PHAJHI" DANG: 9:18 - Lacid Common Language Bible

¹⁸ Phajhi" juyhi: gi gyi jonu" tho' je ge da:. Nghoid loug we' yooboo yoo" su: dayug gi ge ziri myoo" sho' ri yo" lhu: phyo' pyam da:.

PHAJHI" DANG: 9:18 Referans Kwoze

YOSHU 7:5

Ai voomoo" mo byu yigi nyangnu" ri voomoo" khoem" moo" duang mo zi: lug kho' jang: joem moo: ju" sho' cang khaid boem wigi hau: boug gyoo" cang byu soem" xe: khyug yug ri said pyam ago". Houg: lho: Israela byumyu" yigi byoo lam" sho' gyoug boem ago".

YOSHU 7:1

Phyo' shoin' pyam wa nghoid da" zi joem daja: ri we' Yerikho voomoo" mo ayu goo" ga: Israela byumyu" yiri byid: da" Aseing amyeing" dang: ri atam" gyoo: goo" nghoid da:. Hau: amyeing" dang: ri Akhan ga: su: atam" gyoo: nghoid da:. Houg: yoomo Aseing gi Israela byumyu" yiri nheig joem: yo: da:. (Akhan gi Yuda byumyu" Zerab kung: mo Kharimi da" nya: yuggi zoo: nghoid wigi Zabdi da" nya: myid: zoo: nghoid da:.)

PHAJHI" DANG: 9:16

Phajhi" gi yoem: so' tho' je ge ein: khanham we' ngoo dalhung tid nyid. Nghoid loug we' myung shoo" yug ri phajhi" bo ga: hang" amyed jhoo: yoomo nyang: tid ziri we' atam" gyoo: byid: nghoid ago".

2 TIMOTHI 3:8

Akhui" yanne" yo' Yanbre eig yug gi Moshe ri thoutheung ngeug pyam' ziyo' dakhyoo" ti"- he: byu joem we' hau: deingmain" khyoo: ri thoutheung ngeug pyam nyid boem ago". Hau" byu joem gi nyangnu" ase' myid soin: yu" boem, loo: yoomo loem" jeung" khyoo: moo byo, yoin" soem" joem: lo" boem, ago".

YOSHU 22:20

Phyo' shoin: pyam wa dang: phyed to" da" zi joem khyoo: yo' sen: wigi amyeing" byid: da" dang: ri atam" gyoo: he: pyam da" Zera da" yuggi zoo: Akhan khasu" bue" ziri myid boin: ge'. Hau: gang mo Israela byu phung: goin" yooboo dam byid: zi shau" ago". Akhan gi nya: yooboo gang moo: nyang: dayug khyeing" shid: zi anghoid» ga: zi nghoid.

2 KHOKHAM 21:2

Nya: byumyu" yi shid khyoo: yhe: lo" uri mungdain: mo Aseing wigi khaid thu pyam da" byumyu" yi da" aco' ajhoid avoid lo, moo" ri cang wigi Manashe gi Aseing ri thougtheung yooboo shoid da:.

PHAJHI" DANG: 2:13

O"- ngoo si' bye:- Moug: boo" gi moug: soid tho' je ge ziyo' dakhyo" phajhi" juyhi: gi nheig agyeing: zi tho' je ge da:.

PHAJHI" DANG: 7:12

Hau: zigi nang ri ngei yo' dayhang: ti" goem loem zi yo" byid: wa. Phajhi" gi nang ri goem loem tung" zung" byid: nyid wa. He: zigi Lasi phajhi" da" akyu" nghoid da:.

1 SAMUELA 14:30

Goem lau gyi yiri nyangnu" meing: zain: oung: thang: ri nyangnu" da" zooshug nyha" byumyu" yi shau" zo: nghoid rigi akhanyid" khayhi' yoem: bo wa. Myid yu" ge' Philisti byumyu" yiri khamyhoo' yo" said pyam shi" wa la"» ga: tid boem.

YOBA 35:8

Re" da" yooboo joem gang mo kyi" khyeug kham zo: zigi re" byencang" byu yi za: danghoid. Houg: lho: nang koid da" ge khyoo: gi byu nyang: cang" za: pang" thoug da:.

PHAJHI" DANG: 7:19

Mung" vhoeb zoug: daxi: yug wigi voomoo" daloem ri yo" koid tho' byu dayug shid re" phajhi" juyhi: gi je akyu" yo" koid byid: da:.

PHAJHI" DANG: 10:1

Yang khung" shid: mang joem gi nam pyo: xu: da parheing" goin" ziri boeb shoem: yo" nam nhang: pyam da:. Nheig agyeing: koopyoid moo" zoo" dajhi' za: zi wigi gye" gyi: sheung: da" phajhi" ri yo" phyo' shoin' pyam da:.

PHAJHI" DANG: 10:10

Re" voozung: nu: wigi hau: ziri nang asei" tho' nghoid rigi hau: zi ci: lho: yoem je kaid ca" wa. Shid mo khyoo: ri soin' ci: zigi myo, jang bo da" khyoo: nghoid da:.