TITU 1:6 - Lacid Common Language Bible

⁶ Hau: phung: ludaid phoo gi ce: yooboo aboo su- myi: dayug za: yoo" su- nghoid ca". Nya: zooyi we' loem" jeing" bang: nghoid ca". Kyang: da" aved asam" yo' dang: atam" gyo: da" khyoo: moo myeing thu da" zooyi age nghoid.

TITU 1:6 Referans Kwoze

1 TIMOTHI 3:12

Nyang: nu" da" yhoem: seing: myhi' we' asam" avoid, gi bang: nghoid wigi sube" da" lu, wim gei sang: shang pyang: bang: anghoid loo: za: myonhoo: phung" yoeb, bo lho: khyoo: khaid khang" moo" moo nheigloem: dain: bang: nghoid nyid boem ca.

TITU 1:10

Khasu" wimgari- byu myoo" sho' gi gooji yi ri nyangnu" gi akhyoo' abo da" dang: join, joem yo' tu: phoug tu: lhoin" lho: mhau' fain" jhu, phyo' yen" ago". Je" je, gi Yuda noku thung" mo phug lheug vang loo mo, nghoid boem ago".

Ephesu 5:18

Yhid: ashug yed, nyid goo"- hau: zigi nanyang: ri lhu: phyo' shoin pyam wa zi nghoid nyid. Hau: gung khoo: venyi: yo' joeb byeung" nyid ge'.

EZEKIEL 44:22

Khainjung gi kang" pyam to" da" myiyi: yo' lo, age xo'. Nyang: gi Israela zoomyi: gyeing" anghoid lang" khainjung goo" yug da" cougmoo" ri za: dage yu da:.

XOIN" NGEI" 21:7

Khainjung dayug gi shava myhi bue" yu" bye: su: ri we' zoomyi: gyeing" anghoid lo: su: ri we' yuggi yo' gang: nyid shau" su: ri we' lo, age xo' yu nghoid da:. Nyang: gi gyeung" shang: yug nghoid.

1THESALONI 5:14

Hau: lho: mang nhung yi we"- nei" nyid bang: ri tid poin" tid kyeing" go" nyid ge'- nheigloem: nge loem: nge nyid bang: ri nheig teing ung: teing byid: nyid ge'. hoem: nu: bang: ribo pang" bo thug byid: nyid ge'- dangain" mo, da" atho' moo zeung: kham' nyid ge'.

LUKA 1:5

Yuda khokham" Herod da" pyaid moo Zakhari ga: da" khainjung agyi dayug nyid. Nyang: gi Abia ga: da" khainjung phung: moo boo su: nghoid. Nya: yhoem: seing: myhi' gi Elisabed ga: zi nghoid. Elisabed we khainjung akung: ako' mo nghoid.

DANG: ZHOEM 28:7

Tarha" ri cang lo" da" zooyam, phoo gi vhu" nug gi su: nghoid- ce" akyu" abo da" byu yi yo, zoem" khau: yen" su: gi nya: phoo ri sho' thu nhang: nyid su: nghoid.

1 SAMUELA 2:22

Akhid" gi Eli gye" mang: bye:. Nyang: gi nya: zoo: yi Israela byumyu" yiri zoem" khau: gu: dangain" yo' Aseing da" zoem" khoem" duang: moo moo" zei: da" myiyi: yi yo' nyangnu" dage" yhoeb go" nyid ga: ziri shoug" gyoo: bye:.

1 SAMUELA 2:11

Hau: thang: ri Elakana ri Rama voogung moo jo, da" nya: yhoem: khyoo: doem loo" nghoid loug we' zooshang: Samuela gi Shilo voogung moo nyhid: kho' wigi khainjung Eli da" lo, khoug: moo nyid lho: Aseing da" moo" zoo" ri zei: nyid da:.

XOIN" NGEI" 21:14

Cougmoo" ri we' yuggi yo' gang: nyid shau" da" myiyi: ri we' shava myhi' ri we' lo, age xo' yu nghoid da:. Nyang: gi nyang: nya: akung: mo zoomyi: gyeing" ri kyeing" lo, xo' yu wa zi nghoid.

APOEM AYANG: 18:19

Nyang: gi nya: zoo: yi yo' amyed ashen yigi ngoo ri phau" myang: lho: jo da" khyoo: yo' deing byeung" da" moo" zei: wa shid re" tid wa su: khyo" ngoo gi nyang: ri khyen: too" bye:. Nyangnu" tam" gyo: boem nghoid rigi ngoo we' nya: shid re" dangain" koid byid: wa ein: ngoo dangsoo" byid: too" bye:» ga: tid.

MALAKHI 2:15

Nanu" ri dagung dashoo" za: Venyi: daloem: za: bui" nhang: su: gi Mangsoo anghoid goo" rhe". Houg: ri hidsu" bue" lo zigi ce: noem yoomo nghoid lha". Deingmain" da" Mangsoo ri gyoug phoug" se' da" zookhu: du youg wa shid re" nghoid. Houg: yoomo nanu" hang" nghoid loug we' xang: shi" yu to" da" yhoem: seing: myhi' ri she: pyam da" dangsoo" aphyo' wa shid re" zid" lhid nyid we'.

1 TIMOTHI 1:9

Gyeing" nyang: ein: rigi ngoonu" se' gyo: too" ca" da" khyoo: gi hau: toung: to" da" tarha" gi byugi yi shid re" anghoid. Tarha" ri shoid nyid mo, yo' yooboo yoo" bang:- Mangsoo ayoo" mo, yo' yooboo dab, bang:- loem, khau: da" noku thung ri acang bang:- loem" jeung" khyoo:- hougsu" anghoid lang" gi Venyi khyoo: moo nheigloem: aboo mo, nyang: nya: myhi' phoo yi ri said' pyam' bang: yo' byu ri said' mo,