PHILIPI 2:25 - Lacid Common Language Bible

²⁵ Hau: lho: wigi nanu" da" mang nhung" phoo nga" moo" zei: byen, cang" yo' dage" za: meing: zain: jang: mo, byen, cang" gyidzoo: phoo- ngoori bo pang" wa shid re" nanu" nhang: kaid' byid: su- Epaphrodi ri nanu" jhang khyoo: nhang: nyang: doem nhang: kaid' wa ein: wigi ngoo myid nyid.

PHILIPI 2:25 Referans Kwoze

PHILIPI 4:18

Hid: the' nanu" byid: bye: da" zi dangain" ri ngoo yo" yu bye- zhayen" sagsi: gi he: zi nghoid bye- hau: zigi ca" tho' moo jain" sho' lang" nghoid bye- akhid" gi nanu" da" jhung: shug ri Epaphrodi ci: ri" byid: yoomo ngoo moo ca" moo ca" dangain" ri yo" yu bye- he: da" zi joem gi Mangso jang" moo xoin" to' byid: da" nam, pyo: shoem: yhang: tri" we' Mangsoo vho: ngei ziyo' lhoem: yu moin: da" xoin" du: yhang: ti" we' nghoid bye.

KOLOSE 1:7

Nanu" gi Mangso jeju" khyoo: ri ngoonu" da" moo" voin, byen, cang"- Epaphra jang" mo jhau" yu agoo" bye- nyang: gi ngoonu" da" gung thid' Khristu da" moozoo" moo voin, su: nghoid nyid.

PHILIPI 4:3

Nga" da" bo pang" bo thoug da" loem ge" da" byen cang phoo we"- nang khyo" we' hau: myi: yi eig yug ri bo pang" thoug yu we' khasu" wim ga: ri hau: ngei bu: lu dang: kho" kyo" da" khyoo: moo ngoo yo' dage" moo" gye" bo zei: loo bye- nya: eig yug yo' dage" Klemen yo' Mangso kang: so' mougsoug" zhayen" pug moo nyangnu" da" myeing bo- nga" da" moo" voin byen cang" gootu: we' zheung: bo.

1Korinthians 3:9

Khasu" wim gari- ngoonu" gi Mangso shid re" moo" zoem" zei: bang: nghoid nyid boem". Nanu" gi Mangso da" tung yoo yoothung" yo' Mangso da" zhoo" cuang vo phang yhoem: we' nghoid nyid ago".

PHILIMON 1:24

Houg: yo' dakhyoo: ri kho" kyoo" yoomo ngoo yo' dage" thung: loung" jo, da" nga byen cang" Epaphra gi nang ri vhu" kaid da.

DANG: ZHOEM 25:13

Loem' ge" da" lagyoo: gi byang gain' yo, ri bid loung wigi gyid shed nyid uri shoug" shoug kaid da" gyid jham" yhang: ti" nyang: ri nhang: kaid su: ri yoem: yoo" nhang: nyid.

HEBRE 3:1

Mangso khyen: khe: yu zishau" da" nga" Khristan mang: nhung" yi we"- ngoonu" yhen: kham: yu bye: da" noku thung" laloem lakhau: da" khainjung moo" zeung bue" loo wa shid re" Mangsoo nhang: kaid da" Yesu ri myid yu" ge'.

1THESALONI 3:2

Khristu da" ngei bu: lu dang: kho" kyo" jang" moo ngoonu" dage" za: moozoo" ri voin, vu, nyid da" ngoonu" da" mang nhung" phoo Timothi ri nhang: kaid' boem bye.

KOLOSE 4:11

Yustu ein: we' myheung to" da" Yoshu we' nanu" ri vhu" kaid' hid: bang: seom" yug za: Mangso mungdain shid re" ngoo yo' dage" moo" voin, da" byen, cang" -loem" jeung" da" Yuda byu yi nghoid ago"- hid: bang: gi ngoori gye" bo pang" thoug bye: mo, nghoid ago".

2~KORINTHU 2:13

Nghoid loug we' ngoonu" da" mang nhung" phoo - Titu yo' ngoo ashug" goo" yoomo ngoo atho' tid loo: sho' myid myoo ung: loug nyid. Houg: yoomo Houg: mo da" byu yi ri vho" too" kho' lho-Makedoni mung" khyoo: yhe" loo" bye.

YOHAN 17:18

Nang gi ngoori he: mougmyid khyoo: nhang: kaid ziyo' dakhyoo" ti"-- ngoo we' nyangnu" ri he: mougmyid khyoo: nhang: kaid.

YOHAN 13:16

Deing" deing nanu" ri ngoo tid nau da" zigi join, gi yhoem: seing: tho' moo je gyi su: anghoid. Lagyoo: we' nhang: kaid su: da" tho' moo je gyi: zi anghoid.

Roma 16:3

Khristu Yesu da" moozoo" coem' zei: jang" moo nga" moo" zei: byen cang" Priska yo" Akula tang: ri we' ngoo u" kaid'.

Roma 16:9

Khristu da" moozoo" ri voin vu da jang" moo nga" moo" voin luzoem" cang" nghoid da' Orban yo' ngoo jed' dab da" bidnoem Staku ri we' bo u" byid: ge'.

PHILIPI 2:26

Nyang: gi nanu" dangain" bang: yo' gye" shau" goo" nau nyid khasu" wim ga: ri nyang: yhe: no da" khyoo: ri nanu" shau" gyo: boem yoomo nghoid.