PHILIPI 1:22 - Lacid Common Language Bible

²² Nghoid loug we' nga" gung du: moo kangso' dei nyid shi" ziyo' akyu" bo da" moozoo" myoo" sho' yo" zei: shi" nghoid rigi dei nyid wa ziyo' shid: loo" wa khyoo: kha: khaid ri ngoo khyen: yu wa zi asi.

PHILIPI 1:22 Referans Kwoze

1PETERU 4:2

Hougsu" nghoid yoomo akhid" mo he: mougmyid' moo nanu" kangso' dei nyid wa deing shi" da" bidnyid gu: moo byu yi da" myo, no, vhoo: bo da" khyoo:- jhu, phyo' khyoo: moo abo cang loo" looza-

GALATI 2:20

Houg: yoomo ngoo nya: gung nyang: dei nyid lo: zi anghoid- Khristu gi ngoo moo kangso dei nyid akhid" ngoo hid: dei nyid da" kangso gi ngoori jheddab yoomo nga" shid re" nya: kangso xoin" to' pyam da" Mangso nya: zoo: ri loem" jeung" da" khoug: moo dei nyid da"Kangso danghoid.

PHILIPI 1:24

Nghoid loug we' nanu" da" shid re" ngoo kangso' xo' dei nyid wa zigi je" yhoug: gyen: da" khyoo: nghoid.

ACTS 3:17

Nga" mang: nhung" yi we' nanu" yo' nanu" da" vhu" jhung: yi-Yesu ri koid lid lo da" moo" gi asi aboin: loo: za: koid ziri ngoo si' bye.

2~KORINTHU 10:3

Nanu" gi mougmyid dang: moo nyid mo, deung: nghoid loug- moug myid da" nyheung soin' khyo" meing: zain: nyid zi anghoid.

COUNG" NGHEI 71:18

Akhid" koem gi ngoo mang: loo" bye: ziyo' nga" xam: phyu: loo bye:. Mangsoo we"- ngoo ri ato" pyam- doem ju" loo wa myid: yam: zo: xeig yiri re" da" yoem so, ri tid fu" lo" uri ngoo yo' dage" bo nyid we'.

KOLOSE 2:1

Ngoo gi nanu" shid re" we' Ladoki byu yi shid re" we' ngoo yo' myonhoo: ashau" myang go" yu" da" gootu: byu yi shid re" we' ngoo khayhi' yoem: kaid' voin, wu, lid loo: bye: da" khyoo: nanu" ri ngoo tid kyoo" ba.

Roma 11:2

Mangsoo: gi xang: shid" mo wigi nyang: khyen: yu to" da byumyu" ri ashe: pyam' - jhoem: mungdang: moo Elia gi Israela byumyu" yi ri tu: mhoug lho: - Mangso: jang" moo kau: to" mougsoug" du.

THU' LO" MOUGSOUG" 32:1

Moshe gi boem mo agyoo" loo loo: gye" myang" sho' lo" nyid byug lang" byumyu" yigi Arun jang" moo zeing: foem: yhe: wigi nyang: ri «Ngoonu" ri Egutu mo shu" thu lo da" Moshe ciwim byug bye: zi ngoonu" asi'- houg: yoomo ngoonu" ri shu" vhu" shi: wa shid re" yu phara" daloem: koid shang» ga: tid ago".

APOEM AYANG: 39:8

Nyang: ngeug pyam' lho: «Yu" we' nga" yhoem: seing: gi ngoo ri loem yoomo yhoem: moo jo, moojo, dangain" ri nyang: abo lheing: yu" loo: sho' nyang: gi jonu" dangain" ri nga" lo, moo ab too" bye:.

APOEM AYANG: 21:26

Abimeleg gi «Hougsu" hang" koid zi ngoo asi'. Nang gi he: khyoo: ngoo ri atid kyo" yu" shi". He: zigi ngoo xang: shi" shau" gyo: zi nghoid» ga: tid.

Roma 1:13

Nga" mang nhung" yi we" - Yuda byumyu" anghoid da" tungbau byumyu" yi jang" moo Mangsoo: moo" zei: ri oung: doid lo" yhang: ti" nanu" jang" moo we' oung: doid loo" wa shid' re" - ngoo gi nanu" jhang re" wa shid' re" alheing: lheing: myid soin' bye. Nghoidloug we' akhyoo" aeung: shi" yoomo ayo" ri" shi" da" khyoo: nanu" myid boin: nyid ge'.

PHILIPI 1:23

Ngoo gi khyoo; eig khaid da" agyoo: moo nghoid nyid wigi shoid' khang" moo" khyo" lang: lo" nyid ziri ngoo shau"- ngoo gi akhid" dei nyid da" kangso' khyoo: ri to" pyam kho' lho: Khristu yo' dage" kang: so' dei nyid noug bye- houg: gi nga" shid re" je" ge zi nghoid.