PHAJHI" DANG: 9:5 - Lacid Common Language Bible

⁵ Nghoid bye: dei nyid bang: gi nyangnu" shid: wa nghoid ziri se' ago". Nghoid loug we' shid: jo, bang: gi ci asi' nghoid ago". Nyangnu" gi je aphoug" jhungshug ayoo" nghoid ago". Nyangnu" ri bain sho' to" myid pyam ago".

PHAJHI" DANG: 9:5 Referans Kwoze

ESAIA 26:14

Akhid" nyangnu" shid: byug wigi adoem dei loo loo: wa. Nyangnu" da" soobyoo joem gi adoem to' loo loo: wa. Ciwim gari nang gi nyangnu" ri yooboo dam byid: wigi said toem" pyam yoomo nghoid. Nyangnu" ri hang" wigi we' amyid boin: loogoo" wa.

PHAJHI" DANG: 1:11

Lid: loo bye: ayo, moo bue" lo bye: ziri hang" aboin: soo". Houg: lho: hid thang: nyid" ein: da" akhid" mo zi hau: ayo, agyoo: moo bue" ziri xoem" goo" wa zi anghoid.

COUNG" NGHEI 6:5

Moovo moug: moo: gi nang ri myid boin: bang: hang" we anyid. Hau" joyoo moo: hang" we' nang ri ayo" coung" nghei loo.

HEBRE 9:27

Xang: su: byu yi yug khang" moo" gi dalheing: za: shid: lo" lho: hau: thang: ri Mangso da" dang: phyed zi shau" shi" wa nghoid.

YOBA 14:21

Nya: yug gi zoo: yigi ngi: shab shoug" nghoid loug we' nyang: gi hau: ziri khanham we' asi'. Nyangnu" khanham ngi: yoem" ein: ziri nyang: ri hang" atid kyoo".

PHAJHI" DANG: 2:16

Phajhi" juyhi: boo bang: ri hang" we' amyid boin: nheig agyeing: bang: ri we' hang" amyid boin:. Ju" lo wa da" ayo, moo gi ngoonu" dangain" bang: we' coem' to" myhed pyam ri" goo" wa. Phajhi" boo bang: yo' nheig agyeing: bang: ngoonu" dangain" bang: gi dakhyo" kyeing" za: shid: loo" goo" wa.

COUNG" NGHEI 109:15

Aseing gi Nyangnu" da" yooboo joem ri khanham we' daboin: nyid: nyid baja" Nghoid loug we' Nyangnu" nyang: bain sho' to" myhed pyam zi shoug" nyid goo" baja".

PHAJHI" DANG: 8:10

Nghoid bye:- akhyeing" ashoeb da" byu yiri nyangnu" loeb moo yhe: myhoeb pyam kho' ziri ngoo myang. Nghoid loug we' loeb mo doem phang: tau" loo bang: gi houg: bang: akhyeing" ashoeb da" moo" ri koid kho' da" voomoo" khoug: moo: nyang: houg bang: ri coung" nyid boem ziri we' ngoo myang. Hau: zigi akoem: nghoid da:.

ESAIA 63:16

Nang gi ngoonu" da" nya: phoo nghoid. Ngoonu" da" phoug" phyid" Abraham yo' Yaku gi khanham we' khyoid yu su: ngoonu" nya: phoo nghoid da:.

PHAJHI" DANG: 7:2

Pyoo: pui" zoo: shug nyid da" yhoem: khyoo: yhe: wa tho' kougshu: nyid boem da" yhoem: khyoo: yhe: ri je ge da:. Ciwim gi: ri dei nyid bang: ngoonu" dangain" bang: ri shid: ze wigi lang" nyid ziri khanham we myid boin: nyid ca" da:.

YOBA 30:23

Nang gi ngoo ri yugkhang" moo" shid re" soin' to" da" Shid: moug: khyoo: shu" lo" nyid ziri ngoo se' da:.

PHAJHI" DANG: 9:4

Nghoid loug we' mougmyid tho moo dei nyid yug hang" nghoid loug we' myid byu wa zi daja: ja: yo" da:. Kangso' dei nyid da" lakhuid" gi shid: jo, da" khang: khyi: tho' je ge da:.

PHAJHI" DANG: 9:10

Nang zei: da" moo" zoo" ci moo nghoid loug we' yoem: kaid wigi koid we'. Ciwim gari moovo moug: moo gi moo" zei: zi ajo, wa. Myid yu" zi ajo, wa lasi phajhi" ajo, wa Phajhi" juyhi: ajo, wa. Houg: lho: hau: joyoo gi nang yhe: loo" wa joyoo nghoid da:.

2 SAMUELA 14:14

Nyhang" dangain" shid: shoug" wa zi nghoid. Nyhang" gi myidgung moo foid sain" kaid wigi adoem yo" yu loo da" gyid yo' du nyid bye:. Mangsoo gi shid: jang" mo adoem yo" dei nhang: loug we' nang khokham gi gootu: mungdain: khyoo: khaid pyam da" byu dayug ri doem shu" yu wa khyoo: daloem: ri za: gi shau" myang wa zi nghoid.

COUNG" NGHEI 88:13

Aseing we" pang" yu wa shid re" ngoo nang ri yoid nyid. Nab khang" moo" ngoo nang ri akyu" mho' nyid.

LUKA 20:32

Thang: ri hau: yhoem: seing: myhi' we' doem cang shid: lo.