Roma 1:1 - Lacid Common Language Bible

¹ Nya: ngeibu lu dang: gi ri fu" kaid' wa shid' re" lagyoo: gyeing" dayug khyo" Pho Mangsoo: khyen yu nyheing too" su: - Khristu Yesu da" dei zoo: ngoo Polu gi - mougsoug" lhid" kaid'.

Roma 1:1 Referans Kwoze

ACTS 9:15

Aseing: gi Anania ri doem tid zigi yhe: loo" we' tungboug yi ri we' khokham" ri we' Israela byu yi ri we' nga" myeing ri cang tid fu" Yen" zoore- ngoori coung" nghei byid: wa shid mo ngoo khyen: yu too" su: nghoid.

Roma 15:16

Hau: da" amyeing" zeing gi nghizain byumyu" yi jang" moo moo" voin wa shid' re" Khristu Yesu da" dei zoo: yo" bue" da" khyoo: nyang: nghoid bye. Gyeungshang: Venyi: khyo" tungbau byumyu" yi Mangsoo: vhoo: ngei da" xoin" du: bue" loo wa shid' re" ngoo gi khainjung dayug yhang: ti" - Mangso: ngei bu: lu dang: ri kho" kyo" moo" voin vu nyid.

1Korinthians 1:1

Mangsoo vho: ngei ziyo' dakhyoo" Khristu Yesu da" lagyo: aya moo: khe: too" shau" da- ngoo Polu yo' ngoonu" da" mang: nhung" phoo, Sosteni gi

KOLOSE 1:1

Mansoo myid' vho: da" khyoo: yoomo Khristu Yesu da" lagyoo: nghoid da" ngoo Polu yo' Mang nhung" phoo Timothi gi

YEREMIA 1:5

«Nang ri ngoo kangso' akaid byid: shi" ri nang ri ngoo khyen: bye:. Houg: lho: nang akhu: shi" ri nang ri byumyu" yi jhang Lapi: koid wa shid re" ngoo khyen: soin' too" bye:.

TITU 1:1

Mangso join yo, Yesu Khristu da" lagyoo: ngoo Polu gi mougsoug" lhid" kaid. Mangsoo gi nyang: khyen: yu byu yi da" loem" jeung" khyoo: ri pang" thoug byid: wa shid re" we' Yha" da" loem khau: khyoo: moo jhoug" byid: da" deingmain" khyoo: ri shau" se myang sho' khyoo: toin" shid wa shid re" we' ngoori khyen: yu lho: nhang: kaid bye.

Roma 1:9

Nya: zoo: da" khyoo: ngei bu lu dang: gi ri tid fu" lo" khyo" wigi - ngoo gi Mangso: moozoo" voin vu nyid. Ngoo gi akyu" mho' khang" moo" moo nanu" ri ajang" myed boin nyid da" khyoo: ri Mangsoo: nyang si gu nghoid bye.

2~KORINTHU 1:1

Mangsoo myid vho" ziyo' dakhyoo"- Khristu Yesu da" Lagyoo: ngoo Polu yo' ngoonu" da" mang: nhung" Timothi gi Korinhtu voo mo Mangso da" phung yo' Akhaia mung" goin" jang" mo Mangso da" byu dangain" bang: ri vhu" kaid.

1Korinthians 9:1

Ngoo gi loid byoin da" akhang" yoo" su: dayug anghoid la" Ngoonu" da" Aseing Yesu Khristu ri myang yu" bye: anghoid la" Nanu" bi" we' ngoo Aseing da" moozoo" zei: voin, vu, lo da" bidnyid mo ashi" zei: loo mo, anghoid goo" la"

2 TIMOTHI 1:11

Hau: da" ngei bu: lu dang: ri tid fu" loo' wa shid re" mangsoo gi ngoori lagyoo; dayug khyo" we' jhau" mhoo, byid: da" sara: khyo" we' nyheung soin' too" bye.

1 TIMOTHI 1:1

Ngoonu" ri khyoid khyi: yu da" Mangsoo yo' ngoonu" da" nheig byu jang: nghoid nyid da" Aseing Yesu da" khyoo: yoomo lagyoo: nghoid nyid da" ngoo Polu gi

GALATI 1:1

Byu da" amyeing" yo' lagyo: aya: moo nyhed: to" zi we' nghoid- byu yi da" byu nyid byu yab khyo" cang lho: wigi nyheung to" da" lagyoo: we' anghoid. Yesu Khristu jang" mo we' nyang: ri shid: loo" bye: bang: mo-dei to'' loo nhang: da" Mangso amyeing" khyo" wigi lagyoo: nghoid nyid da" ngoo Polu gi

1 TIMOTHI 2:7

Hougsu" nghoid yoomo Aseing: gi ngori lagyoo: dayug khyo" we' tung: bau byu yi da" jhoug" byid: sara: dayug khyo" we' hau: loem" jeung" da" khyoo: yo' deingmain" da" mungdang: ri kho" kyoo" wa shid re" nhang: kaid' zi shau" bye. Ngoo mhau' tid zi anghoid- deingmain" da" dang: ri tid nyid.

1THESALONI 2:2

Ngoonu" gi nanu" nyid da" Thesaloni voogung khyoo: ari" shi" uri Philipi voo gung moo ngoonu" ri khayhi' shen" yhen da" khyoo: yo' juang" yi shau" ziri nanu" se' nyid bye- houg: yhang: ti" adu aveing" go" da" thoutheung khyoo: myoo" sho' boo nghoid loug we' nanu" ri Mangso jang" mo ngeibu: lu dang: yo" tid kyoo" wa shid re" ngoonu" da" Mangsoo gi ngoonu" ri asho' agyug da" yoem: moo" byid: too" bye.

Roma 1:5

Mangsoo: gi hau Khristu khyo" wigi - byu dangain" mo, ri loem khau loem" jeing" tam" gyo: loo wa shid' re" - ngoori phoug" dab thang da" - shu" u" lagyoo: zeing dayug khyo" aya: tang: byid: bye.

PHILIPI 1:1

Khristu da" join, yi nghoid da" Polu yo' Timothi gi Philipi voo moo nyid nyid da" phung vhoeb, phung tau bi: yo' dage" Khristu Yesu moo daloem: za: nghoid da" Mangso gyeungshang: byumyu" yi bain' sho' bang: jang khyoo: mougsoug" lhid" kaid.

Pang Shug 1:1

He: da" jhoem: mungdang: gi Yesu Khristu da" pang shug byid: khyoo: ri lhid" xoem" to" da" khyoo: nghoid. Mangsoo hid: su" pang shug da" khyoo: gi Ade: myang" loo: ri bue" thu' loo wa da" khyoo: nya: dei zoo: yi yo" se' toin" shid' byid: nyid. Khristu gi nya: moug: lagyoo: yi ri nhang: kaid khyo" nya: dei zoo: Yohan ri he: khyoo: se' nhang: ziyo'

YUDA 1:1

Phoo, Mangsoo jheddab da" ziyo' Mangsoo khe: yu to" lho: Aseing Yesu lhoug zung" nyid mo, Mangsoo khe: yu shau" mo, dangain" bang: jhang khyoo:- Aseing Yesu da" dei zoo: yo' Yaku da" nya: no, Ngoo Yuda mo wigi-moug soug" lhid" foin: kaid'.

2PETRU 1:1

Yesu Khristu da" join yo' lagyoo: nghoid su:- Ngoo Simun Petru gi Ngoonu" da" Mangsoo yo' khyoid yu da" Asing: Yesu Khristu da" deung byeung" khyoo: moo ngoonu" yhang: ti"- phoug" dab da" loem" jeung" khyoo: yo" yu bye: bang: jhang khyoo:- dang: pyeung: kaid.

YAKU 1:1

Phoo Mangsoo yo' Aseing Yesu Khristu da" dei zoo: nghoid nyid ngoo Yaku gi moug: gyab, goin" jang" moo byo sain" jo, da" Mangso byu yi jhang khyoo: jheddab dang: sang: kaid.

HEBRE 5:4

Hang" nghoid loug we' nya: gung ri khainjung agyi moo" bui" wa myonhoo: ngeilang: mo yo" khyen: tang: to" zi anghoid.Arun ri yhang: ti" Mangsoo khyen: yu yug za: khainjung agyi moo" dayo" bue" lo.

PHILIPI 2:11

Phoo, Mangso da" myo, nhoo" phung" yoeb shid re" Khristu gi Aseing: nghoid nyid" ga: wigi yhoo: dab, moo dab, gi tid fu" yhen: yu nyid boem wa nghoid.

Ephesu 4:11

Nyang: gi byu yi ri jeju" jhung: shug joem ri gam, byid: su: nyang: nghoid bye- nyang: gi dayham" bang: ri lagyoo- dayham" bang: rigi lapi- dayham" bang: rigi ngei bu: lu dang: gi, kho" kyo" yen" mo, dayham" rigi phung vhoeb yi yo' sara yi bui" wa shid mo zheung: nyheung too" bye.

Ephesu 1:13

Nanu" ri khyoid yu khyoo: byid: da" hau: deungmain" da" mungdang: ein: da" ngei bu: lu dang: ri nanu" tungbau byumyu" yi shau" gyo: boem da" uri nanu" we' Mangso da" byumyu" yi bue" lo abye: go- Khristu ri nanu" loem jeung" boem bye: nghoid rigi nyang: tid too" khare" da" gyeungshang: venyi: ri byid: yoomo nyang: gi nanu" da" Aseing: nghoid nyid bye: khyoo: ri dazid thung" byid: bye.

2~KORINTHU 12:11

Ngoo gi koo pyoid yhang: te" zi nghoid nyid nanu" ge" ngoori khugsu: bue" loo" nhang: zi nhgoid. Nanu" gi ngoori bo thug khain: mo, nghoid ca" nyid. Khasu" wim gari ngoo ci" we' anghoid su lang" gi nanu" da" akhyag ga: da" Lagyoo: yi, tho' moo khasu" koid loug nge loo wa zi anghoid.

2~KORINTHU 11:5

Ngoo gi houg: nanu" gyi: thang da" lagyoo: yi ga: coung" nghei tu: to' da" lagyoo: yi tho' moo dajhi' khyalhang" ngi, su: anghoid ein: ngoo jho: nyid.

2~KORINTHU 4:5

Khasu" wim gari ngoonu" gi ngoonu" nya: khyoo: ri kho" kyo" zi anghoid. Yesu Khristu gi Aseing: nghoid nyid khyoo:- ngoonu" gi Yesu yoomo za: nanu" da" deizoo: yi nghoid da" khyoo: ri dakho" kyo" boem.

Roma 1:16

Ngoo gi ngeibu lu dang: ri nheig shid: nheig deig loem jeung" bye. Hau: lu dang: gi loem" jeing" mo, dangain" da" Yuda byumyu" yi yo" ngheizain byumyu" yi ri xang: shid" khyoid' yu da" Mangsoo: yoem: so' phung" yoeb nghoid.

ACTS 22:21

Houg: lang" Aseing: gi yhe: loo" we' Khasu" wim gari - ngoo nang ri tungbau byumyu" yi nyid da" Ve: da" mung" khyoo: nhang: kaid' wa.

ACTS 22:7

Houg: lang" ngoo gi myidjang: khyoo: leung lo" wigi sho" lu- sho" lu, Nang ngoori ce: noem koid shen" yhen nyid lha"» ga: ngoori tid da" thui: ri shaug" gyoo: bye.

ACTS 20:24

Nghoid loug we' nga" kang: so' ri ngoo ce: vhoo" abyid- ngoo gi deung jo" da" moo" ri zei: pain wa ziyo' - Aseing Yesu wigi ngoori byid: to" da" moozoo" nghoid da- Mangso nheing khyeug khyoo: ludang: gi ri tid fu" kyo" da" moozoo" ri kyoeb, sho' zei: wa da" khyoo: riza: kang: lung bu nyid.

Pang Shug 22:9

Nghoid loug we' nyang: ngoori tid zigi " Houg: su" akoid- ngoo gi re" da" mang: nhung" lapi: yi yo' he" mougsoug" moo bo da" mungdang: ri tam" gyoo: mo, dangain"- nanu" da" dei zoo: byencang" dayug nghoid. Mangsoo ri dano' ku" we' ,, ga: tid toem pyam.

KOLOSE 1:25

Nanu" shid re" ge, da" khyoo: ri koid baja"- Mangsoo gi phoung: da" moo" voin, su: dayug khyo" wigi ngoori soin' nyheung to" zi shau" bye- ngoori ab, byid: to" da" yoovoin, gi hau: ngei bu: lu dang: ri myhed' to" zi aboo loo: sho' kho" kyoo" wa shid re" nghoid nyid.

Ephesu 1:1

Mangsoo myid vho: nyid ziyo' dakhyoo" ti"- Khristu Yesu da" lagyoo: aya: moo nyheung too" shau" su:- ngoo Polu mo wigi Ephesu voo moo nyid lho: Khristu moo dadeing: daloem: za: voin: tang: koid nyid da" Mangso byu yi jhang khyoo: dang: pyeung: kaid.

Roma 16:25

Mangsoo: da" phung" yoeb myho, nhoo: ri ngoo nu" coung" nghei" boem shang ngoo khyo" kyo" tid Khristu Yesu da" lu dang: gi khyo" we' shid' phyang" pyaid mo, zau" to" da" no thang deungmain" tarha" khyoo: ri toin" shid' khyo" we' Mangsoo: gi ngoonu" da" loem jeing" khyoo: ri o" geing: teing nhang.

Roma 16:18

Houg: bang: gi ngoonu" da" Aseing Yesu Khristu da moo" voin mo anghoid. Nyanu' nya: da" zoo: noem kha: ja: shau" zoo wa ashug" zoo: wa da" khyoo: ri za: te: myid yu" mo nghoid. Nyanu" gi nu" nham' cau: main da" dang: ri tid coung" myeing" coung" thui: yo" wigi deingmain" nyid mo ri lang" yo" mhoug zoo: se' ago".

Roma 15:29

Ngoo nanu" jhang ju" lang" Aseing Yesu da" jang" mo joeb byeung" da" mainkaid jeju" shau" kham: zo: boem wa shid' re" ngoo vang jang: loo zi nghoid.

Roma 11:13

tungbau byumyu" nghoid mo nanu' ri ngoo tid nau. Ngoo gi tungbau byumyu" yi da" lagyoo: nghoid zi yo" dakhyoo" ti" ngoo nya: da" moozoo" moo myonhoo: sho: yo" phau: khuang wa.

ACTS 27:23

Khasu" wim gari Ngoo noku nyid da" nga" Aseing: - Mouglagyoo: dayug gi amain' nga" jang" moo ju" re" lho:

ACTS 26:1

Khokham" Agripa gi Polu ri Re" shid mo nang dang: tid wa da" akhang" yo" ga: tid. Houg: lang" Polu gi nya: lo, ri yoin" kaid' lho: nya: gung ri nyang: tid ve, yu da.

ACTS 13:9

Houg: yoomo Polu ga: da" Sholu gi gyeungshang: Venyi yo' byeung" wigi nyang: gi goem, phain" phoo ri dain: dain: za: yu" zhoug to" lho:

YOHAN 15:15

Akhid" mo wigi nanu" ri ngoo join atid loo wa. Khasu" wim gari-join gi Yhoem: seing: koid da" moozoo" ri asi. Nanu" ri bidnoem da ein: loo wa khasu" wim gari pho jang" mo ngoo shau" gyo: khyoo: dangain" nanu" ri yo tid kyoo" bye.

YOHAN 12:26

Ngoo nyid da" jo, yooo moonga" dei zoo: we' yo" nyid wa shigre" Nga" moo" voin, noug su: gi nga" thang: moo cang ca. Nga" moozoo" ri voin, vu, su: hang" nghoid loug ri nga" phoo we' coung" byid: wa zi nghoid.

ESAIA 49:1

Ve: da" joyoo moo nyid boem da" byumyu" yi moug: vi: bang: nanu" we"- ngoo tid dang: ri tam" gyoo: ge'. Ngoo akhu: shi" mo Aseing gi ngoo ri khyen: to" wigi nya: dei zoo khyo" ngoo ri yoovoin foin: to" da:.

1 KHOKHAM MHOOMYID: 23:13

Nya: da" zooshid" yuggi zoo: Amram gi Arun yo' Moshe tang: nya: phoo nghoid da:. (Arun yo' nya: amyed ashen yigi gyeung" shang: jonu" joem ri apyaid atoo: moo zoem: ci: wa. Aseing ri noku jang" moo shoem: nam pyo: ja: nghe' ngei" wa. Nyang: ri dei byid: wa nya: myeing mo byumyu" yiri mainkaid byid: wa shid re" gootu: khyen: sain' to" zi shau" da:.

TARHA" TID POIN" 10:8

Hau: ayo, moo Aseing gi Levi byumyu" yiri Dang: Theing Kuid: ri yoovoin yu wa khainjung yi khyo" nyang: ri dei byid: lho: nya: myeing yo' mainkaid byid: wa shid re" khyen: nyheing to" da:. Hau: zigi akhid" ju" sho' nyangnu" da" yoovoin nghoid nyid ashi".

Pang Shug 22:6

Hau: thang: ri moug: lagyoo: ngoori tid zigi " He: dang: joem gi deing byeung" ziyo' loem, ge" nyid. Hau: lho: nya: venyi lapi: yi ri kaid' byid: da" Aseing: Mangsoo gi ayo, khamyhang amyang" ri bue" loo wa da" khyoo:- nya: dei zoo: yi ri toin" shid' wa shid re" nya: da" moug: lagyoo: yi ri nhang: kaid' bye ga: wigi Yesu ngoori tid.

HEBRE 7:26

Hougsu" wigi Aseing Yesu gi ngoonu" moo bue" nyid da" ca" vho: khyoo: joem ri pang" byid: thug byid: wa ngoonu" shid re" gye" yhoug: gyen: da" khainjung agyi moo" nyang nghoid bye. Nyang: gi gyeungshang: su: nghoid nyid wigi-nyang: moo shoid vhang: zi youg: noo yooboo ci" we' aboo. Nyang: gi yooboo yoo" mo, phung: moo aboo- gooki" led' da" moug: khung: moug di moo ju" sho' coung" nghei tu: to' kaid zi shau" su: nghoid.

ACTS 26:14

Ngoonu" dangain" bang: gi myidjang: moo leung lo" byug boem wigi Hebre" myeing" khyo" Sho" lu- Sho" lu Nang ngoori cikoid shen" yhen nyid lha". Nujung loo: gi nya: Aseung: da" voosi" zucoin: moo khyid: peig peug yu ziyo' dakhyoo" ti" nang gi ngoori gyi, koid wigi - nanya: gung ri nanyang: noo nhang: da- ga: tid da" thui: ri ngoo shau" gyo.

ACTS 21:40

Gyizoug: moo" gi nyang: ri akhang" byid: - hougsu" wi Polu gi zoem" lhang: phyoo" moo yab, jo, lho: mung" byu yi ri sam: zoo: nyid goo" wa shid' re- lo, tu, tu, nyid da- mung" byu yi tam" loo" lang" Polu gi nyangnu" ri Hebre myeing" khyo" wi, tid zi gi

YOHAN 15:20

Join gi yhoem: seing: tho' moo je gyi: zi anghoid. Ngoo nanu" ri tid yu" bye: ziri myid boin ge'. Mougmyid byu wi gi ngoori shen" yhen nghoid rigi nanu" ri we shen" yhen wa zi nghoid. Nyangnu" gi nga" da" dang: ri cang lo" boem wa nghoid rigi nanu" da" dang: ri we' cang lo" boem wa zi nghoid.

MARKU 1:14

Yohan ri thung: myeug lhoung pyam thang: ri Yesu gi Mangso jang" mo ngei bu: ludang: khyo" wa Galile moug: khyoo: yhi bye.-

2~KORINTHU 2:12

Khristu da" ngeibu: ludang: kho" kyoo" wa shid mo Troa voo moo ngoo ju" yhe: uri hau: joyoo moo moo" yo" zei: baja"- nga" shid re" Mangsoo gi khoem" phang byid to.

2~KORINTHU 11:7

Ngoo gi nanu" ri coung" nghei tu: to' kaid wa shid re" ngoo nya: gung ri gi khyo, nyhoem: pyam lho: aphoug" amho, loo:-Mangso da" ngeibu: ludang: nanu" ri kho" kyoo" bye. Hougsu" koid khyoo: gi ngoo moo shoid khyoo: nghoid la".

1THESALONI 2:8

Nanu" gi ngoonu" da" atho' tid loo: sho' jheddab bang: bue" lo boem bye- Mangso jang" mo ngei bu: lu dang:- we' anghoid- ngoonu" da" kangso rilang" gam byid: pyam wa zigi jen" jen" nghoid nyid boem.

1THESALONI 2:9

mang nhung" yi we"- ngoonu" khayhi' moozoo" zei lid loo bye: khyoo: ri gyeing" nyang: nanu" boin: so" nyid boem- nanu" ri ce" yoolid: we' afoin:- ajoin, zoo: baja"- ngoonu" gi ngoonu" nya: da" voem: doug: khu: moozoo" ri nyid" ri myen" ri yoem: kaid' zei: so' wigi Mangso ngei bu: lu dang: ri kho" kyo" lo boem bye.

1PETERU 4:17

Tarha" dang: phyed' da" bidnyid gi ju" shed" lo nyid bye- Mangso da" yhoem: khau: byu yi ri xang: shed" tarha" dang: phyed' zi shau" wa nghoid wigi gyeing" nyang: ngoonu" gi xang: shed" tarha" dang: phyed' zi shau" boem nghoid rigi Mangso ngei bu: lu dang: ri aloem" ajeung" mo, gi khate' zi je" thoung" shau" boem wa lha".