RUTHA 4:13 - Lacid Common Language Bible

¹³ Houg: yoomo Bua gi Rutha ri nya: yhoem: seing myhi' khyo" shu" yu bye:. Aseing gi nyang: ri mainkaid byid: yoomo nyang: gi zoonu" gung bue" lo lho: yug gi zoo: ri khu: kaid bye:.

RUTHA 4:13 Referans Kwoze

APOEM AYANG: 33:5

Eso gi ayam moo yu" yu" kaid lho: myiyi: joem yo' zooshang: joem ri myang lang" nyang: gi «Nang yo' lo da" hid: bang: hang" bi" nghoid» ga: wigi myid. «Yhoem: seing: we"- he: da" zooshang: yigi Mangsoo ngoo ri gam byid: da" bang: nghoid» ga: Yaku tid kyo".

APOEM AYANG: 29:31

Lea gi Rakhela yhi' jheddab nheigloem: ashau" kham: yu ziri Aseing myang lang" nyang: gi Lea ri zooshang: yoo" nhang: lho: Rakhela rigi zooshang: ayoo" nhang:.

RUTHA 3:11

Rutha we" gung ayoug. Nang mho' moo mho' gi ngoo koid byid: wa. Nang gi sam" dab ri yung" da" myiyi: zoo: nghoid ziri voobyu yi dangain" bang: se' nyid boem.

COUNG" NGHEI 127:3

Zooshang: yigi Aseing jang" mo jeju" jhungshug nghoid. Nyangnu" gi mainkaid jeju" agyeing" nyang: nghoid nyid.

COUNG" NGHEI 113:9

Nyang: gi boug dung: myhi' da" yhoem: ri phoug" tab ngi: shab byid: lho: Nyang: gi hau" myiyi ri: zooshang: khu: loo wa akhang" byid: khyo" wigi gau yi nhang: nyid. Aseing ri coung" byid: we'.

1 SAMUELA 2:5

Dalheing: ri gyi: gyi: boid boid zo: lid loo" bang: gi zooshug: shau" zoo: wa shid re" akhid" nyangnu" gung nyang: vhu" kung: yhe: koid nyid ago". Nghoid loug we' zooyoid bang: gi xo' wigi zooyoid loo: wa zi anghoid. Zoo: ayo" yu" da" yhoem: seing: myhi' gi zoo: nyhed yug ri khu: too" bye:- nghoid loug we' zoo: myoo" sho' yo" da" myhi' zeing gi nyang: kyeing" nghoid wa.

1 SAMUELA 1:27

He: zooshang: shid re" ngoo nyang: ri mho' ziyo' dakhyoo" ti" nyang: gi ngoo ri byid: bye:.

RUTHA 4:12

Apyaid we' agyi: shi" he: myiyi: moo Aseing byid: loo wa da" byumyu" yoomo re" da" byumyu" akung: ako' yi moo Yuda da" yhoem: seing: myhi' Thama ri khu: kaid da" Phared akung: ako' joem yhang: ti" nghoid loo baja" o"» ga: mainkaid byid: dang: ri tid ago".

APOEM AYANG: 30:2

Yaku gi Rakhela ri nheig yo: lho: «Ngoo gi Mangso joyoo yo" yu su: anghoid. Mangsoo gi nang zoo: yoo" wa zi toem' too" su: nghoid» ga: tid.

APOEM AYANG: 25:21

Rebekha gi zooshang: adab yoomo Isag gi Aseing jhang nya: shid re" akyu" mho'. Aseing gi hau: akyu" mho' dang: ri gyoo: byid: yoomo Rebekha zooshang: gung bue" loo bye:.

APOEM AYANG: 20:17

Abraham da" yhoem: seing: myhi' Sara bue" loo bye: da" moo" zoo" yoomo Aseing gi Abimeleg da" khoo" khoug: mo myiyi: hang" ri we' zooshang: age yoo" sho' koid to". Houg: yoomo Abraham gi Abimeleg shid re" akyu" mho' byid: wigi Mangsoo gi nyang: ri byang" gi byid: bye:. Mangsoo gi Abimeleg da" yhoem: seing: myhi' ri we' join myhi' joem ri we' byang" gi byid: bye:. Houg: yoomo nyangnu" zoo: doem ge yoo" bye:.