed' lo lho: hau" deingmain" da" khyoo: ri se' gyo: loo wa da" akhang"- Mangsoo gi nyangnu" ri byid: ri byid: loo wa zi nghoid.

2 TIMOTHI 2:2

Sagsi: myoo" sho' bang: da" shid' khoin" moo nga" jang" mo nang jhau" yu gyo: yu bye: da" jhoug" myeing" jhoug" thui: ri ci: lho: byu gooji" ri we' yo" doem, jhoug" byid: wa zi nghoid ein: wigi nang leom, ge" da" byu yi ri doem, thoid' ab, byid: wa.

1 TIMOTHI 4:9

He: da" khyoo: gi deingmain" ziyo' gyeing" nyang: bain' sho' kham: yu lho loem" jeung" ge, da" deingmain" dang: nghoid.

1 TIMOTHI 1:19

Hau: tho' moo gootu: nang moo loem" jeung" khyoo: yo' gyeungshang: da" boin: gyeing: se' nheigloem: bo jo, baja"- byu dayham" bang: gi houg: yhang: te"- gyeungshang: boin: soo" se' da" nheigloem: soozoo: wigi tid poin" tid kyeung ziri atam" gyo: boem yoomo nyangnu" da" loem" jeung" nheigloem: ri lhu: phyo' pyam' boem ago".

ACTS 18:28

Khasu" wim gari Yesu gi Meshia nyang: nghoid bye"- ga: ziri jhoem: mougsoug" mo sagsi: joem yo' khyag khyag za: toin" shid' byid: wigi mung" byu yi da" shid khoin" moo Yuda byu yi ri yo" tid oung: pyam' bye.

YOBA 27:6

Ngoo jo ein: ziri atid loo: khanham we' to" pyam wa zi anghoid. Nga" nheigloem: yung" yung" danghoid.

1Korinthians 14:24

Nghoid loug we' byu yug khang" moo" gi Mangso mungdang: kho" kyo" nyid boem nghoid rigi- aloem" ajeung" bang- hougsu" anghoid lang" yu maya" byu yi ju" vang lo boem nghoid rigi- nyangnu" shoug" gyo: da" mungdang: yoomo- nyangnu" gi yooboo yoo" bang: nghoid ziri- goolhoo: nyang: se' gyo: boin: gyeung: lo" boem wa zi nghoid.

2 TIMOTHI 3:14

Nghoid loug we' nang koem gi jhau" mho' da" khyoo: ri kham: yu wigi geing: geing: teing teing loem" jeung" nyid bye: da" hau: deingmain" da" khyoo: moo xo' lho: d acang yhe: loo" we'. Re" sara: gi hang" nghoid ziri nang se' nyid gu nhgoid bye.