TITU 1:11 - Lacid Common Language Bible

¹¹ Nyang: nu" da" tid sang: nyid boem da" nhoid ri nghoeb pyam' byid: boem ca" bye. Ci: yoomo gari nyangnu" gi age jhoug" byid: da" khyoo: ri zheung: jhoug" byid: boem wigi yhoem: goin" goin" ziri byo, sain" loo" nhang: pyam' boem ago". Hau: khyoo: dangain" gi nyangnu" da" asho' ashid: ngei sho: khyoo: za: nghoid nyid.

TITU 1:11 Referans Kwoze

2 TIMOTHI 3:6

Nyang: nu" mo dayham" bang: gi sube" yhoem: moo; cang vang yen" lho: asi aboin: khyo" ase' myid soin: yu" da" yoem: nu: nyid myi: yi: yi ri nyangnu" lo, moo vang sho' mhe, yu ago- hau" myi: yi: yi gi nyangnu" shoid lid lo" yooboo yoomo nheigloem: yoolid: voin, lho: myid' apyo: zoore"- gung shoo" aco' ajhoid khyoo: aja: ja: moo bo myu: lo" wigi

1 TIMOTHI 6:5

Hau: tho' moo gootu:- nheig abo ziyo' deingmain" khyoo: ri amyang ase' bang: jang" mo ngeig goo" byo, go" da" khyoo: gi daso' so' bue" thu lo nyid. loem, khau: da" noku thung" eing: zigi yoo" zoo: yoo" shug da" de lo khyoo: nghoid- ga: nyangnu" myid yu ago".

Roma 3:19

Tarha" moo bo da" zi dangain" gi - tarha" khoug: moo nyid mo shid' re" za: danghoid da" khyoo: - byu yi da" kyiyang myeing da" nhoid' joem ri nghoeb' pyam' byid: wa zi yo" - xangsu: byu dangain" gi - Mangso: da" tarha" dang: phyed' da khyoo: ri kham nhang: wa shid' re" nghoid. da" zi ri akhid" ngoonu" se boem bye.

TITU 3:10

Byo, gang: go" lo" khyoo: ze" bue" kaid' su: rigi atham: thang eig lheing: koo: tid poin" tid kyeung" thang: ri nyang: yo' tei" goo" xo' go" khyoo: ci" we' ayhe: koid loo.

COUNG" NGHEI 63:11

Mangsoo gi khokham ri oung: doid lo" khyoo: byid: yoomo khokham phoo gau yi ngei pyoo: wa zi nghoid. Mangsoo da" myeing khyang" khoug: moo dang: theing too" bang- nyang: ri coung" nghei boem wa. Nghoid loug we' mhau, fain" da" nhoid joem ri koem gi myhed" pyam byid: zi shau" boem wa zi nghoid.

TITU 1:9

Nyang: gi phung: mo jhoug" myeing" jhoug" thui: ri yo' myid coem, veung" da" loem, gi su:- hau: mungdang ri geing: geing: zei: ci: su: nghoid ca" nyid. Houg lang" nyang: gi hau: deingmain" da" jhau" mho' khyoo: yo' byu yi ri yoem: byid: yo" lang: zheung" yu- hau: mungdang yo' azhung" to" da" ngeug se: juang" yi mo, da" shoid vhang: lo" da" khyoo: ri yo" toin" shid' wa zi nghoid.

TITU 1:7

Khasu" wim ga: ri phung vhoeb phoo gi Mangso moozoo" ri yoovoin yu lho: wigi voinvu, nyid su: nghoid yoomo yooboo aboo su: dage koid. Nyang: gi nheigloem: myhang: su:- nheig yo: phoin: su:- yhid" shug noug su:- myeing" myoo: yhoo: shi: su:- dang: nug nu: su: age nghoid ngi ri myo, no, vhoo: boo su: we' age koid.

MIKHA 3:5

Nga" byumyu" yigi ngei byid: mo, rigi myenjham" khyoo: yoo" wa ga: dangsoo" byid: da" lapi: yi wigi mhau' jhoem" zi shau" ago". Nghoid loug we' ngei abyid: mo, rigi gyi khyo" kyug nhain' ago". He: lapi: yiri Aseing tid zigi

COUNG" NGHEI 107:42

Deungbyeung" da" byu yigi hau: khyoo: joem ri myang wigi gau yi nyid boem nghoid loug we' akhyeing ashoeb bang: dangain" ri koem gi no: jham" loo" nhang: pyam bye:.

2~KORINTHU 11:10

Khristu da" deung main" da" dang: ngoo moo bo jo, ziyo' dakhyoo"- ngoo hidsu" phau: khuang da" khyoo: ri Akhaia mung" joyoo khyi, khang" moo" khyoo: hang: we: yo' toem, jham" loo" nhang: wa zi anghoid ein: wigi ngoo dang: soo" byid: to.

LUKA 20:40

Houg yoomo nyangnu" gi nyang: ri dang: dakhoin" we' azheing: voem" myid: boem boem loo..

MIKHA 3:11

Voomoo" mo zoug: yigi khougvhoid jhungshug yoo" wa shid re" vhoebkhang" nyid ago". Khainjung yi we' aphoug" yoo" wa gu: za: tarha" ri phid: jhau" byid: nyid ago". Lapi: yigi ngei yoo" wa shid mo nyangnu" nya: da" yoeb myang ri toin" shid nyid ago". Hau: lho: nyangnu" dangain" mo, «Aseing gi ngoonu" yo' dage" nyid» ga: tid fu" nyid ago". Nyangnu" gi «Ngoonu" moo ce" yau: khe" khyoo: we' aju" wa Mangsoo gi ngoonu" yo' dage" nyid» ga: tid.

EZEKIEL 16:63

Ngoo gi nang koid shoid lid: lo da" shoid moo" dangain" ri yooboo khyoid pyam byid: wa. Nghoid loug we' nang gi hau: joem ri myid boin: wigi re" nhoid ri ayo" foo' loo: sho' myid sho' loo wa» yoem: moo" bo Aseing tid too" bye:.

EZEKIEL 13:19

Nanu" gi Yoono, dajhi' yo' zooyho' dajhi' ri yo" shau" yu wa shid re" nga" byumyu" yi shidkhoin" moo ngoo ri ngi: yoem" nhang: da:. Nanu" gi shid: wa amoin: bang: ri said pyam lho: nanu" gi dei nyid wa amoin: bang: ri dei nyid nhang: da:. Houg: lho: nanu" gi nga" byumyu" yiri mhau' dang: tid wigi nyangnu" gi nanu" ri loem ago"» ga: tid da:.

YEREMIA 8:10

Houglho: ngoo gi nyangnu" da" mougmyid joem ri subi" goo" bang: jhang byid: pyam wigi nyangnu" da" yhoem: seing: myhi' yiri we' yuggi gooji bang: jhang byid: pyam wa. Byu gyi: zoo: nge zoo: yi yugkhang" moo" gi adeingmain" khyo" ngei shoo: wa yoem kaid nyid boem. Lapi: yi yo' khainjung yi lang" byumyu" yiri mhoug zo: ago".

YOHAN 10:12

Lang: jhang gi yang zung" su: ti" anghoid. Yang seing: we' anghoid. Yoomo voem, khuid" joem ri" yo" myang lang" yang joem ri she: pyam too" kho' lho: thu' phang: lo" nyid. Houg: yoomo voem, khuid" joem gi yang phung: ri khaid ngaid wigi lhu: sain" pyam nyid.

MATHE 23:13

«Akug void da" tarha" sara: yi yo' Pharishe nanu" gi joem: loo" goo" wa. Subi" mougkhoung: mungdain: khyoo: vang loo" wa ga: soin' lo" da" uri nanu" gi khoem" myhid" byid: ago". Nanu" nyang: we' avang lo" boem. Vang loo" wa ga: yoem: kaid nyid mo, ri we' vang loo" wa da" akhang" abyid: boem zigi nanu" shid re" khayhi gyoug phyoo" nghoid.

1 TIMOTHI 5:4

Nghoid loug we' cougmoo" dayug yug gi zoo: myiyi yo" nghoid rigi nyangnu" gi nyang: nya: ikoin deungkhu: shid re" loem, khau: da" noku thung" yo' sen: lho: wigi zei: ca" da" yoovoin, joem ri xang: shed" moo jhau" yu nyid goo" baja". Hougsu" koid khyo" wigi nyang: nya: da" myhi, phoo phoug" phyid" yi ri jeju" toug" byid: goo" baja". Khasu" wim ga: ri hau: khyoo: gi Mangsoo ri vho: ngei nhang: da" khyoo: nghoid.

1 TIMOTHI 5:13

Hau: tho' mo gootu: nyangnu" gi dayhoem: mo dayhoem: khyoo: cangv ang lam" yen" lho: ayo, ri thang loo" nhang: se' nyid boem. Hau: tho' mo, aje ge da" khyoo: gi nyangnu" atid' eung: da" dang: ri cang tid- gei sang: lu wum, yen" boem ziyo' nyang: yo' ci" we' asen: khyoo: moo cang‹ vang lhu: lheug yen" boem.

2 TIMOTHI 2:18

Nyang: nu" gi hau: deingmain" khyoo: mo vhang: lo" wigi ngoonu" da" dei to'' lo khyoo: gi bain" bue" lid loo" bye"- ga: tid nyid ziyo' byu dayham" bang: da" loem" jeung" nheigloem: ri lhu: nhung lhu: phyo' byid: pyam' bye.