PHILIPI 2:26 - Lacid Common Language Bible

²⁶ Nyang: gi nanu" dangain" bang: yo' gye" shau" goo" nau nyid khasu" wim ga: ri nyang: yhe: no da" khyoo: ri nanu" shau" gyo: boem yoomo nghoid.

PHILIPI 2:26 Referans Kwoze

PHILIPI 1:8

Ngoo gi Khristu Yesu nyang: myid moo bo da" ashoem: apyang: da" myid yo' nanu" ri myid boin: nheug nge nyid ein: ngoo tid nyid da" dang: deung nyid da" khyoo: gi Mangsoo gi nga" sagsi: nghoid.

Ephesu 3:13

Hougsu" nghoid yoomo ngoo nanu" ri mho' sang: nau- ngoo gi nanu" shid re" sho" jhen: jam jau kham nyid yoomo nheigloem: moo agyug yoem: ashoin:- hau: khyoo: joem dangain" zigi nanu" da" akyu" shid re" danghoid nyid.

Roma 12:15

Gau yi mo yo" dage" gau yi nyid ge'. Ngau nyid mo yo" dage" bo ngau nyid ge'.

ESAIA 61:3

Ziun moo nheig koug nyid bang: ri koug ngau wa gungthid gau yi ngei pyo: zi byid: wa. Myid apyoo: wa gungthid coung" nghei jikhoin" khoin" nhang: wa shid re" ngoo ri nhang: kaid. Nyangnu" gi Aseing wigi nyang: nyang: sho" to" da" seiggam joem yo' du loo wa. Nyangnu" dangain" gi jo ziri koid loo goo" wa. Houglho: Mangsoo gi nyang: koid lo da" lo, moo" yoomo coung" nghei byid: zi shau" lo goo" wa.

DANG: ZHOEM 12:25

Myidmyo: nyid da" khyoo: gi re" da" ngei pyo: khyoo: ri yo" lhu: phyo' pyam byid: wa nghoid- nghoid loug we' nheig khyeug shoomyen: da" dang: khoin" thui: gi nang ri yi noug soem" si yo" bui" nhang: wa nghoid.

PHILIPI 4:1

Hougsu" nghoid yoomo mang nhung" yi we"- nanu" ri gye" jheddab nyid ziyo' gye" myid' boin: nheig nge nyid nanu" gi nga" da" gau yi joyoo yo' bidmug nghoid nyid ago- jheddab bang: we" hau" Aseing: yo' dayugza: bue" lho: wigi kangso' dei da" khyoo: moo geing: geing: dayab, jo, ge'.

Roma 9:2

Nga" da" nheigloem: gi nga" byumyu" - nga" suid" shoo" yi da" shid' re" - myid myoo: ung: loug nyid. Atho' tid sho' nheig moo no nyid.

MATHE 26:37

Petru yo" Zebedi nya zo: eig yug ri khe: shu" wigi Yesu gi nheigloem: amyen, akhoid wim loo yoomo nheig gye" koug nyid.

MATHE 11:28

«Yoolid: voin myung: dau nyid mo, dangain" bang: we"- Nga" jhang khyoo loo ge'. Ngoo nanu" ri doug noo: nhang: wa.

COUNG" NGHEI 69:20

Aphoug" akhyoid koid da" khyoo: gi nga" nheigloem: thang bye:. Nheug se' khyeug da" byu ri ngoo nheug byu lang" nyid. Nghoid loug dayug we' anyid. Nheug teing ung: teing byid: wa shid re" nheug byu lang" nyid nghoid loug we' ngoo hang" ri we' amyang.

2 SAMUELA 13:39

Nghoid loug we' Amnon shid: lo" ziri to" myhid loo" lang" nya: zoo: Absalom ri nheig tei" da" myid gi ung: khoug: moo dabyeing" jo, da:.

1PETERU 1:6

Nanu" gi jham" ca, yu' da" gunglau aja: ja: thoung" shau" yoomo akhid" daso' dadam myid myoo: ung: loug zi shau" nyid boem nghoid loug we' tid lid loo bye: da" khyoo: yoomo gau yi ngei pyo: nyid ge'.

PHILIPI 1:3

Nanu" da" khyoo: ri ngoo myid boin" soin: yu" nyid ayo, dangain" jang" moo_ Mangso jeju" ri ngoo coung" nghei nyid.

GALATI 6:2

Nanu" nyang: cang" dayoug yoovoin, ri dayug- bo pang" voin goo" ge'- houg: su" nghoid lang" gi nanu" Khristu da" Tarha" ri cang pyeung zi nghoid wa.

2~KORINTHU 9:14

Nanu" gi atho' tid goo ki" lid da" Mangso jeju" ri yo" kham, zo: boem bye: yoomo nyangnu" gi nanu" ri gye" jheddab da" emyid, yo' nanu" shid re" akyu' bo mho' byid: nyid boem wa nghoid.

1Korinthians 12:26

Houg: yhang" te" da" akung: ako'" daloem: gi noo, phyoo" jam, jau gye" shau" nyid uri- akung: ako'' gootu: we' houg: yo' dage" bo no nyid bye. Akung: ako' daloem: ri coung nghei, byid: zi shau" nghoid rigi- gootu: akung: ako'' joem dangain" we'- hau: da" gau yi ngei bu: khyoo: ri bo, shau" kham: yu nyid boem.

Roma 1:11

Nanu" da" nheigloem: geing: teing jo wa shid' re" nanu" ri Venyi: jhung: shug gam byid: noug yoomo - ngoo gi nanu" yo" gye myang" mo shau" goo" nau nyid.

ACTS 21:13

Nghoid loug we' polu gi nanu" cenoem wim wigi hid: su" ngau, lho: ngoori shoo" byo, nhang: go" lha". Ngoo gi Aseing Yesu gang mo Yerusalem voomoo" moo tei" zi shau" wa shid re" za: we' anghoid- shid: wa zi lang" gi jen" jen" nghoid bye"- ga: phoug tu.

YOBA 9:27

Ngoo gi yi nau soem" si' nyid lho: nga" dam khe" nho: ziri to" myhid pyam wa soin' ri nga" kyi" khyeug gi ngoo ri doem tau" kyug nyid da:. Mangso wigi ngoo ri yooboo yo" ga: yooboo zhug to" ziri ngoo si' bye:.

2 SAMUELA 24:17

David gi byumyu" yiri said da" moug: lagyoo: ri myang wigi Aseing ri «Ngoo gi yooboo yoo" su: nghoid. Ngoo gi yooboo koid shoid su: dayug we' nghoid. He: sho" jhen: da" byumyu" gi cikoid shoid bye: lha". Nang gi ngoo yo' nga" ikoin deungkhu: byu yiri dam byid: eung: nyid zi nghoid.

PHILIPI 2:25

Hau: lho: wigi nanu" da" mang nhung" phoo nga" moo" zei: byen, cang" yo' dage" za: meing: zain: jang: mo, byen, cang" gyidzoo: phoo- ngoori bo pang" wa shid re" nanu" nhang: kaid' byid: su- Epaphrodi ri nanu" jhang khyoo: nhang: nyang: doem nhang: kaid' wa ein: wigi ngoo myid nyid.

PHILIPI 2:27

Gyeing" nyang:- nyang: gi alug lug shid: sho' noo bye: nghoid loug- Mangsoo ginyang: ri nheig khyeug nyid nyang: ri za: we' anghoid- ngoori koug shu: zi azeing dapyam: yo' dapyam: ashug" baja" ga- nheig khyeug yu byid: bye.